ENG vs SA, T20 World Cup 2021: దక్షిణాఫ్రికా సెమీఫైనల్ బెర్త్ సాధిస్తుందా? ఇంగ్లండ్‌తో కీలక మ్యాచులో తేలనున్న ఫలితం..!
షార్జాలో జరిగే ఈ పోరు దక్షిణాఫ్రికాకు చాలా కీలకం. సెమీ ఫైనల్‌కు చేరుకోవడానికి ఈ టీం ముందు రెండు మార్గాలు ఉన్నాయి.
ENG vs SA, T20 World Cup 2021: ఈరోజు టీ20 వరల్డ్ కప్ 2021 పిచ్‌లో సెమీ-ఫైనల్ టిక్కెట్ కోసం దక్షిణాఫ్రికా టీం ఇంగ్లాండ్‌తో పోటీపడుతోంది. షార్జాలో జరిగే ఈ పోరు దక్షిణాఫ్రికాకు చాలా కీలకం. సెమీ ఫైనల్‌కు చేరుకోవడానికి వారి ముందు 2 మార్గాలు ఉన్నాయి. భారీ విజయమా లేదా మాములు విజయమా అన్నది నేటి తొలి మ్యాచ్ ఫలితంపై ఆధారపడి ఉంటుంది. ఈరోజు ఆస్ట్రేలియా వర్సెస్ వెస్టిండీస్ మధ్య జరిగే మొదటి మ్యాచ్‌లో ఆస్ట్రేలియా జట్టు గెలిస్తే, దక్షిణాఫ్రికాకు భారీ విజయం అవసరం. తద్వారా దాని రన్ రేట్ కూడా మెరుగ్గా ఉంటుంది. పాయింట్ల పట్టికలో ఇరు జట్లకు సమాన పాయింట్లు ఉండడమే ఇందుకు కారణం. కానీ, రన్ రేట్‌లో ఆస్ట్రేలియా ముందుంది. అయితే, వెస్టిండీస్ చేతిలో ఆస్ట్రేలియా ఓడిపోతే, దక్షిణాఫ్రికా కేవలం విజయంతో సెమీ ఫైనల్‌కు చేరుకుంటుంది.
గ్రూప్ దశలో దక్షిణాఫ్రికా, ఇంగ్లండ్ జట్లు నేడు చివరి మ్యాచ్ ఆడనున్నాయి. ఇంతకు ముందు ఆడిన 4 మ్యాచ్‌ల్లో ఇంగ్లండ్ జట్టు నాలుగు మ్యాచ్‌ల్లోనూ విజయం సాధించి సెమీఫైనల్‌కు దూసుకెళ్లింది. పాయింట్ల పట్టికలో 8 పాయింట్లతో అగ్రస్థానంలో ఉంది. మరోవైపు దక్షిణాఫ్రికా ఇప్పటి వరకు ఆడిన 4 మ్యాచ్‌ల్లో 3 గెలిచి, 1 మ్యాచ్ ఓడిపోయింది. ప్రస్తుతం దక్షిణాఫ్రికా, ఆస్ట్రేలియాకు సమానంగా పాయింట్లు ఉన్నాయి. అయితే మెరుగైన రన్ రేట్ ఆధారంగా ఆస్ట్రేలియా ముందుంది.
హెడ్ టూ హెడ్ రికార్డులు..
ఇంగ్లండ్, దక్షిణాఫ్రికా జట్లు నేడు టీ20లో 22వ సారి తలపడనున్నాయి. ఇంతకు ముందు ఆడిన 21 మ్యాచ్‌ల్లో ఇంగ్లండ్ 11 గెలిచింది. దక్షిణాఫ్రికా 9 గెలిచింది. దక్షిణాఫ్రికాతో ఆడిన గత ఐదు మ్యాచ్‌ల్లో ఇంగ్లండ్‌దే పైచేయి. దక్షిణాఫ్రికాతో జరిగిన గత ఐదు మ్యాచ్‌ల్లో ఇంగ్లండ్ విజయం సాధించింది. అయితే టీ20 ప్రపంచకప్ గురించి మాట్లాడితే దక్షిణాఫ్రికా పైచేయి సాధిస్తుంది. టీ20 ప్రపంచకప్‌లో ఇరు జట్లు తలపడడం ఇది ఆరోసారి. ఇంతకు ముందు ఆడిన 5 మ్యాచ్‌ల్లో దక్షిణాఫ్రికా 3 సార్లు గెలుపొందగా, 2 మ్యాచ్‌లు ఇంగ్లండ్‌కు అనుకూలంగా ఉన్నాయి.
ఇంగ్లండ్ జట్టులో ఒక మార్పు..
ఇరు జట్ల ప్లేయింగ్ ఎలెవన్ గురించి మాట్లాడుతూ మార్క్ వుడ్ ఇంగ్లండ్ జట్టులో ఫిట్ గా ఉంటేనే అతనికి చోటు దక్కుతుంది. అతను గాయపడిన టిమల్ మిల్స్ స్థానంలో ఉంటాడు. వుడ్ సరిపోకపోతే, రీస్ టాప్లీ లేదా టామ్ కుర్రాన్ ఆడవచ్చు. మరోవైపు, దక్షిణాఫ్రికా ప్లేయింగ్ ఎలెవన్‌లో మార్పుకు అవకాశం లేదు.