వరుడితో పోటీపడి తగ్గేదేలే అన్న వధువు.. కట్ చేస్తే.. స్ట్రెచర్‌పై ఆసుపత్రికి.. అసలేమైందంటే?

Viral News

పెళ్లి రోజున ప్రమాదం జరగడంతో వధువు నేరుగా ఆస్పత్రిలో చేరాల్సి వచ్చింది. నొప్పితో బాధపడుతోన్న వధువు పెళ్లి వేదిక నుంచి చికిత్స నిమిత్తం ఆస్పత్రికి తరలించారు. ఆమె భుజం ఎముక విరిగిపోవడంతో.. ఆనందంగా గడపాల్సిన రోజున నూతన దంపతులకు బాధను మిగిల్చింది.’మిర్రర్ యుకె’ నివేదిక ప్రకారం, వధువు పేరు ఎవెలిన్ మెక్‌కూల్. ఇటీవలే ఎవెలిన్ పీటర్ మెక్‌కాపిన్‌ను వివాహం చేసుకున్నారు. పెళ్లి రోజున ఒక డ్యాన్స్ పోటీ నిర్వహించారు. అయితే, వరుడితో పోటీ పడి ప్రదర్శన ఇచ్చేందుకు ఎవెలిన్ రెడీ అయింది. కానీ, ఈ సమయంలో ఆమెకు ఓ ప్రమాదం జరిగింది. దాని కారణంగా ఎవెలిన్‌ను స్ట్రెచర్‌పై తీసుకెళ్లి ఆసుపత్రికి తీసుకెళ్లవలసి వచ్చింది.

పెళ్లి మధ్యలో వధూవరుల మధ్య డ్యాన్స్ పోటీ ఉంటుందని ప్రకటించారు. ఎవెలిన్ సరదాగా డ్యాన్స్ ఫ్లోర్‌కి వచ్చింది. డ్యాన్స్ చేస్తుండగా ఒక్కసారిగా కాలు జారి దబేలున కింద పడిపోయింది. కింద పడుతుండగా ఆమె ఎడమ చేతిని నేలపై ఆనించి తప్పించుకునేందుకు ప్రయత్నించింది. ఈ క్రమంలో భుజం ఎముకపై ఒత్తిడి పడడంతో విరిగినట్లు ఎక్స్‌రేలో తేలింది. దీంతో ఎవెలిన్ నొప్పితో గట్టిగా అరుస్తుండడంతో.. వెంటనే ఆమెను ఆసుపత్రికి తరలించారు. అక్కడ ఎవెలిన్ రాత్రంతా గడిపారు. అయితే, చికిత్స అనంతరం మరుసటి రోజే ఎవెలిన్ ఆసుపత్రి నుంచి డిశ్చార్జ్ అయింది. ఎవెలిన్ ఓ ఐటీ కంపెనీలో పనిచేస్తోంది. తన పెళ్లి రోజు జరిగిన ఈ ప్రమాదం గురించి ఆమె స్వయంగా పేర్కొంది.

Also Read: రైలు పట్టాల మధ్య క్యాజువల్‌గా పడుకున్న మహిళ !! రైలు వెళ్లిన తర్వాత ఏం చేసిందంటే ??

Watch Video: చేపల కోసం వెళ్తే.. వలలో చిక్కిన 22 ఏళ్ల నాటి బాక్స్.. ఓపెన్ చేసి చూస్తే ఫ్యూజులు ఔట్..