5G Internet: చివరి దశకు చేరుకున్న 5జీ ట్రయల్ ప్రాజెక్టు.. వచ్చే ఏడాది ఈ 13 నగరాల్లో సేవలు..!
5G Internet: టెలికం రంగంలో టెక్నాలజీ మరింతగా అభివృద్ధి చెందుతోంది. ఇప్పటి వరకు 4జీ సేవలు అందుబాటులో ఉండగా, 5జీ సేవలు..
5G Internet: టెలికం రంగంలో టెక్నాలజీ మరింతగా అభివృద్ధి చెందుతోంది. ఇప్పటి వరకు 4జీ సేవలు అందుబాటులో ఉండగా, 5జీ సేవలు అందించేందుకు ప్రయత్నాలు ముమ్మరం జరుగుతున్నాయి. ఇక5G ట్రయల్ ప్రాజెక్ట్ చివరి దశకు చేరుకుంది. డిసెంబర్ 31, 2021 నాటికి పూర్తవుతుందని భావిస్తున్నారు. ఎయిర్టెల్‌, జియో, వొడాఫోన్‌ ఐడియా సహా టెలికాం ఆపరేటర్లు గురుగ్రామ్, బెంగళూరు, కోల్‌కతా, ముంబై, చండీగఢ్, ఢిల్లీ, జామ్‌నగర్, అహ్మదాబాద్, చెన్నై, హైదరాబాద్, లక్నో, పూణె, గాంధీనగర్‌లలో 5G ట్రయల్ సైట్‌లను ఏర్పాటు చేసినట్లు సోమవారం ఒక అధికారిక ప్రకటన తెలిపారు. వచ్చే ఏడాది ఈ మెట్రోలు, పెద్ద నగరాల్లో 5G సేవలు మొదట ప్రారంభమవుతాయి.
2021 సాధించిన విజయాల గురించి సమాచారం ఇస్తూ, టెలికాం రంగంలో ఆర్థిక ఒత్తిడిని తగ్గించడానికి సెప్టెంబర్‌లో ప్రకటించిన వివిధ సంస్కరణలు భారత్ నెట్ నుండి లెఫ్ట్ వింగ్ తీవ్రవాద ప్రభావిత ప్రాంతాల్లో మొబైల్ టవర్ల ఏర్పాటు వరకు ముఖ్యమైన దశలుగా ఉన్నాయని టెలికమ్యూనికేషన్స్ డిపార్ట్‌మెంట్ తెలిపింది. నివేదికల ప్రకారం.. టెలికాం రంగంలో విదేశీ ప్రత్యక్ష పెట్టుబడులు 2002 మరియు 2014 మధ్య రూ. 62,386 కోట్ల నుండి 2014 మరియు 2021 మధ్య దాదాపు 150 శాతం పెరిగి రూ.1,55,353 కోట్లకు చేరుకున్నాయి. డిపార్ట్‌మెంట్ ఆఫ్ టెలికమ్యూనికేషన్స్ నిధులతో చేపట్టిన 5జీ ట్రయల్ ప్రాజెక్ట్ చివరి దశకు చేరుకుందని తెలిపింది.
ఇక ఐఐటీ బాంబే, ఐఐటీ-ఢిల్లీ, ఐఐటీ-హైదరాబాద్, ఐఐటీ-మద్రాస్, ఐఐటీ-కాన్పూర్, ఇండియన్ ఇన్‌స్టిట్యూట్ ఆఫ్ సైన్స్ బెంగళూరు (ఐఐఎస్‌సీ), సొసైటీ ఫర్ అప్లైడ్ మైక్రోవేవ్ ఎలక్ట్రానిక్స్ ఇంజినీరింగ్ అండ్ రీసెర్చ్ (సమీర్‌సేమర్) మరియు సెంటర్ ఫర్ ఎక్సలెన్స్‌లో ఎనిమిది ఏజెన్సీలు ఉన్నాయి. ఇవి 5జీ టెక్నాలజీ కోసం ఎంతగానో సహకరిస్తున్నాయి.
224 కోట్ల ప్రాజెక్టు
రూ. 224 కోట్ల అంచనా వ్యయంతో ప్రాజెక్ట్ డిసెంబర్ 31, 2021 నాటికి పూర్తవుతుందని తెలుస్తోంది. ఇది దేశంలో 5G వినియోగదారు పరికరాలు, నెట్‌వర్క్ పరికరాలను పరీక్షించడానికి మార్గం సుగమం చేస్తుంది.
మొబైల్ ఫోన్ల ప్రపంచం మారిపోతుంది
5జీ రాకతో మొబైల్ ఫోన్ల ప్రపంచమే మారిపోతుంది. ఒక అంచనా ప్రకారం, 5G వేగం 4G కంటే 10 రెట్లు ఎక్కువ. 5G సేవ పరిచయం డిజిటల్ విప్లవానికి కొత్త కోణాన్ని ఇస్తుంది. ఇది దేశ ఆర్థిక వ్యవస్థకు మేలు చేస్తుంది. ఈ-గవర్నెన్స్ విస్తరిస్తుంది. కరోనా కాలంలో ప్రతి ఒక్కరూ ఇంటర్నెట్‌పై ఆధారపడే విధానం ఏర్పడింది. దీనిని పరిగణనలోకి తీసుకుంటే 5G సేవలు ప్రతి ఒక్కరి జీవితాన్ని మెరుగుపరచడంలో, సులభతరం చేయడంలో సహాయపడుతుంది.
ఇవి కూడా చదవండి: