Weekly Horoscope: వారికి ఆర్థికంగా అంచనాలకు మించిన పురోగతి.. 12 రాశుల వారికి వారఫలాలు
వార ఫలాలు (అక్టోబర్ 12-18, 2025): మేష రాశి వారికి ఈ వారం రాజయోగం కలిగే అవకాశం ఉంది. ఉద్యోగంలో ప్రాధాన్యం పెరుగుతుంది. వృషభ రాశి వారికి ఆదాయానికి, ఆరోగ్యానికి లోటుండదు. అనుకున్న పనులు అనుకున్నట్టు పూర్తవుతాయి. మిథున రాశి వారి ఆర్థిక విషయాలకు సమయం బాగా అనుకూలంగా ఉంది. ఆదాయానికి, ఆరోగ్యానికి లోటుండదు. మేష రాశి మొదలు మీన రాశి వరకు 12 రాశుల వారికి వారఫలాలు ఎలా ఉన్నాయంటే..?
మేషం (అశ్విని, భరణి, కృత్తిక 1): ఈ రాశివారికి ప్రస్తుతం రాశ్యధిపతి కుజుడి బలం బాగా ఉంది. కుజుడితో పాటు శుక్రుడు, బుధుడు, రవి కూడా అనుకూలంగా ఉన్నందువల్ల రాజయోగం కలిగే అవకాశం ఉంది. ఉద్యోగంలో ప్రాధాన్యం పెరుగుతుంది. వృత్తి, వ్యాపారాల్లో యాక్టివిటీ బాగా పెరుగుతుంది. ఆదాయం సంతృప్తి కర స్థాయిలో ఉంటుంది. అనేక మార్గాలలో ఆదాయం పెరుగుతుంది. వృథా ఖర్చుల విషయంలో జాగ్రత్తగా ఉండాలి. కుటుంబ సభ్యులతో ఆనందంగా కాలక్షేపం చేస్తారు. దైవ కార్యాల్లో పాల్గొంటారు. దూర ప్రాంతంలో స్థిరపడిన పిల్లల నుంచి ఆశించిన సమాచారం అందుతుంది. విద్యార్థులు తేలికగా విజయాలు సాధిస్తారు. ఆరోగ్యం నిలకడగా సాగిపోతుంది. నిరుద్యోగులకు విదేశాల నుంచి ఆశించిన శుభవార్త అందుతుంది. మిత్రుల వల్ల కొద్దిగా డబ్బు నష్టపోయే సూచనలున్నాయి.
వృషభం (కృత్తిక 2,3,4, రోహిణి, మృగశిర 1,2): ఆదాయానికి, ఆరోగ్యానికి లోటుండదు. రాశ్యధిపతి శుక్రుడి అనుకూలత వల్ల అనుకున్న పనులు అనుకున్నట్టు పూర్తవుతాయి. కుటుంబంలో సుఖ సంతోషాలు వృద్ది చెందుతాయి. కుటుంబపరంగా ఒక శుభ కార్యం కూడా నిర్వహించాల్సి వస్తుంది. బయటి పనుల్లో కొద్దిగా మానసిక ఒత్తిడి ఉంటుంది. స్వల్ప అనారోగ్యానికి అవకాశం ఉంది. చిన్ననాటి మిత్రుల నుంచి సహకారం లభిస్తుంది. ముఖ్యమైన వ్యవహారాలను పూర్తి చేస్తారు. వృత్తి, వ్యాపారాలు సామాన్యంగా సాగుతాయి. ఉద్యోగ జీవితంలో బరువు బాధ్యతలు బాగా పెరుగుతాయి. కుటుంబ సభ్యులతో దైవ కార్యాల్లో పాల్గొంటారు. బంధువులతో కొద్దిగా సమస్యలు తలెత్తుతాయి. విద్యార్థులు చదువుల మీద శ్రద్ధ పెంచాల్సి ఉంటుంది. ప్రేమ వ్యవహారాల్లో అసంతృప్తి తలెత్తుతుంది. ప్రయాణాలు లాభిస్తాయి.
