పిచ్చెక్కించే ఫీచర్లతో మార్కెట్‌లో సంచలనానికి రెడ్‌మీ రెడీ.. 17సీ ధర అంత తక్కువా?

Redmi 17c 5g

అద్భుతమైన డిస్‌ప్లే అనుభూతిని, మెరుగైన ప్రాసెసర్ పనితీరును అందించడంలో ముందుండే రెడ్‌మి సంస్థ తన తాజా మోడల్‌ను ఆవిష్కరించింది. వినూత్న హంగులు, దీర్ఘకాలిక బ్యాటరీ లైఫ్‌తో వస్తున్న ఈ హ్యాండ్‌సెట్ మార్కెట్లో భారీ అంచనాలను రేకెత్తిస్తోంది. ఆధునిక సాంకేతికతను తక్కువ ధరలో కోరుకునే కొనుగోలుదారులను ఆకట్టుకునేలా రూపొందిన ఈ నూతన సృష్టి పూర్తి వివరాలను తెలుసుకుందాం.

ప్రముఖ స్మార్ట్‌ఫోన్ బ్రాండ్ రెడ్‌మి కొత్త బడ్జెట్ 5జీ స్మార్ట్‌ఫోన్ రెడ్‌మి 17సీ 5జీను విడుదల చేసింది. 120హెర్ట్జ్ రిఫ్రెష్ రేట్ డిస్‌ప్లే, మీడియాటెక్ డైమెన్సిటీ 6300 ప్రాసెసర్, 6000mAh భారీ బ్యాటరీ, 50ఎంపీ కెమెరా, ఐపీ64 రేటింగ్ వంటి ఫీచర్లతో ఈ ఫోన్‌ను తీసుకొచ్చింది. ప్రస్తుతం ఈ ఫోన్ సింగపూర్ మార్కెట్లో విడుదలైంది. ఇతర మార్కెట్లలో, ముఖ్యంగా భారత్‌లో రెడ్‌మి 17సీ 5జీ లాంచ్‌పై కంపెనీ ఇంకా అధికారిక ప్రకటన చేయలేదు.

సింగపూర్‌లో రెడ్‌మి 17సీ 5జీ ధర ఎస్‌జీడీ 279, అంటే భారత కరెన్సీలో సుమారు రూ.19,000గా ఉంటుంది. ఈ ఫోన్ మూడు కలర్ ఆప్షన్లలో లభిస్తుండగా పర్పుల్, బ్లాక్, బ్రౌన్ వీగన్ లెదర్ ఫినిష్‌లో వస్తుంది. భారత్‌తో పాటు ఇతర మార్కెట్లలో ఈ ఫోన్ ఎప్పుడు విడుదలవుతుందనే విషయాన్ని రెడ్‌మి ఇంకా వెల్లడించలేదు. రెడ్‌మి 17సీ 5జీలో 6.9 అంగుళాల ఎల్‌సీడీ డిస్‌ప్లే ఉంది. ఇది 1600×720 పిక్సెల్స్ రిజల్యూషన్‌తో వస్తుంది. స్మూత్ స్క్రోలింగ్, గేమింగ్ కోసం స్క్రీన్ 120హెర్ట్జ్ వరకు రిఫ్రెష్ రేట్‌కు సపోర్ట్ చేస్తుంది.

బ్రైట్‌నెస్ విషయానికి వస్తే సాధారణంగా 660 నిట్స్, హెచ్‌బీఎం మోడ్‌లో గరిష్ఠంగా 810 నిట్స్ వరకు బ్రైట్‌నెస్ అందిస్తుంది. కళ్లపై ఒత్తిడిని తగ్గించేందుకు డీసీ డిమ్మింగ్, అలాగే ట్యూ లైన్‌లాండ్ సర్టిఫికేషన్‌ను కూడా అందించారు. డిజిటల్ రంగంలో తమ స్థానాన్ని మరింత పటిష్టం చేసుకోవడానికి ఈ సంస్థ నిరంతరం ఆకర్షణీయమైన ఫీచర్లను పరిచయం చేస్తోంది.

