నడిరోడ్డుపై ఎద్దు బీభత్సం.. గాలిలో బంతిలాగ ఎగిరిపడ్డ మహిళ.. షాకింగ్ వీడియో చూస్తే వణుకే..!
ఉత్తరప్రదేశ్లోని షామ్లీలో వీధి ఎద్దు దాడిలో ఓ మహిళ తీవ్రంగా గాయపడింది. ఈ షాకింగ్ సంఘటన సీసీటీవీలో రికార్డైంది. నగరాల్లో వీధి పశువుల బెడద ఎంత తీవ్రంగా ఉందో ఇది స్పష్టం చేస్తోంది. స్థానికులు వెంటనే ప్రభుత్వ చర్యలు తీసుకోవాలని, ఇలాంటి ప్రమాదకర సంఘటనలు పునరావృతం కాకుండా చూడాలని డిమాండ్ చేస్తున్నారు. గాయపడిన మహిళ ఆసుపత్రిలో చికిత్స పొందుతోంది.
మరోసారి నగరంలోని సామాన్య ప్రజలకు వీధి పశువులు ముప్పుగా మారాయి. స్టేట్ బ్యాంక్ ఆఫ్ ఇండియా బ్రాంచ్ సమీపంలో ఒక ఎద్దు వీరంగం సృష్టించింది. రోడ్డుపై నడుచుకుంటూ వెళ్తున్న ఒక మహిళపై దాడి చేసింది. దాని కొమ్ములతో ఆమెను ఎత్తుకుని అమాంతంగా కింద పడేసింది. ఈ దాడిలో ఆ మహిళ తీవ్రంగా గాయపడింది. ఈ మొత్తం సంఘటన సమీపంలోని సిసిటివి కెమెరాలో రికార్డైంది. ఎద్దు దాడి, మహిళ పడిపోవడం వీడియోలో స్పష్టంగా చూపిస్తుంది. సమీపంలోని ప్రజలు వెంటనే సంఘటనా స్థలానికి చేరుకుని ఆ మహిళను రక్షించి, ఎద్దును తరిమికొట్టారు. ఈ షాకింగ్ ఘటన ఉత్తరప్రదేశ్లోని షామ్లీలో చోటు చేసుకుంది.
ఉత్తరప్రదేశ్ షామ్లీలోని కాంధ్లా మార్కెట్ ప్రాంతంలో జరిగిన ఎద్దు దాడిలో ఒక మహిళ తీవ్రంగా గాయపడింది. ఈ సంఘటన స్థానిక సీసీటీవీ కెమెరాల్లో రికార్డైంది. ఈ వీడియో వైరల్గా మారడంతో, రద్దీగా ఉండే మార్కెట్లో విచ్చలవిడిగా తిరుగుతున్న పశువుల కారణంగా ప్రజలు ప్రాణాలు అరచేతిలో పెట్టుకుని ఉండాల్సి వస్తోంది. ఇది సమీపంలోని దుకాణదారులు, నివాసితులను భయాందోళనలకు గురిచేసింది.
వీడియో ఇక్కడ చూడండి..
यूपी,शामली- आवारा सांड का आतंक
सड़क से गुजर रही महिला को सांड ने सींगों से उठाकर फेंका महिला हुई घायल। पहले भी कई लोगों को कर चुका है घायल। घटना CCTV में कैद। pic.twitter.com/zhVXE0d1te— Shanu (@Khabrishanu) January 18, 2026
వ్యాపారులు, స్థానిక నివాసితులు ఈ వీడియోను సోషల్ మీడియాలో విస్తృతంగా షేర్ చేశారు. స్థానిక పరిపాలన విభాగాలు తక్షణ చర్య తీసుకోవాలని డిమాండ్ చేస్తున్నారు. కాంధ్లా పట్టణంలో వీధి పశువులు, ముఖ్యంగా ఎద్దులు ప్రజలకు తీవ్ర ముప్పుగా మారాయని వారు వాపోతున్నారు. ఇటువంటి సంఘటనలు చాలాసార్లు జరిగాయి. కానీ, ఇప్పటికీ యంత్రాంగం ఎటువంటి చర్యలు చేపట్టలేదని ప్రజలు ఆగ్రహం వ్యక్తం చేశారు.
స్థానికులు, వాహనదారులు వెంటనే స్పందించి, గాయపడిన మహిళను సమీపంలోని ఆసుపత్రికి తరలించారు. అక్కడ నుండి మెరుగైన చికిత్స కోసం ఆమెను ఉన్నత కేంద్రానికి తరలించారు. ఆమె ప్రస్తుతం చికిత్స పొందుతోంది. ఆమె పరిస్థితి విషమంగా ఉందని సమాచారం.
మరిన్ని ట్రెండింగ్ న్యూస్ కోసం క్లిక్ చేయండి..