మిథునం (మృగశిర 3,4, ఆర్ద్ర, పునర్వసు 1,2,3): ధన కారకుడైన గురువుతో పాటు రాశ్యధిపతి బుధుడు పంచమ స్థానంలో అనుకూలంగా ఉన్నందువల్ల అన్ని విషయాల్లోనూ విజయాలు లభిస్తాయి. ఆర్థిక విషయాలకు సమయం బాగా అనుకూలంగా ఉంది. ఆదాయానికి, ఆరోగ్యానికి లోటుండదు. ఆదాయం పెరగడమే తప్ప తగ్గే అవకాశం ఉండదు. ఆర్థిక లావాదేవీలు, స్పెక్యులేషన్ వంటివి ఆశించిన ఫలితాలను ఇస్తాయి. బంధుమిత్రులతో శుభ కార్యంలో పాల్గొంటారు. వృత్తి, వ్యాపారాల్లో లాభాలు పెరుగుతాయి. ఉద్యోగులకు డిమాండ్ బాగా పెరుగుతుంది. నిరుద్యోగులకు ఆఫర్లు అందుతాయి. సమాజంలో మీ మాటకు, చేతకు విలువ పెరుగుతుంది. రాజకీయ నాయకులతో పరిచయాలు వృద్ధి చెందుతాయి. విద్యార్థులకు ఘన విజయాలు లభిస్తాయి. ప్రేమ వ్యవహారాలు ఉత్సాహంగా, ఉల్లాసంగా సాగిపోతాయి.
కర్కాటకం (పునర్వసు 4, పుష్యమి, ఆశ్లేష): శని, రవి, కుజ, బుధ గ్రహాలు బాగా అనుకూలంగా ఉన్నందువల్ల ఎటువంటి ప్రయత్నమైనా విజయవంతం అవుతుంది. వ్యాపారంలో బాగా బిజీ అవుతారు. యాక్టివిటీ పెరుగుతుంది. వృత్తి, ఉద్యోగాల్లో శ్రమ, ఒత్తిడి తగ్గే అవకాశం ఉంది. ఆర్థిక విషయాలు బాగా కలిసి వస్తాయి. మనసులోని ముఖ్యమైన కోరికలు నెరవేరుతాయి. వ్యక్తిగత సమస్య ఒకటి పరిష్కారం అవుతుంది. ఆర్థిక సహాయం విషయంలో బంధుమిత్రుల నుంచి కొద్దిగా ఇబ్బందులుంటాయి. కుటుంబపరంగా బాధ్యతలు పెరుగుతాయి. తలపెట్టిన పనులు వేగంగా పూర్తవుతాయి. రాదనుకుని వదిలేసుకున్న డబ్బు కొద్ది ప్రయత్నంతో వసూలవుతుంది. ఆరోగ్యం అనుకూలంగా ఉంటుంది. విద్యార్థులు శ్రద్ధ పెంచాల్సి ఉంటుంది. ప్రేమ వ్యవహారాలు నిలకడగా సాగిపోతాయి. శుభవార్తలు ఎక్కువగా వింటారు.
