SBI: కోట్లాది మంది ఎస్‌బీఐ కస్టమర్లకు గుడ్‌న్యూస్‌.. మరో కీలక నిర్ణయం తీసుకున్న బ్యాంకు.. స్కీమ్‌ గడువు పొడిగింపు
SBI: స్టేట్ బ్యాంక్ ఆఫ్ ఇండియా (SBI) దేశంలోని కోట్లాది మంది సీనియర్ సిటిజన్‌లకు తీపి కబురు అందించింది. మీరు కూడా సీనియర్ సిటిజన్ అయితే, మార్చి 2023 నాటికి కస్టమర్‌లు..
SBI: స్టేట్ బ్యాంక్ ఆఫ్ ఇండియా (SBI) దేశంలోని కోట్లాది మంది సీనియర్ సిటిజన్‌లకు తీపి కబురు అందించింది. మీరు కూడా సీనియర్ సిటిజన్ అయితే, మార్చి 2023 నాటికి కస్టమర్‌లు బ్యాంక్ నుండి పెద్ద ప్రయోజనాలను పొందుతారు. SBI ప్రత్యేక FD పథకాన్ని బ్యాంక్ మరోసారి పొడిగించింది. బ్యాంక్ ఈ పథకాన్ని మార్చి 2023 వరకు పోడిగిస్తూ నిర్ణయం తీసుకుంది.
కరోనా కాలంలో మే 2020లో బ్యాంక్ సీనియర్ సిటిజన్‌ల కోసం SBI 'WECARE' పథకాన్ని ప్రారంభించింది. ఇంతకు ముందు ఈ పథకం సెప్టెంబరు 2020 వరకు ఉండగా, దానిని అనేక సార్లు పొడిగిస్తూ వస్తోంది.
ఈ స్కీమ్‌లో పెట్టుబడి పెడితే, సీనియర్ సిటిజన్లు తమ రిటైల్ ఎఫ్‌డిలపై 5 సంవత్సరాలు, అంతకంటే ఎక్కువ ఉన్న ఎఫ్‌డిలపై సాధారణ ప్రజల కంటే 50 బేసిస్ పాయింట్లు ఎక్కువ వడ్డీని పొందుతారు. అదనంగా 30 బేసిస్ పాయింట్లు అదనంగా బ్యాంక్ ద్వారా చెల్లించబడుతుంది. అయితే ఈ 'SBI WeCare' డిపాజిట్ పథకాన్ని మార్చి 31, 2023 వరకు పొడిగించినట్లు ఎస్‌బీఐ తన అధికారిక వెబ్‌సైట్లో పేర్కొంది.
7 రోజుల నుండి 10 సంవత్సరాలలో మెచ్యూర్ అయ్యే FDకి 2.90 శాతం నుండి 5.65 శాతం వరకు వడ్డీ ప్రయోజనం లభిస్తుందని బ్యాంక్ తెలిపింది . అదే సమయంలో, సీనియర్ సిటిజన్లు 3.40 శాతం నుండి 6.45 శాతం వరకు వడ్డీని పొందుతున్నారు. బ్యాంక్ తన వడ్డీ రేట్లను 13 ఆగస్టు 2022న మార్చింది.
76వ స్వాతంత్ర్య దినోత్సవాన్ని పురస్కరించుకుని "ఉత్సవ్ డిపాజిట్" పేరుతో పరిమిత ఎడిషన్ బ్రాండ్ కొత్త టర్మ్ డిపాజిట్ ప్రోగ్రామ్‌ను ప్రారంభించింది . ఆగస్ట్ 15, 2022 నుండి, ఈ ఫిక్స్‌డ్ డిపాజిట్ 6.1 శాతం వడ్డీ రేటును అందిస్తోంది. ఈ డీల్ 75 రోజులు లేదా 30 అక్టోబర్ 2022 వరకు మాత్రమే అందుబాటులో ఉంటుంది.