Smart Lock: ఇక తాళం చెవుల అవసరం లేదు..వేలిముద్ర చాలు.. లాక్ పగులగొట్టాలని చూస్తే అంతే సంగతులు.. ఆలీఘర్ స్మార్ట్ లాక్స్ రెడీ

Alighar Smart Locks

Smart Lock: తాళాల గురించి మనం మాట్లాడుకోవాలంటే ముందుగా గుర్తువచ్చేది అలీఘర్ తాళాలు. తాళానికి సంబంధించి ప్రజలు ఇప్పటికీ ఎక్కువగా ఆధారపడేది అలీఘర్ తాళాల పైనే. ప్రధాని మోడీ కూడా ఇదే విషయాన్ని ఇటీవల అలీఘర్‌లోని రాజా మహేంద్ర ప్రతాప్ సింగ్ యూనివర్శిటీ శంకుస్థాపన కార్యక్రమంలో ప్రస్తావించారు కూడా. కాలంతో పాటు అలీఘర్‌ తాళాలు కూడా ఆధునికత సంతరించుకున్నాయి. ఇప్పుడు తాజాగా సరికొత్త టెక్నాలజీని అవి అందిపుచ్చుకున్నాయి. ఇప్పుడు అలీఘర్ స్మార్ట్ డోర్ లాక్‌లు అంతర్జాతీయ మార్కెట్‌లో తమదైన ముద్ర వేయడానికి సిద్ధంగా ఉన్నాయి.

ఇప్పుడు మార్కెట్‌లో బయోమెట్రిక్ డోర్ లాక్‌కి డిమాండ్ వేగంగా పెరుగుతోంది. అంటే, మన వేలి ముద్రతో తెరుచుకునే తాళాలు. అలాంటి తాళాలు ఇప్పుడు అలీగఢ్‌లో సిద్ధం కానున్నాయి. తైవాన్ సాంకేతికత.. అలీఘర్ బలం ఈ తదుపరి తరం తాళాలలో కనిపిస్తాయి. ప్రస్తుతం బయోమెట్రిక్, డిజిటల్ లాక్‌లలో చైనా ముందు వరుసలో ఉంది.

డిజిటల్ లేదా బయోమెట్రిక్ డోర్ లాక్ అంటే ఏమిటి?

బయోమెట్రిక్ అనేది మీ వేలిముద్రను స్కాన్ చేసి దాని డేటాను నిల్వ చేసే సిస్టమ్. ఈ తాళాలు టచ్ ప్యానెల్ లేదా స్క్రీన్‌ను కలిగి ఉంటాయి. ఇందులో థర్మల్ లేదా ఆప్టికల్ స్కానర్ ఉంటుంది. ఇక్కడే వేలు పెడతారు. స్క్రీన్‌లోని సెన్సార్‌లు మీ వేలిముద్రను స్కాన్ చేసి, నిల్వ చేసిన డేటాతో సరిపోల్చుతాయి. డేటా సరిపోలిన తర్వాత లాక్ తెరుచుకుంటుంది.

నెక్స్ట్ జనరేషన్ స్మార్ట్ లాక్

నౌ ఫీచర్లు తైవాన్ సాంకేతికత అలీఘర్ తాళాలలో ఉపయోగిస్తారు. అంటే, హైటెక్ బలం ఇందులో చేరుతుంది. ఇండియన్ ఇండస్ట్రీస్ అసోసియేషన్ (IIA) తైవాన్ నుండి సాంకేతికతను బదిలీ చేయడానికి చర్చలు ప్రారంభించింది. చిప్.. ఇంటిగ్రేటెడ్ సర్క్యూట్ (IC) ఇప్పుడు ఈ లాక్‌లలో ఉపయోగిస్తారు.

