వివో X ఫోల్డ్ 6 స్మార్ట్ఫోన్ వివరాలు ఎవ్వరైనా షాకవ్వాల్సిందే.. అంతగా ఏముందనుకుంటున్నారా?
Vivo X Fold 6.. ఫోల్డబుల్ స్మార్ట్ఫోన్ మార్కెట్లో Vivo మరో సంచలనానికి సిద్ధమవుతున్నట్లు తెలుస్తోంది. చైనాలో జూన్ 2026లో విడుదలైన Vivo X Fold 6 ఇప్పుడు అంతర్జాతీయ మార్కెట్లలోకి అడుగుపెట్టే సూచనలు కనిపిస్తున్నాయి. తాజాగా Geekbenchలో Vivo V2559 మోడల్ కనిపించడంతో ఈ ఫోన్పై అంచనాలు పెరిగాయి. భారత్లోనూ త్వరలో లాంచ్ అయ్యే అవకాశం ఉందని సమాచారం.
భారీ ఫోల్డబుల్ స్క్రీన్, 7,000mAh బ్యాటరీ, 200MP కెమెరా ఉంటే ఫోన్ ఎంత శక్తివంతంగా ఉంటుందో ఊహించుకోవచ్చు. Vivo X Fold 6 అలాంటి ప్రత్యేకతలతో ఇప్పటికే చైనాలో అందుబాటులో ఉంది. ఇప్పుడు అంతర్జాతీయ మార్కెట్లోకి రానున్నట్లు సంకేతాలు వెలువడుతున్నాయి. Geekbench, NBTC, SDPPI లిస్టింగ్లు ఈ వార్తలకు మరింత బలం చేకూరుస్తున్నాయి.
Geekbenchలో అదిరిపోయే స్కోర్లు!
Geekbenchలో Vivo V2559 మోడల్ సింగిల్-కోర్ టెస్టులో 1,710, మల్టీ-కోర్ టెస్టులో 5,977 పాయింట్లు సాధించింది. ఇందులో 12GB RAMతో పాటు MediaTek Dimensity 9500 ప్రాసెసర్ ఉన్నట్లు లిస్టింగ్ వెల్లడించింది. ఈ ఫోన్ Android 17తో కనిపించడం ఆసక్తికరంగా మారింది. చైనాలోని Vivo X Fold 6 Android 16 ఆధారిత OriginOS 6 Foldతో వచ్చింది. అంతర్జాతీయ మోడల్లో Android 17 అందిస్తే సాఫ్ట్వేర్ పరంగా కీలక మార్పుగా చెప్పొచ్చు. అయితే దీనిపై Vivo అధికారిక ప్రకటన చేయాల్సి ఉంది.
భారీ డిస్ప్లే.. 7,000mAh బ్యాటరీ!
Vivo X Fold 6లో 8.02 అంగుళాల ఫోల్డబుల్ AMOLED డిస్ప్లే ఉంది. ఇది 2,504 × 2,312 పిక్సెల్స్ రిజల్యూషన్, 120Hz రిఫ్రెష్ రేట్, 300Hz టచ్ శాంప్లింగ్ రేట్ను అందిస్తుంది. బయట 6.51 అంగుళాల AMOLED స్క్రీన్ ఉంటుంది. ఫోన్లో 7,000mAh భారీ బ్యాటరీ ఉంది. కెమెరాల విషయానికి వస్తే Zeiss బ్రాండెడ్ ట్రిపుల్ రియర్ కెమెరా సెటప్ లభిస్తుంది. 200MP OIS ప్రైమరీ కెమెరా, 50MP అల్ట్రా-వైడ్, 50MP పెరిస్కోప్ టెలిఫోటో కెమెరాలు ఉన్నాయి. ముందు, లోపలి స్క్రీన్లపై 20MP సెల్ఫీ కెమెరాలు ఉంటాయి. 8K వీడియో రికార్డింగ్కు కూడా మద్దతు ఉన్నట్లు సమాచారం.
Vivo V2559 ఇప్పటికే థాయ్లాండ్ NBTC, ఇండోనేషియా SDPPI సర్టిఫికేషన్లలో కనిపించింది. దీంతో గ్లోబల్ లాంచ్కు సన్నాహాలు జరుగుతున్నట్లు తెలుస్తోంది. భారత్లో వచ్చే నెలలో విడుదలయ్యే అవకాశం ఉందని నివేదికలు చెబుతున్నా.. తేదీ, ధర, స్టోరేజ్ వేరియంట్లను Vivo ఇంకా అధికారికంగా వెల్లడించలేదు.