డ్యూయల్ రియర్ కెమెరా సెటప్

పనితీరు కోసం రెడ్‌మి 17సీ 5జీలో మీడియాటెక్ డైమెన్సిటీ 6300 చిప్‌సెట్‌ను ఉపయోగించారు. ఈ ఫోన్ 4జీబీ ర్యామ్‌తో వస్తుంది. స్టోరేజ్ విషయానికి వస్తే 64జీబీ, 128జీబీ ఆప్షన్లు ఉన్నాయి. అదనంగా మైక్రోఎస్డీ కార్డు ద్వారా స్టోరేజ్‌ను 1టీబీ వరకు విస్తరించుకునే అవకాశం ఉంది. దీంతో ఫొటోలు, వీడియోలు, యాప్స్, ఇతర ఫైళ్లను ఎక్కువగా స్టోర్ చేసుకునే అవకాశం ఉంటుంది.

కెమెరా విషయానికి వస్తే రెడ్‌మి 17సీ 5జీలో డ్యూయల్ రియర్ కెమెరా సెటప్ ఉంది. ఇందులో 50ఎంపీ ప్రైమరీ కెమెరా, ఎఫ్‌/1.8 అపర్చర్ ఆక్సిలరీ లెన్స్ అందించారు. కెమెరాలో హెచ్‌డీఆర్, నైట్ మోడ్, పోర్ట్రెయిట్ మోడ్ వంటి ఫీచర్లు ఉన్నాయి. వీడియో రికార్డింగ్ కోసం 30ఎఫ్‌పీఎస్ వద్ద 1080పీ వీడియోను రికార్డ్ చేయవచ్చు. సెల్ఫీలు, వీడియో కాల్స్ కోసం 8ఎంపీ ఫ్రంట్ కెమెరాను అందించారు. రెడ్‌మి 17సీ 5జీలో 6000mAh భారీ బ్యాటరీ ఉంది.

ఇది 33డబ్ల్యూ ఫాస్ట్ ఛార్జింగ్‌కు సపోర్ట్ చేస్తుంది. అయితే కంపెనీ రిటైల్ బాక్స్‌లో 15డబ్ల్యూ ఛార్జర్‌ను మాత్రమే అందిస్తోంది. పూర్తి 33డబ్ల్యూ ఛార్జింగ్ సామర్థ్యాన్ని ఉపయోగించుకోవాలంటే అనుకూలమైన ఛార్జర్ అవసరం కావచ్చు. రోజువారీ పనులతో పాటు మల్టీటాస్కింగ్ సులువుగా జరిగేలా రెడ్‌మి సంస్థ తగిన జాగ్రత్తలు తీసుకుంటోంది.

కనెక్టివిటీ

కనెక్టివిటీ పరంగా రెడ్‌మి 17సీ 5జీలో పలు ఫీచర్లు ఉన్నాయి. వీటిలో డ్యూయల్ సిమ్, 5జీ, వైఫై, బ్లూటూత్ 5.4, ఎన్‌ఎఫ్‌సీ, 3.5ఎంఎం హెడ్‌ఫోన్ జాక్, ఎఫ్‌ఎం రేడియో వంటివి ఉన్నాయి. భద్రత కోసం సైడ్-మౌంటెడ్ ఫింగర్‌ప్రింట్ స్కానర్‌ను అందించారు. రెడ్‌మి 17సీ 5జీకు ఐపీ64 రేటింగ్ ఉంది. దీంతో దుమ్ము, నీటి తుంపరల నుంచి ఫోన్‌కు కొంత రక్షణ లభిస్తుంది. ఫోన్ కొలతలు 171.56 × 79.47 × 8.05mm, బరువు 211 గ్రాములుగా ఉంది.

మార్కెట్లో విడుదలైన తర్వాత ఇతర ప్రముఖ బ్రాండ్ల బడ్జెట్ ఫోన్లకు ఈ డివైజ్ గట్టి పోటీ ఇవ్వనుంది. అధికారిక లాంచ్ తేదీ సమీపిస్తున్న కొద్దీ ఈ హ్యాండ్‌సెట్‌కు సంబంధించిన మరిన్ని ఆసక్తికరమైన వివరాలు వెలువడే అవకాశం ఉంది. టెక్ ప్రియులు ఎంతగానో ఎదురుచూస్తున్న ఈ అద్భుతమైన స్మార్ట్‌ఫోన్ మార్కెట్లో సంచలనాలు సృష్టించడం ఖాయం. అత్యాధునిక హార్డ్‌వేర్, బడ్జెట్ ధరలో లభించే ఫీచర్లను కోరుకునే ప్రతి ఒక్కరికీ ఈ ఫోన్ చక్కటి ఎంపికగా నిలుస్తుంది.