ఈ లాక్‌లలో స్మార్ట్ కార్డ్, బయోమెట్రిక్ వెరిఫికేషన్ (ఫింగర్‌ప్రింట్ మరియు ఫేస్ రీడింగ్) నియంత్రణ అందుబాటులో ఉంటుంది. వీటిని స్మార్ట్‌ఫోన్‌ నుంచి కూడా నియంత్రించుకోవచ్చు. WiFiకి కనెక్ట్ చేసిన తర్వాత, మీరు యాప్ సహాయంతో ఇంటి నుండి దూరంగా వాటిని ఆపరేట్ చేయగలుగుతారు. లాక్‌లో భద్రత కోసం సైరన్ మరియు హెచ్చరిక వ్యవస్థ కూడా ఉంటుంది. అవి USB ఛార్జర్ సహాయంతో ఛార్జ్ చేయబడతాయి. వీటిని ఒక్కసారి ఛార్జ్ చేస్తే 6 నెలల వరకు బ్యాకప్ పొందుతాయి.

అలీగఢ్ తాళాలు చైనాకు సవాలు విసురుతాయి.

అలీఘర్‌లో ఇప్పటి వరకూ మెకానికల్ తాళాలు తయారు అవుతున్నాయి. వీటిని కీతో తెరవడం లేదా మూసివేయడం జరుగుతుంది. ఇప్పుడు చాలా చోట్ల స్మార్ట్, డిజిటల్ తాళాలు వాడుతున్నారు. ఈ కారణంగా అలీఘర్ తాళాలకు డిమాండ్ తగ్గుతోంది. అయితే, ఈ లాక్‌లకు తైవాన్ టెక్నాలజీని జోడించినప్పుడు, ఇది స్మార్ట్ లాక్‌లలో అతిపెద్ద ప్లేయర్ అయిన చైనాకు ప్రత్యక్ష పోటీని ఇస్తుంది.

2027 నాటికి, డిజిటల్ డోర్ లాక్‌ల మార్కెట్ రూ. 1.34 లక్షల కోట్ల వాటా ఆలీఘర్‌ది అవుతుంది..
కోవిడ్-19 మహమ్మారి తర్వాత, ప్రపంచ మార్కెట్‌లో డిజిటల్ డోర్ లాక్‌లకు డిమాండ్ వేగంగా పెరిగింది. 2020 నాటికి దీని మార్కెట్ 3.3 బిలియన్ డాలర్లు (దాదాపు రూ. 24 వేల కోట్లు)గా మారింది. 2027 నాటికి దీని మార్కెట్ 17.9 బిలియన్ డాలర్లు (దాదాపు రూ. 1.34 లక్షల కోట్లు)గా ఉంటుందని విశ్వసిస్తున్నారు. అంటే, 2020 నుండి 2027 వరకు, ఇది 27.5% సమ్మేళనం వార్షిక వృద్ధి రేటు (CAGR) కలిగి ఉంటుంది. వచ్చే 7 సంవత్సరాలలో, US మార్కెట్లో డిజిటల్ డోర్ లాక్ మార్కెట్ 983.6 మిలియన్ల డాలర్లకు (దాదాపు 7 వేల కోట్ల రూపాయలు) చేరుతుందని అంచనా. అయితే, చైనాలో దాని కాంపౌండ్ వార్షిక వృద్ధి రేటు (CAGR) 26.7%గా ఉంటుంది.

ఇవి కూడా చదవండి: Tomato Price: దక్షిణాదిలో కాస్త తగ్గిన టమాటా ధర.. అక్కడ మాత్రం అదిరిపోయే రేంజిలోనే.. ఎక్కడ ఎంత రేటు ఉందంటే.. 

Mental Health: మీ వ్యవహార శైలిలో ఈ మార్పులు కనిపిస్తుంటే మీ మానసిక ఆరోగ్యం పాడైనట్టే..వెంటనే నిపుణులను సంప్రదించాల్సిందే!

Sensex: వారాంతంలో మదుపర్లకు బిగ్ షాక్.. భారీగా పడిపోయిన సెన్సెక్స్.. కారణాలు ఇ