Sun Transit: కుంభ రాశిలో రవి.. ఆ రాశుల వారికి రాజయోగాలు, ధన యోగాలు ఖాయం..!
ఈ నెల (ఫిబ్రవరి) 13 నుంచి మార్చి 14 వరకు కుంభ రాశిలో గ్రహ రాజు, విజయాలు, సాఫల్యాలకు కారకుడు అయిన రవి సంచారం చేయబోతున్నాడు. సహజ లాభ స్థానమైన కుంభ రాశిలో రవి సంచారం వల్ల కొన్ని రాశులవారు ఆర్థిక పురోగతి మీద, అధికారం చేపట్టడం మీద, వృత్తి, వ్యాపారాల మీద మరింతగా దృష్టి పెట్టే అవకాశం ఉంది. మేషం, వృషభం, సింహం, తుల, వృశ్చికం, ధనూ రాశుల వారికి రాజయోగాలు, ధన యోగాలు కలుగుతాయి. ముఖ్యంగా ఆదాయం, అధికారం, తండ్రి, ఐశ్వర్యం, ఆరోగ్యం, వారసత్వ సంపద వంటి అంశాలపై దృష్టి పెట్టే అవకాశం ఉంది.
Sun Transit
- మేషం: ఈ రాశికి పంచమాధిపతిగా అత్యంత శుభుడైన రవి లాభ స్థానంలో సంచారం చేయడం వల్ల ప్రతి రంగంలోనూ పురోగతి ఉంటుంది. ఉద్యోగంలో హోదాతో పాటు జీతభత్యాలు పెరుగుతాయి. ఆర్థిక ప్రయత్నాలన్నీ సత్ఫలితాలనిస్తాయి. ప్రభుత్వ మూలక ధన లాభానికి, పితృ మూలక సంపదకు అవకాశం ఉంది. వృత్తి, వ్యాపారాల్లో లావాదేవీలతో పాటు రాబడి బాగా వృద్ధి చెందుతుంది. నిరుద్యోగులకు కోరుకున్న ఉద్యోగం లభిస్తుంది. సంపన్న కుటుంబానికి చెందిన వ్యక్తితో పెళ్లి కుదురుతుంది.
- వృషభం: ఈ చతుర్ధాధిపతి అయిన రవి దశమ స్థానంలో సంచారం చేయడం వల్ల ప్రభుత్వ ఉద్యోగం కోసం చేసే ప్రయత్నాలు ఫలిస్తాయి. పోటీ పరీక్షలు, ఇంటర్వ్యూలలో ఘన విజయాలు సాధిస్తారు. ఆస్తి వివాదాలు, కోర్టు కేసులు అనుకూలంగా పరిష్కారం అవుతాయి. ఉద్యోగంలో తప్పకుండా పదోన్న తులు కలుగుతాయి. కొద్ది ప్రయత్నంతో ఆదాయం బాగా వృద్ధి చెందుతుంది. సొంత ఇల్లు, సొంత వాహనం అమరే అవకాశం ఉంది. నిరుద్యోగులకు సొంత ఊర్లోనే ఆశించిన ఉద్యోగం లభిస్తుంది.
- సింహం: రాశ్యధిపతి రవి సప్తమ స్థాన సంచారం వల్ల ఈ రాశివారు ఉద్యోగంలో ఉన్నత పదవులు చేపట్టే అవకాశం ఉంది. ఒక సంస్థలో ఉన్నతాధికారి అయ్యే యోగం కూడా కలుగుతుంది. ప్రభుత్వం నుంచి ఆశించిన గుర్తింపు లభిస్తుంది. వృత్తి, వ్యాపారాల్లో రాబడి బాగా వృద్ది చెందుతుంది. ఆరోగ్యం బాగా మెరుగుపడుతుంది. తండ్రి వైపు నుంచి అంచనాలకు మించిన సహాయ సహకారాలు లభిస్తాయి. ఆస్తిపాస్తులు కలిసి వస్తాయి. అనేక వైపుల నుంచి ఆదాయం వృద్ధి చెందుతుంది.
- తుల: ఈ రాశికి లాభ స్థానాధిపతి అయిన రవి పంచమ స్థానంలో సంచారం వల్ల మనసులోని కోరికలు చాలావరకు నెరవేరుతాయి. పట్టిందల్లా బంగారం అవుతుంది. రాజకీయ ప్రముఖులతో లాభదాయక పరిచయాలు ఏర్పడతాయి. ఉద్యోగంలో పదోన్నతులతో పాటు భారీగా జీతభత్యాలు పెరుగుతాయి. వృత్తి, వ్యాపారాలు లాభాల బాట పడతాయి. ఉద్యోగ, పెళ్లి ప్రయత్నాలు తప్పకుండా సఫలమవుతాయి. ఆస్తిపాస్తులు కలిసి వస్తాయి. శుభ కార్యాలు జరుగుతాయి. ఆరోగ్యం మెరుగ్గా ఉంటుంది.
- వృశ్చికం: ఈ రాశికి దశమాధిపతి అయిన రవి చతుర్థ స్థానంలో సంచారం చేయడం వల్ల నిరుద్యోగులకు సొంత ఊర్లోనే ఉద్యోగం లభించే అవకాశం ఉంది. ప్రముఖులతో పరిచయాలు వృద్ధి చెందుతాయి. రాజకీయ ప్రాబల్యం కూడా కలుగుతుంది. ఉద్యోగంలో పదోన్నతికి అవకాశం ఉంది. కొత్త ఉద్యోగులకు ఆశించిన విధంగా స్థిరత్వం ఏర్పడుతుంది. ప్రభుత్వమూలక ధన లాభం కలుగుతుంది. మంచి పరిచయాలు ఏర్పడతాయి. ఉన్నత స్థాయి వ్యక్తితో పెళ్లి సంబంధం కుదిరే అవకాశం ఉంది.
- ధనుస్సు: ఈ రాశికి భాగ్యాధిపతి అయిన రవి తృతీయ స్థానంలో సంచారం చేయడం వల్ల గృహ, వాహన లాభాలు కలుగుతాయి. ఆదాయం ఇబ్బడిముబ్బడిగా వృద్ధి చెందుతుంది. ఉద్యోగంలో పదోన్నతులు కలిగే అవకాశం ఉంది. ఆస్తి వివాదాలు, కోర్టు కేసులు అనుకూలంగా పరిష్కారమవుతాయి. వ్యక్తిగత, కుటుంబ సమస్యలు పరిష్కారమవుతాయి. దాంపత్య జీవితంలో అన్యోన్యత పెరుగుతుంది. నిరుద్యోగులకు సొంత ఊర్లో ఉద్యోగం లభిస్తుంది. ఆస్తి కొనుగోలు చేయడం జరుగుతుంది.