T20 World Cup 2021: స్కాట్లాం‎డ్‎పై ఆఫ్ఘాన్ ఘన విజయం.. రాణించిన రెహమాన్, రషీద్ ఖాన్..

Scotland

టీ20 ప్రపంచకప్‌లోని సూపర్ 12 మ్యాచ్‌లో స్కాట్లాండ్‌పై ఆఫ్ఘానిస్తాన్ 130 పరుగుల తేడాతో విజయం సాధించింది. ముజీబ్ ఉర్ రెహమాన్, రషీద్ ఖాన్ ప్రత్యర్థి బ్యాట్స్‎మెన్స్‎కు చుక్కలు చూపించారు. సోమవారం షార్జాలో జరిగిన మ్యాచ్‎లో ఆఫ్ఘనిస్తాన్ టాస్ గెలిచి మొదట బ్యాటింగ్ ఎంచుకుంది. 20 ఓవర్లలో నాలుగు వికెట్ల నష్టానికి 190 పరుగులు చేసింది. లక్ష్యఛేదనకు దిగిన స్కాట్లాం‎డ్‎ను 10.2 ఓవర్లలో కేవలం 60 పరుగులకే ఆలౌట్ అయింది.

స్కాట్లాండ్ మొదటి మూడు ఓవర్లలో 27 పరుగులు చేసి బాగానే ఆడుతున్నట్లు కనిపించింది. కానీ ముజీబ్ బౌలింగ్‎కు రావడంతో కథ మారింది. కోయెట్జర్, కాలమ్ మెక్‌లోడ్ వరుస బంతుల్లో ఔట్ చేశాడు.  మరో రెండు బంతుల తర్వాత అతను రిచీ బెరింగ్టన్‌ను కూడా పెవిలియన్‎కు చేర్చాడు. దీంతో స్కాట్లాండ్ నాలుగు ఓవర్లకు మూడు వికెట్లు కోల్పోయి 28 పరుగులు చేసి కష్టల్లో పడింది. ఆ తర్వాత ఆ జట్ట ఏ దశలోనూ ప్రతిఘటించలేదు. తర్వాతి రెండు ఓవర్లలో మాథ్యూ క్రాస్, జార్జ్ మున్సీ (25) నిష్క్రమించడంతో స్కాట్లాండ్‌కు వికెట్ల పతనం కొనసాగింది. మైఖేల్ లీస్క్, క్రిస్ గ్రీవ్స్, మార్క్ వాట్‎ను కూడా రషీద్ ఖాన్, ముజీబ్ ఔట్ చేశారు. దీంతో స్కాట్లాం‎డ్ 60 పరుగులకే ఆలౌట్ అయింది. ముజీబ్ ఉర్ రెహమాన్ 5, రషీద్ ఖాన్ 4 వికెట్లు తీశారు.

అంతకుముందు బ్యాటింగ్ చేసిన ఆఫ్గాన్ నజీబుల్లా జద్రాన్ 34 బంతుల్లో ఐదు ఫోర్లు, మూడు సిక్సర్లతో 59 పరుగులు చేశాడు. హజ్రతుల్లా జజాయ్ 44, రహ్మానుల్లా గుర్బాజ్ 46 రాణించండంతో 190 పరుగులు చేసింది. టీ20 వరల్డ్ కప్‎లో ఆఫ్ఘానిస్తాన్‎కు ఇదే అత్యుత్తమ స్కోరు. స్కాట్లాం‎డ్ 60 పరుగులకే ఆలౌట్ కావటంతో ఆప్ఘాన్ 130 పరుగులు భారీ తేడాతో గెలుపొందింది.

Read Also.. IPL 2022: రూ. 56 వేల కోట్లు.. 3 లక్షల మందికిపైగా ఉద్యోగులు.. CVC Capital Partners గురించి తెలిస్తే షాకవ్వాల్సిందే..!