సాగు చట్టాలను కేంద్రం వెంటనే వెనక్కి తీసుకోవాలి.. లేదంటే తీవ్ర పరిణామాలు.. డిమాండ్ చేస్తున్న కాంగ్రెస్ నేత రాహుల్ గాంధీ..
Rahul Gandhi: సాగు చట్టాలకు వ్యతిరేకంగా ఢిల్లీ శివారుల్లో అన్నదాతలు ఆందోళన చేస్తున్న సంగతి తెలిసిందే. ఈ ఆందోళనలకు కాంగ్రెస్ నేత రాహుల్ గాంధీ తన
Rahul Gandhi: సాగు చట్టాలకు వ్యతిరేకంగా ఢిల్లీ శివారుల్లో అన్నదాతలు ఆందోళన చేస్తున్న సంగతి తెలిసిందే. ఈ ఆందోళనలకు కాంగ్రెస్ నేత రాహుల్ గాంధీ తన మద్దతును తెలిపారు. వెంటనే కేంద్ర ప్రభుత్వం మూడు సాగు చట్టాలను వెనక్కి తీసుకోవాలని డిమాండ్ చేశారు. ఈ సందర్భంగా జాతీయ మీడియాకిచ్చిన ఇంటర్వూలో ఈ మూడు సాగు చట్టాల అనర్థాలను వివరించారు.
మొదటగా ఈ వ్యవసాయ చట్టాలు మండీ వ్యవస్థను నాశనం చేస్తాయని ఆరోపించారు. రెండోది ధరల గురించి చర్చించడం అసాధ్యంగా మారనుందని వివరించారు. చివరగా ఏవైనా ఫిర్యాదులు ఉంటే కోర్టుకు వెళ్లకుండా రైతులను అవి అడ్డుకుంటాయని మండిపడ్డారు. అందుకే ఈ చట్టాలను రద్దు చేసి రైతులను ఆదుకోవాలని కేంద్ర ప్రభుత్వాన్ని డిమాండ్ చేశారు. ఇదిలా ఉంటే రిపబ్లిక్ డే రోజున ఢిల్లీలో రైతులు నిర్వహించిన ట్రాక్టర్ పరేడ్ హింసకు దారి తీసిన సంగతి తెలిసిందే. ఇందులో ఓ యువరైతు కూడా బలయ్యాడు. దీంతో ఈ ఉద్యమంపై కేంద్రం సీరియస్గా ఉంది. ఢిల్లీ సరిహద్దుల నుంచి రైతులను పంపించడానికి సమయాత్తం అవుతోంది. అందుకోసం వారిపై ఒత్తిడి పెంచుతోంది. కనీస సౌకర్యాలు అందకుండా చేస్తోంది. దీంతో సరిహద్దుల్లో ఎప్పుడేం జరుగుతుందో తెలియకుండా ఉంది.
కాంగ్రెస్ నేతల ప్రచారం పచ్చి అబద్దం… ఇదీ వాస్తవం అంటూ వీడియో షేర్ చేసిన బీజేపీ…