అక్క చేతిలో ఐఫోన్ నొక్కేసిన కోతి.. కట్ చేస్తే జ్యూస్ ఆఫర్తో సీన్ రివర్స్..! భలే సీన్ బ్రో..
సోషల్ మీడియాలో ప్రతిరోజూ జంతువులకు సంబంధించిన వింతలు, విశేషాలు వైరల్ అవుతుంటాయి. ఇటీవల ఇన్స్టాగ్రామ్లో వైరల్ అయిన ఒక వీడియో నెటిజన్లను విపరీతంగా ఆకట్టుకుంటోంది. కొండపై ఉన్న ఒక టూరిస్ట్ స్పాట్లో యువతి తన ఫోన్తో ఫోటోలు లేదా వీడియోలు తీసుకుంటుండగా, ఒక కోతి హఠాత్తుగా వచ్చి ఆమె చేతిలోని ఐఫోన్ను లాక్కుంది. భయపడిపోయిన ఆ యువతి ఫోన్ కోసం ఏం చేసిందంటే..
కోతులు చేసే చేష్టలు, చిలిపి పనులు ఎప్పుడూ నవ్వులు పూయిస్తుంటాయి. ముఖ్యంగా పర్యాటక ప్రాంతాల్లో కోతులు పర్యాటకుల చేతిలో ఉన్న ఆహార పదార్థాలు, బాగ్లు, వస్తువులను ఎత్తుకెళ్లడం సాధారణంగా చూస్తుంటాం. అయితే ఇటీవల సోషల్ మీడియాలో వైరల్ అయిన ఒక వీడియోలో ఒక కోతి చేసిన పని నెటిజన్లను ఎంతగానో ఆకట్టుకుంటోంది.
ఒక ప్రముఖ కొండ ప్రాంతంలో ఉన్న వ్యూ పాయింట్ వద్ద ఒక యువతి నిలబడి తన విలువైన ఐఫోన్తో ఫోటోలు తీసుకుంటోంది. అంతలోనే ఎక్కడి నుంచి వచ్చిందో ఒక కోతి హఠాత్తుగా ఆమె ముందుకు దూకింది. యువతి తేరుకునే లోపే రెప్పపాటులో ఆమె చేతిలోని ఫోన్ను లాక్కొని పక్కనే ఉన్న గ్రిల్స్పై కూర్చుంది. ఊహించని ఈ పరిణామంతో ఆ యువతి తీవ్ర దిగ్భ్రాంతికి గురైంది. తన ఐఫోన్ ఎక్కడ కింద పడేస్తుందో లేదా పాడుచేస్తుందోనని భయపడిపోయింది.
తన ఫోన్ను తిరిగి దక్కించుకోవడానికి ఆ యువతి ఒక యుక్తిని ఆలోచించింది. వెంటనే తన వద్ద ఉన్న ఒక జ్యూస్ బాటిల్ను కోతికి చూపించింది. కోతి దృష్టిని ఆకర్షిస్తూ జ్యూస్ సీసాను దాని వైపు అందించింది. కోతులు సాధారణంగా ఆహారం లేదా పానీయాలు చూస్తే సులభంగా ఆకర్షితులవుతాయని గ్రహించిన ఆ యువతి ప్లాన్ అద్భుతంగా పారింది.
యువతి అందించిన జ్యూస్ బాటిల్ను చూసిన ఆ కోతి ఏమాత్రం ఆలస్యం చేయకుండా ఒక చేత్తో బాటిల్ను అందుకుని, మరో చేతితో ఐఫోన్ను సురక్షితంగా యువతికి తిరిగ ఇచ్చేసింది. ఈ దృశ్యాన్ని అక్కడ ఉన్న మరొకరు వీడియో తీసి ఇన్స్టాగ్రామ్లో పోస్ట్ చేయడంతో అది క్షణాల్లో వైరల్గా మారింది.
ఈ వీడియో చూసిన నెటిజన్లు ఆ కోతి క్రమశిక్షణకు, తెలివితేటలకు ఫిదా అవుతున్నారు. ఈ రోజుల్లో మనుషుల కంటే కోతులే బాగా వ్యాపారం చేస్తున్నాయి అని కొందరు, బాటిల్ ఇచ్చి ఫోన్ తీసుకోవడం చాలా ఫెయిర్ డీల్ అని మరికొందరు సరదాగా కామెంట్లు చేస్తున్నారు. జంతువులతో వ్యవహరించేటప్పుడు ఎంత జాగ్రత్తగా ఉండాలో, అదే సమయంలో సమయస్ఫూర్తితో సమస్యను ఎలా పరిష్కరించుకోవచ్చో ఈ వీడియో నిరూపిస్తోంది.
మరిన్ని ట్రెండింగ్ న్యూస్ కోసం క్లిక్ చేయండి..