కర్కాటకం (పునర్వసు 4, పుష్యమి, ఆశ్లేష): శని, రవి, కుజ, బుధ గ్రహాలు బాగా అనుకూలంగా ఉన్నందువల్ల ఎటువంటి ప్రయత్నమైనా విజయవంతం అవుతుంది. వ్యాపారంలో బాగా బిజీ అవుతారు. యాక్టివిటీ పెరుగుతుంది. వృత్తి, ఉద్యోగాల్లో శ్రమ, ఒత్తిడి తగ్గే అవకాశం ఉంది. ఆర్థిక విషయాలు బాగా కలిసి వస్తాయి. మనసులోని ముఖ్యమైన కోరికలు నెరవేరుతాయి. వ్యక్తిగత సమస్య ఒకటి పరిష్కారం అవుతుంది. ఆర్థిక సహాయం విషయంలో బంధుమిత్రుల నుంచి కొద్దిగా ఇబ్బందులుంటాయి. కుటుంబపరంగా బాధ్యతలు పెరుగుతాయి. తలపెట్టిన పనులు వేగంగా పూర్తవుతాయి. రాదనుకుని వదిలేసుకున్న డబ్బు కొద్ది ప్రయత్నంతో వసూలవుతుంది. ఆరోగ్యం అనుకూలంగా ఉంటుంది. విద్యార్థులు శ్రద్ధ పెంచాల్సి ఉంటుంది. ప్రేమ వ్యవహారాలు నిలకడగా సాగిపోతాయి. శుభవార్తలు ఎక్కువగా వింటారు.
కన్య (ఉత్తర 2,3,4, హస్త, చిత్త 1,2): గురువు, రాశ్యధిపతి బుధుడు, రవి అనుకూలంగా ఉన్నందువల్ల ముఖ్యమైన ప్రయత్నాలు సఫలం అవుతాయి. ఒకటి రెండు వ్యక్తిగత సమస్యలు అనుకోకుండా పరిష్కారం కావచ్చు. వృత్తి, ఉద్యోగాల పరంగా అధిక ప్రయోజనాలను పొందుతారు. ఆర్థిక ప్రయత్నాలు బాగా కలిసి వస్తాయి. సమాజంలో పలుకుబడి, గౌరవమర్యాదలు పెరుగుతాయి. వ్యాపారాల్లో మీ ఆలోచనలు, ప్రయ త్నాలు లాభాలను తెచ్చిపెడతాయి. నిరుద్యోగులకు సమయం అనుకూలంగా ఉంది. వివాహ ప్రయత్నాలు ఫలించి పరిచయస్థులలో మంచి పెళ్లి సంబంధం కుదురుతుంది. ఆర్థిక లావాదేవీలు, స్పెక్యులేషన్ లాభిస్తాయి. విద్యార్థులు విజయాలు సాధిస్తారు. ఆరోగ్యానికి ఇబ్బందేమీ ఉండక పోవచ్చు. ప్రేమ వ్యవహారాలు హ్యాపీగా ముందుకు సాగుతాయి. ఆశించిన శుభవార్తలు వింటారు.
తుల (చిత్త 3,4, స్వాతి, విశాఖ 1,2,3): గురు, బుధ, శుక్రులతో పాటు శనీశ్వరుడు కూడా బాగా అనుకూలంగా ఉన్నందువల్ల వారమంతా సుఖ సంతోషాలతో, సంతృప్తిగా గడిచిపోతుంది. ముఖ్యమైన ప్రయత్నాలు విజయవంతం అవుతాయి. ఆర్థికంగా అంచనాలకు మించిన పురోగతి ఉంటుంది. బంధువుల నుంచి శుభ వార్తలు అందుతాయి. తలపెట్టిన వ్యవహారాలు, పనులు, కార్యకలాపాలు సజావుగా సాగిపోతాయి. వృత్తి ఉద్యోగాలు కొత్త పుంతలు తొక్కుతాయి. కొత్త ప్రాజెక్టులు, కొత్త కార్యక్రమాలు ఊపందుకుంటాయి. వ్యాపారాల్లో మీ ఆలోచనలు, వ్యూహాలు లాభాలను తీసుకువస్తాయి. దైవ చింతన పెరుగుతుంది. విద్యార్థులు పురోగతి చెందుతారు. ప్రేమ వ్యవహారాలు సాఫీగా, బాగా సానుకూలంగా సాగిపోతాయి. ఇతరుల వ్యవహారాల్లో జోక్యం చేసుకోవద్దు. ఆరోగ్యం మీద శ్రద్ధ పెట్టడం మంచిది.
