T20 World Cup 2026 : టీ20 వరల్డ్ కప్లో సంచలనం.. ఒకే దెబ్బకు మూడు జట్లు అవుట్.. సూపర్-8 బెర్తులు కన్ఫర్మ్
T20 World Cup 2026 : టీ20 ప్రపంచకప్ 2026 అసలు సిసలైన మజా మొదలైంది. గ్రూప్ దశ మ్యాచులు ముగింపు దశకు చేరుకోవడంతో సూపర్ 8 రేసు రసవత్తరంగా మారింది. తాజాగా జరిగిన మ్యాచులతో టోర్నీలో పెను మార్పులు చోటుచేసుకున్నాయి.
T20 World Cup 2026 : టీ20 ప్రపంచకప్ 2026 అసలు సిసలైన మజా మొదలైంది. గ్రూప్ దశ మ్యాచులు ముగింపు దశకు చేరుకోవడంతో సూపర్-8 రేసు రసవత్తరంగా మారింది. తాజాగా జరిగిన మ్యాచులతో టోర్నీలో పెను మార్పులు చోటుచేసుకున్నాయి. ముఖ్యంగా చెన్నై వేదికగా న్యూజిలాండ్, కెనడా మధ్య జరిగిన మ్యాచ్ గ్రూప్-డి సమీకరణాలను పూర్తిగా మార్చేసింది. కెనడాపై న్యూజిలాండ్ 8 వికెట్ల తేడాతో ఘనవిజయం సాధించడంతో ఒకే దెబ్బకు మూడు జట్లు టోర్నీ నుంచి నిష్క్రమించాయి.
గ్రూప్-డి: కివీస్ ఊపు.. మూడు టీమ్స్ అవుట్
గ్రూప్-డి నుంచి ఇప్పటికే సౌతాఫ్రికా అజేయంగా నిలిచి సూపర్-8 బెర్తును ఖరారు చేసుకుంది. తాజాగా కెనడాను చిత్తు చేసిన న్యూజిలాండ్ రెండో జట్టుగా తదుపరి దశకు క్వాలిఫై అయ్యింది. దీంతో ఇదే గ్రూపులో ఉన్న ఆఫ్ఘనిస్థాన్, యూఏఈ, కెనడా జట్ల ప్రయాణం ముగిసింది. ఎన్నో ఆశలతో బరిలోకి దిగిన ఆఫ్ఘనిస్థాన్కు ఈ ఫలితం పెద్ద షాక్ అనే చెప్పాలి. కివీస్ ప్రదర్శనతో ఈ గ్రూప్ డి నుంచి సూపర్-8 వెళ్లే జట్లపై స్పష్టత వచ్చేసింది.
గ్రూప్-సి: విండీస్, ఇంగ్లండ్ జోరు
ఇక గ్రూప్-సి విషయానికి వస్తే.. ఇక్కడ కూడా లెక్కలు తేలిపోయాయి. వెస్టిండీస్, ఇంగ్లండ్ జట్లు తమ ఆధిపత్యాన్ని చాటుతూ సూపర్-8 లోకి అడుగుపెట్టాయి. ఈ క్రమంలో స్కాట్లాండ్, ఇటలీ, నేపాల్ జట్లు ఇంటిబాట పట్టాయి. ముఖ్యంగా ఇంగ్లండ్ పుంజుకున్న తీరు అభిమానులను ఆకట్టుకోగా, నేపాల్ వంటి చిన్న జట్లు కనీసం ఒక్క గెలుపుతోనైనా టోర్నీని ముగించాలని చూస్తున్నాయి.
గ్రూప్-ఏ, బి: ఉత్కంఠ భరితం
గ్రూప్-ఏ నుంచి టీమిండియా ఇప్పటికే తన స్థానాన్ని సుస్థిరం చేసుకోగా, గ్రూప్-బి నుంచి శ్రీలంక క్వాలిఫై అయ్యింది. అయితే ఈ రెండు గ్రూపుల్లో రెండో స్థానం కోసం ఇంకా పోరాటం నడుస్తోంది. గ్రూప్-ఏలో పాకిస్థాన్, అమెరికా జట్ల మధ్య తీవ్ర పోటీ నెలకొంది. కొన్ని అనూహ్య ఫలితాలు రావడంతో మిగిలిన జట్ల భవితవ్యం వర్షం లేదా రన్ రేట్పై ఆధారపడి ఉంది. సెకండ్ రౌండ్ సమీపిస్తున్న కొద్దీ ఈ ఉత్కంఠ మరింత పెరుగుతోంది.
మరిన్ని క్రీడా వార్తల కోసం ఇక్కడ క్లిక్ చేయండి..