Best 5G phones Under 15K: తక్కువ ధరలోనే 5జీ స్మార్ట్ ఫోన్లు.. టాప్ బ్రాండ్ల నుంచి బెస్ట్ ఫీచర్లతో.. మిస్ అవ్వొద్దు..
మార్కెట్లో రూ. 15,000లోపు ధరలోనే 5జీ ఫోన్లు అందుబాటులో ఉన్నాయి. అవి కూడా టాప్ బ్రాండ్లను నుంచే. అత్యాధునిక ఫీచర్లు, అదిరే డిజైన్లో ఫోన్లు వినియోగదారులను ఆకర్షిస్తున్నాయి. వాటిలోని డిస్ ప్లే, ప్రాసెసర్, ర్యామ్, రోమ్, కెమెరా క్వాలిటీ, అధిక బ్యాటరీ లైఫ్ ఇలా అన్ని కూడా అప్ టు ద మార్క్ ఉన్నాయి. చైనాకు చెందిన ప్రముఖ స్మార్ట్ ఫోన్ బ్రాండ్లు జియోమీ, టెక్నో, వివో, పోకో వంటి వాటి నుంచి తక్కువ బడ్జెట్లో టాప్ క్లాస్ ఫోన్లు అందుబాటులో ఉన్నాయి. వాటిపై ఓ లుక్కేద్దాం రండి..
రెడ్ మీ 12 5జీ.. దీనిలో 6.79 అంగుళాల ఫుల్ హెచ్ డీ ప్లస్ డిస్ ప్లే ఉంటుంది. 90హెర్జ్ రిఫ్రెష్ రేట్ తో వస్తుంది. క్వాల్ కామ్ స్నాప్ డ్రాగన్ 4 జెన్ 2 ప్రాసెసర్ ఉంటుంది. వెనుక వైపు 50ఎంపీ ప్రధాన కెమెరాతో కూడిన డ్యూయల్ కెమెరా సెటప్ ఉంటుంది. ముందు వైపు 8ఎంపీ కెమెరా వస్తుంది. 18వాట్ల ఫాస్ట్ ఛార్జింగ్ సపోర్టుతో కూడిన 5,000ఎంఏహెచ్ బ్యాటరీ ఉంటుంది. ఆండ్రాయిడ్ 13 ఓఎస్ ఆధారంగా పనిచేస్తుంది. దీని ధర 4జీబీ+128జీబీ వేరియంట్ రూ.10,999, 6జీబీ+128జీబీ వేరియంట్ రూ.12,499, 8జీబీ+256జీబీ మోడల్ ధర రూ.14,499గా ఉంది.
టెక్నో పోవా 5 ప్రో.. ఈ ఫోన్ 6.78-అంగుళాల ఫుల్ హెచ్ డీ ప్లస్ డిస్ప్లే,120Hz రిఫ్రెష్ రేట్ తో వస్తుంది. మీడియాటెక్ డైమెన్సిటీ 6080 చిప్‌సెట్ ఉంటుంది. వెనుకవైపు 50ఎంపీ ప్రధాన కెమెరాతో కూడిన డ్యూయల్ కెమెరా సెటప్ ఉంటుంది. ముందు వైపు 16ఎంపీ సెల్పీ కెమెరా వస్తుంది. 68వాట్ల ఫాస్ట్ ఛార్జింగ్ సపోర్టుతో కూడిన 5,000ఎంఏహెచ్ బ్యాటరీ ఉంటుంది. ఆండ్రాయిడ్ 13 ఆధారంగా పనిచేస్తుంది. దీని ధర 8జీబీ+128జీబీ వేరియంట్ రూ.14,999.. 8జీబీ+256జీబీ మోడల్ రూ.15,999కి వస్తుంది.
వివో వై27.. ఈ ఫోన్ కూడా 6.64 అంగుళాల ఐపీఎస్ ఎల్సీడీ ఫుల్ హెచ్ డీ ప్లస్ డిస్ ప్లే తో వస్తుంది. మీడియా టెక్ హీలియో జీ85 చిప్ సెట్ ఉంటుంది. వెనుకవైపు 50ఎంపీ, 2ఎంపీ డ్యూయల్ కెమెరా సెటప్ ఉంటుంది. ముందు వైపు 8ఎంపీ సెల్ఫీ కెమెరా వస్తుంది. 44 వాట్ల ఫాస్ట్ చార్జింగ్ ఫీచర్తో 5000ఎంఏహెచ్ బ్యాటరీ ఉంటుంది. ఆండ్రాయిడ్ 13 ఆధారంగా పనిచేస్తుంది. 6జీబీ ర్యామ్, 128జీబీ స్టోరేజ్ వేరియంట్ ధర రూ. 14,999గా ఉంది.
పోకో ఎం6 ప్రో 5జీ.. ఈ ఫోన్ 6.79 అంగుళాల ఫుల్ హెచ్ డీ ప్లస్, 90 హెర్జ్ రిఫ్రెష్ రేట్ తో వస్తుంది. క్వాల్ కామ్ స్నాప్ డ్రాగన్ 4జెన్2 చిప్ సెట్ ఉంటుంది. వెనుకవైపు 50ఎంపీ, 2ఎంపీ కెమెరాలు, ముందు వైపు 8ఎంపీ సెల్పీ కెమరా సెటప్ ఉంటుంది. 18వాట్ల ఫాస్ట్ చార్జింగ్ ఫీచర్ తో 5000ఎంఏహెచ్ బ్యాటరీ ఉంటుంది. ఆండ్రాయిడ్ 13 ఆధారంగా ఇది పనిచేస్తుంది. 4జీబీ+64జీబీ వేరియంట్ ధార రూ. 10,999, 6జీబీ+128జీబీ ధర రూ.12,999గా ఉంది.
ఒప్పో ఏ58 4జీ.. దీనిలో 6.72 అంగుళాల ఫుల్ హెచ్ డీ ప్లస్ ఎల్సీడీ డిస్ ప్లే ఉంటుంది. మీడియా టెక్ హీలియో జీ85 చిప్ సెట్ తో ఇది వస్తుంది. వెనుకవైపు 50ఎంపీ, 2ఎంపీ, ముందు వైపు 8ఎంపీ సెల్ఫీ కెమెరాలు ఉంటాయి. 33 వాట్ల ఫాస్ట్ చార్జింగ్ సాంకేతికతతో 500ఎంఏహెచ్ బ్యాటరీ ఉంటుంది. ఆండ్రాయిడ్ 13 ఓఎస్ ఆధారంగా పనిచేస్తుంది. 6జీబీ ర్యామ్, 128జీబీ స్టోరేజ్ వేరియంట్ ధర రూ. 14,999గా ఉంది.