వృశ్చికం (విశాఖ 4, అనూరాధ, జ్యేష్ట): వ్యయ స్థానంలో రాశ్యధిపతి కుజుడి సంచారం వల్ల ఆదాయాన్ని మించిన ఖర్చులుంటాయి. డబ్బును దాచుకునే అవకాశం కూడా ఉండకపోవచ్చు. వృత్తి, ఉద్యోగాలరీత్యా ప్రయాణాలు చేయవలసి వస్తుంది. వ్యక్తిగతంగా ఆశించిన పురోగతి ఉంటుంది. సుఖ సంతోషాలకు లోటుండదు. దీర్ఘకాలిక అనారోగ్యాల నుంచి కూడా కొద్దిగా కోలుకునే అవకాశం ఉంది. ప్రయాణాల్లో మంచి పరిచయాలు ఏర్పడతాయి. కుటుంబ సభ్యులతో కలిసి ఆధ్యాత్మిక కార్యక్రమాల్లో పాల్గొంటారు. చిన్ననాటి మిత్రుల నుంచి ఆహ్వానాలు అందుతాయి. చేపట్టిన పనులు వేగంగా పూర్తి చేస్తారు. వ్యాపారాల్లో సానుకూల మార్పులు చోటు చేసుకుంటాయి. దూర ప్రాంత బంధువులతో పెళ్లి సంబంధం కుదిరే అవకాశం ఉంది. కొద్ది శ్రమతో విద్యార్థులు రాణిస్తారు. ఆశించిన శుభవార్త వింటారు.
ధనుస్సు (మూల, పూర్వాషాఢ, ఉత్తరాషాఢ 1): గురు, బుధ, రాహువులు బాగా అనుకూలంగా ఉన్నందువల్ల ఎటువంటి ప్రయత్నమైనా సఫలం అయ్యే అవకాశం ఉంటుంది. ముఖ్యంగా అదనపు ఆదాయ ప్రయత్నాలు బాగా కలిసి వస్తాయి. ఉద్యోగ, పెళ్లి ప్రయత్నాల్లో కూడా శుభవార్తలు వింటారు. వృత్తి, వ్యాపారాల్లో ఆర్థిక సమస్యలు, ఆర్థిక సంబంధమైన ప్రతిబంధకాలు తగ్గిపోతాయి. ఆదాయం ఆశించిన స్థాయిలో పెరుగుతుంది కానీ, ఖర్చులు కూడా పెరుగుతాయి. ఉద్యోగ జీవితంలో సానుకూల వాతావరణం ఉంటుంది. అధికారులు మీ సలహాలు, సూచనలతో ప్రయోజనం పొందుతారు. కుటుంబ సభ్యులతో సామరస్యం పెరుగుతుంది. వ్యక్తిగత సమస్య ఒకటి పరిష్కారం అవుతుంది. ఆస్తి వివాదం విషయంలో కీలక సమాచారం అందుకుంటారు. విద్యార్థులు పురోగతి సాధిస్తారు. ప్రేమ వ్యవహారాల్లో దూసుకుపోతారు.
మకరం (ఉత్తరాషాఢ 2,3,4, శ్రవణం, ధనిష్ట 1,2): ఈ రాశివారికి ప్రస్తుతం శుక్ర, బుధుల అనుగ్రహం బాగా ఉంది. రాశ్యధిపతి శని కూడా బాగా అనుకూలంగా ఉండడం వల్ల ఆశించిన స్థాయిలో ఆర్థికాభివృద్ధి కలుగుతుంది. ఆర్థిక వ్యవహారాలు ఆశాజనకంగా ఉంటాయి. అనుకున్న సమయానికి కొన్ని ముఖ్యమైన పనులు పూర్తి చేస్తారు. ఇంటికి ఇష్టమైన బంధువుల రాకపోకలుంటాయి. పిల్లల చదువుల విషయంలో శుభవార్తలు వింటారు. ఉద్యోగ జీవితం సంతృప్తికరంగా సాగిపోతుంది. జీవిత భాగస్వామితో కలిసి వస్త్రాభరణాలు కొనుగోలు చేస్తారు. వృత్తి, వ్యాపారాల్లో రాబడి పెరిగే అవకాశం ఉంది. రావలసిన డబ్బు సకాలంలో చేతికి అందుతుంది. మొండి బాకీలు సైతం వసూలు అవుతాయి. విద్యార్థులకు సమ యం బాగుంది. ఆరోగ్యానికి ఇబ్బందేమీ ఉండదు. ప్రేమ వ్యవహారాలు ఉత్సాహంగా సాగిపోతాయి.
