Best Phones Under 15K: అతి తక్కువ ధరలో 5జీ ఫోన్లు ఇవి.. టాప్ బ్రాండ్లు.. బెస్ట్ ఫీచర్లు.. ఓ లుక్కేయండి..
మీరు మంచి ఫోన్ కొనే ఆలోచనలో ఉన్నారా? తక్కువ ధరలో బెస్ట్ డిస్ ప్లే, టాప్ ఫీచర్లు కావాలని కోరుకుంటున్నారా? అయితే ఈ కథనం మిస్ అవ్వకండి. మన దేశంలో టాప్ బ్రాండ్ 5జీ ఫోన్లు తక్కువ ధరలోనే లభ్యమవుతున్నాయి. కేవలం రూ. 15,000 లోపు బడ్జెట్లోనే మంచి కెమెరా, అధిక రిఫ్రెష్ రేటు కలిగిన స్క్రీన్లు, అమోల్డ్ డిస్ ప్లేతో కూడిన ఫోన్లు మీరు కొనుగోలు చేయొచ్చు. అయితే మార్కెట్లో పెద్ద ఎత్తున అందుబాటులో ఉన్న మోడల్స్ లో బెస్ట్ ఎంపిక చేసుకోవడం కాస్త కష్టమైన పనే. అందుకే మీకోసం మేమే రూ. 15,000లోపు ధరలో బెస్ట్ 5జీ ఫోన్ల జాబితాను మీకు అందిస్తున్నాం. వాటిపై ఓ లుక్కేయండి..
మోటోరోలా జీ54 5జీ.. దీనిలో 120హెర్జ్ రిఫ్రెష్ రేట్‌తో 6.5-అంగుళాల ఫుల్ హెచ్డీ ప్లస్ ఐపీఎస్ ఎల్సీడీ డిస్ ప్లే ఉంటుంది. ఈ ఫోన్‌లో వెనుకవైపు 50ఎంపీ ప్రైమరీ కెమెరా, ఆటో-ఫోకస్‌తో కూడిన 8ఎంపీ అల్ట్రావైడ్ కెమెరా, ముందు వైపు 16ఎంపీ ఫ్రంట్ కెమెరా ఉంటుంది. ఐపీ52 రేటింగ్ తో వాటర్-రిపెల్లెంట్ డిజైన్‌ను కలిగి ఉంది. మీడియాటెక్ డైమెన్సిటీ 7020 చిప్‌తో 8 జీబీ ర్యామ్,128 బీజీ ఇంటర్నల్ మెమరీ, ఇది 6000 ఎంఏమెచ్ బ్యాటరీని కలిగి ఉంది. దీని ధర రూ. 14,499గా ఉంది.
రియల్ మీ నార్జో 60ఎక్స్ 5జీ.. దీనిలో120హెర్జ్ రిఫ్రెష్ రేట్‌తో గణనీయమైన 6.72-అంగుళాల ఫుల్ హెచ్డీ ప్లస్ ఐపీఎస్ ఎల్సీడీ డిస్ ప్లేతో వస్తుంది. మీడియాటెక్ డైమెన్సిటీ 6100 ప్లస్ ఎస్ఓసీ చిప్ సెట్ ఉంటుంది. 6జీబీ ర్యామ్, 128జీబీ ఇంటర్నల్ స్టోరేజ్ తో వస్తుంది. వెనుకవైపు 50ఎంపీ ప్రైమరీ కెమెరా, 2ఎంపీ డెప్త్ సెన్సార్ ఉంటుంది. ముందు వైపు 8ఎంపీ సెల్ఫీ కెమెరా ఉంటుంది. 5000 ఎంఏహెచ్ సామర్థ్యంతో బ్యాటరీ ఉంటుంది. దీని ధర రూ. 13,499గా ఉంది.
శామ్సంగ్ గెలాక్సీ ఎఫ్14 5జీ.. దీనిలో 90హెర్జ్ రిఫ్రెష్ రేట్‌తో 6.6-అంగుళాల ఫుల్ హెచ్డీ ప్లస్ డిస్‌ప్లేను ఉంటుంది. శామ్సంగ్ ఎక్సినోస్ 1330 చిప్‌తో వస్తుంది. 6 జీబీ ర్యామ్. 128 జీబీ ఇంటర్నల్ మెమరీతో వస్తుంది. వెనుకవైపు 50ఎంపీ ప్రైమరీ కెమెరా, 2ఎంపీ మాక్రో కెమెరాలు ఉంటాయి. సెల్పీల కోసం 13ఎంపీ ఫ్రంట్ కెమెరాను కలిగి ఉంటారు. 6000 ఎంఏహెచ్ బ్యాటరీ ఉంటుంది. దీని ధర రూ. 12,490గా ఉంది.
పోకో ఎక్స్5 5జీ.. ఈ ఫోన్ క్వాల్‌కామ్ స్నాప్‌డ్రాగన్ 695 చిప్‌తో వస్తుంది. 8 జీబీ ర్యామ్, 128 జీబీ ఇంటర్నల్ మెమరీ ఉంటుంది. 6.67-అంగుళాల ఫుల్ హెచ్డీ ప్లస్ సూపర్ అమోల్డ్ డిస్‌ప్లే, 120హెర్జ్ రిఫ్రెష్ రేట్‌తో ఉంటుంది. వెనుకవైపు 48ఎంపీ ప్రైమరీ కెమెరా, 8ఎంపీ అల్ట్రా-వైడ్ స్నాపర్, 2ఎంపీ మాక్రో కెమెరాతో ట్రిపుల్ కెమెరా సెటప్ ఉంటుంది. ముందు వైపు 16ఎంపీ సెల్ఫీ ఉంటుంది. 5000 ఎంఏహెచ్ బ్యాటరీ 33W ఫాస్ట్ ఛార్జర్ సపోర్టుతో వస్తుంది. 6జీబీ ర్యామ్, 128జీబీ వేరియంట్ ధర రూ. 14,499గా ఉంది.
ఇన్ఫినిక్స్ హాట్ 30 5జీ.. ఇది దుమ్ము, తేమకు వ్యతిరేకంగా ఐసీ53-రేటెడ్ సంరక్షణ ఉంటుంది. ఇది 120హెర్జ్ రిఫ్రెష్ రేట్‌తో పెద్ద 6.78-అంగుళాల ఫుల్ హెచ్డీ ప్లస్ డిస్‌ప్లేను కలిగి ఉంటుంది. మీడియా టెక్ డైమెన్సిటీ 6020 ఎస్ఓసీ ద్వారా శక్తిని పొందుతుంది. 8 జీబీ ర్యామ్, 128 జీబీ ఇంటర్నల్ మెమరీతో వస్తుంది. వెనుకవైపు 50ఎంపీ ప్రైమరీ కెమెరా ఉంటుంది. ముందు వైపు 8ఎంపీ కెమెరా ఉంటుంది. 6000 ఎంఏహెచ్ బ్యాటరీని కలిగి ఉంటుంది. దీని ధర రూ. 12,499గా ఉంది.