అనిత వద్దు – టీడీపీ ముద్దు: టీడీపీ కార్యకర్తలు

పాయకరావుపేట: విశాఖపట్నం జిల్లా పాయకరావుపేట నియోజకవర్గం సిట్టింగ్ ఎమ్మెల్యే అనితకు స్థానికంగా వ్యతిరేక పవనాలు వీస్తున్నాయి. సొంత పార్టీ కార్యకర్తలే ఆమెకు ఈసారి టిక్కెట్ ఇవ్వొందంటూ ఆందోళనలు చేస్తున్నారు. అనితపై కొన్ని రోజులుగా కార్యకర్తలు అసంతృప్తి వ్యక్తం చేస్తున్నారు. ‘అనిత వద్దు.. టీడీపీ ముద్దు’ అంటూ ఇటీవల విశాఖపట్టణంలో టీడీపీ మహిళా కార్యకర్తలు ఆందోళనకు దిగారు. దీంతో అనిత అయోమయ స్థితిలో పడ్డారు.

గురువారం జరిగిన సమీక్షా సమావేశంలోనూ అనితకు చేదు అనుభవం ఎదురైంది. అధిష్ఠానం సమక్షంలోనే కార్యకర్తలు అనితకు వ్యతిరేకంగా ఆందోళన చేపట్టారు. ‘అనిత వద్దు.. టీడీపీ ముద్దు’ అంటూ వాహనాలపై స్టిక్కర్లు వేసి మరీ నిరసన వ్యక్తం చేశారు. రానున్న ఎన్నికల్లో ఆమెకు ఎట్టిపరిస్థితుల్లోనూ టికెట్ కేటాయించవద్దని కార్యకర్తలు అధిష్ఠానాన్ని డిమాండ్ చేస్తున్నారు.