కుంభం (ధనిష్ట 3,4, శతభిషం, పూర్వాభాద్ర 1,2,3): ఆర్థిక వ్యవహారాలు, ఆస్తి వివాదాల విషయంలో కొద్దిగా అప్రమత్తంగా ఉండడం మంచిది. ధన పరంగా ఎవరికీ ఎటువంటి వాగ్దానాలూ చేయవద్దు. వృత్తి, వ్యాపారాలు సజావుగా సాగిపోతాయి. ముఖ్యమైన పనులు, కార్యకలాపాలు నిదానంగా పూర్తవుతాయి. నిరుద్యోగులకు సొంత ఊర్లోనే ఉద్యోగం లభించే అవకాశం ఉంది. ఉద్యోగంలో అధికారులతో ఆచితూచి వ్యవహరించడం మంచిది. బాధ్యతల నిర్వహణలో అపార్థాలు తలెత్తే సూచనలున్నాయి. జీవిత భాగస్వామి ఆరోగ్యం విషయంలో జాగ్రత్తగా ఉండడం మంచిది. ఆర్థిక పరిస్థితి సాధారణంగా ఉంటుంది. పుణ్యకార్యాల్లో పాల్గొంటారు. విద్యార్థులు బాగా కష్టపడాల్సి ఉంటుంది. ఆహార, విహారాల్లో జాగ్రత్తగా ఉండాలి. ప్రేమ వ్యవహారాలు సజావుగా సాగిపోతాయి. ఉద్యోగ, పెళ్లి ప్రయత్నాలకు ఆశించిన స్పందన లభిస్తుంది.
మీనం (పూర్వాభాద్ర 4, ఉత్తరాభాద్ర, రేవతి): రాశ్యదిపతి గురువు అనుకూలంగా ఉన్నందువల్ల ఏలిన్నాటి శని ప్రభావం బాగా తగ్గుతుంది. కొన్ని కష్టనష్టాల నుంచి బయటపడతారు. సప్తమ స్థానంలో సంచరిస్తున్న శుక్ర, రవుల కారణంగా పెళ్లి ప్రయత్నాలు సఫలం అవుతాయి. కుటుంబ వ్యవహారాలు చక్కబడతాయి. ఆర్థిక వ్యవహారాలు విజయవంతంగా పూర్తవుతాయి. ఆర్థిక లావాదేవీల వల్ల లాభాలు కలుగుతాయి. తలపెట్టిన పనులన్నిటినీ పట్టుదలగా పూర్తి చేస్తారు. మంచి పరిచయాలు ఏర్పడతాయి. ఇతరులకు మేలు జరిగే పనులు చేస్తారు. ఆర్థిక పరిస్థితి అనుకూలంగా ఉంటుంది. వృథా ఖర్చులకు కళ్లెం వేస్తారు. ఉద్యోగంలో అలవికాని లక్ష్యాలతో ఇబ్బంది పడతారు. వృత్తి, వ్యాపారాలు నిలకడగా పురోగమిస్తాయి. విద్యార్థులు బాగా కష్టపడాల్సి ఉంటుంది. ప్రేమ వ్యవహారాలు సాఫీగా సాగిపోతాయి.