ఫోన్, ల్యాప్‌టాప్ రెండింటికీ ఒకేసారి కనెక్ట్ చేసుకునే ఇయర్‌‌బడ్స్‌! వర్షంలోనూ నో టెన్షన్

Oppo Enco Buds3 Pro.

బడ్జెట్‌లో మంచి శబ్ద నాణ్యతతో పాటు ఎక్కువసేపు పనిచేసే ఇయర్‌బడ్స్ కోసం చూస్తున్న వారికి OPPO Enco Buds3 Pro ఆకట్టుకునే ఎంపికగా కనిపిస్తోంది. గ్రాఫైట్ గ్రే రంగులో ప్రీమియం రూపంతో వచ్చిన ఈ ఇయర్‌బడ్స్‌లో బలమైన బేస్, సుదీర్ఘ బ్యాటరీ, IP55 రక్షణ వంటి సదుపాయాలు ఉండటం విశేషం. ధర కూడా అందుబాటులోనే ఉంది.

అదిరిపోయే శబ్ద అనుభూతి!

OPPO Enco Buds3 Proను గ్రాఫైట్ గ్రే రంగులో ఆకర్షణీయంగా రూపొందించారు. చెవుల్లో ఎక్కువసేపు ఉంచుకున్నా ఇబ్బంది కలగకుండా సౌకర్యవంతమైన రూపకల్పన ఇచ్చారు. చిన్న పరిమాణంలో ఉండే ఛార్జింగ్ కేస్‌ను సులభంగా జేబులో తీసుకెళ్లవచ్చు. శబ్ద నాణ్యత కోసం ఇందులో 12.4mm టైటానియం-కోటెడ్ డ్రైవర్లను ఉపయోగించారు. ఇవి స్పష్టమైన ఆడియోతో పాటు బలమైన బేస్‌ను అందించేలా రూపొందించారు. పాటలు వినడం, సినిమాలు చూడటం వంటి సమయంలో మెరుగైన శబ్ద అనుభూతి లభిస్తుంది. కాల్స్ సమయంలోనూ పరిసర శబ్దాన్ని తగ్గించి స్పష్టమైన స్వరాన్ని అందించే సదుపాయం ఉంది.

54 గంటల బ్యాటరీ..

ఛార్జింగ్ కేసుతో కలిపి ఈ ఇయర్‌బడ్స్ 54 గంటల వరకు పనిచేస్తాయి. దీంతో తరచూ ఛార్జింగ్ చేయాల్సిన అవసరం తగ్గుతుంది. ఆఫీస్ పని, ప్రయాణాలు, ఎక్కువసేపు కాల్స్, వినోదం వంటి అవసరాలకు ఇది ఉపయోగపడుతుంది. ఈ ధరలో రెండు పరికరాలకు ఒకేసారి అనుసంధానం చేసుకునే సదుపాయం ప్రత్యేక ఆకర్షణ. స్మార్ట్‌ఫోన్, ల్యాప్‌టాప్ రెండింటితోనూ అనుసంధానమై ఉండటంతో అవసరానికి అనుగుణంగా పరికరం మార్చుకోవచ్చు. వ్యాయామాలు, జాగింగ్ సమయంలో చెమట, చిన్నపాటి వర్షం నుంచి రక్షణ కోసం IP55 రేటింగ్ ఇచ్చారు. రూ.2000 లోపు ధరలో 54 గంటల బ్యాటరీ, 12.4mm డ్రైవర్లు, రెండు పరికరాల అనుసంధానం, IP55 రక్షణ వంటి సదుపాయాలతో OPPO Enco Buds3 Pro బడ్జెట్ వినియోగదారులకు ఆసక్తికరమైన ఎంపికగా నిలుస్తోంది.