Money Astrology: రవి, శనుల యుతి.. ఆ రాశుల వారికి వద్దంటే డబ్బు..!
మీన రాశిలో ఈ నెల(మార్చి) 26 నుంచి ఏప్రిల్ 15 వరకు రవి, శనులు మాత్రమే సంచారం చేయడం జరుగుతోంది. ఈ రెండు గ్రహాలు తండ్రీ కుమారులే అయినప్పటికీ బద్ధ శత్రువులు. ఈ గ్రహాలు కలిశాయంటే జాతకుడు ఉచ్ఛ స్థితికైనా వెళ్లడం జరుగుతుంది. లేదా అధోగతి పాలు కావడమన్నా జరుగుతుంది. ఇందులో శనీశ్వరుడు ఐశ్వర్యాన్నిచ్చే అవకాశం ఉండగా, రవి అధికారమిస్తాడు. ప్రస్తుతం కొన్ని రాశులకు ఈ యుతి వల్ల ఉచ్ఛ స్థితి కలిగే అవకాశాలు ఎక్కువగా కనిపిస్తున్నాయి. వృషభం, మిథునం, కన్య, తుల, వృశ్చికం, కుంభ రాశుల వారు ఈ రెండు గ్రహాల యుతి వల్ల అత్యధికంగా ప్రయోజనం పొందబోతున్నారు.
వృషభం: ఈ రాశికి లాభ స్థానంలో రవి, శనులు కలవడం తప్పకుండా అత్యంత ప్రబలమైన రాజయోగాన్ని కలగజేస్తుంది. వృత్తి, ఉద్యోగాలపరంగానే కాక ఆర్థికంగా, సామాజికంగా కూడా ఉన్నత స్థానానికి వెళ్లడం, అనేక విధాలుగా ఆదాయం వృద్ధి చెందడం జరుగుతుంది. పోటీ పరీక్షలు, ఇంటర్వ్యూ లలో అతి తేలికగా విజయాలు సాధిస్తారు. సంపద బాగా వృద్ధి చెందుతుంది. గృహ, వాహన యోగాలు పట్టే అవకాశం ఉంది. రాజకీయ, పాలనా వ్యవహారాలు విజయవంతంగా సాగిపోతాయి.
మిథునం: ఈ రాశికి దశమ స్థానంలో రవి, శనులు కలవడం వల్ల, ఈ రాశివారికి తప్పకుండా అధికార యోగం పడుతుంది. ఏ రంగంలో ఉన్నా అందలాలు ఎక్కుతారు. వీరు ప్రభుత్వ ఉన్నతోద్యోగాలకు ప్రయత్నించడానికి సమయం బాగా అనుకూలంగా ఉంది. ఆస్తి వివాదాలు సానుకూలంగా పరి ష్కారం అవుతాయి. రాజకీయంగా పలుకుబడి పెరుగుతుంది. అనేక మార్గాల్లో ఆదాయం వృద్ధి చెందుతుంది. నిరుద్యోగులకు ఊహించని రీతిలో స్థిరమైన, లాభదాయకమైన ఉద్యోగం లభిస్తుంది.
కన్య: ఈ రాశికి ఆరవ స్థానంలో ఈ రెండు పాప గ్రహాలు కలవడం వల్ల, తప్పకుండా శత్రు జయం, రుణ విముక్తి, ఆరోగ్య లాభం కలుగుతాయి. పట్టిందల్లా బంగారం అవుతుంది. ఆర్థికంగా ఏ చిన్న ప్రయ త్నం చేసినా కలిసి వస్తుంది. వృత్తి, ఉద్యోగాల్లో కొన్ని కీలకమైన శుభవార్తలు వింటారు. ఆదాయం ఇబ్బడిముబ్బడిగా పెరుగుతుంది. కుటుంబంలో శుభ పరిణామాలు చోటు చేసుకుంటాయి. అధికారం చేపట్టడానికి లేదా పదోన్నతికి అవకాశం ఉంటుంది. నిరుద్యోగులకు మంచి ఆఫర్ అందుతుంది.
తుల: ఈ రాశికి రవి, శనులిద్దరూ ఆదాయ వృద్ధికి తోడ్పడే గ్రహాలే అయినందువల్ల ఆదాయం బాగా వృద్ధి చెందే అవకాశం ఉంది. వృత్తి, వ్యాపారాల్లో అంచనాలకు మించి రాబడి పెరుగుతుంది. అను కోకుండా పితృవర్గం నుంచి ఆస్తి కలిసి వచ్చే అవకాశం ఉంది. ఏ వివాదమైనా అనుకూలంగా పరిష్కారమవుతుంది. పిల్లల నుంచి శుభవార్తలు వింటారు. కుటుంబాన్ని ఉన్నతస్థాయికి తీసుకువెళ్లగల శుభ పరిణామాలు చోటు చేసుకుంటాయి. నిరుద్యోగులకు ఉద్యోగ యోగం పడుతుంది.
వృశ్చికం: ఈ రాశికి పంచమ స్థానంలో రవి, శనులు కలవడం వల్ల ఈ రాశివారికి ఊహించని విపరీత రాజ యోగం కలిగింది. రాజకీయ ప్రాబల్యం కలుగుతుంది. సర్వత్రా మాటకు, చేతకు విలువ పెరుగు తుంది. ఉన్నత స్థాయి వ్యక్తులతో సాన్నిహిత్యం ఏర్పడుతుంది. వృత్తి, ఉద్యోగాల్లో పదోన్నతులు లభించి, వేతనాలు పెరుగుతాయి. అదనపు ఆదాయ ప్రయత్నాలు అంచనాలకు మించి సత్ఫ లితాలనిస్తాయి. నిరుద్యోగులకే కాక, ఉద్యోగులకు కూడా విదేశాల నుంచి ఆఫర్లు అందుతాయి.
కుంభం: ఈ రాశికి ధన స్థానంలో రవి, శనులు కలవడం వల్ల ఆదాయానికి, ఆరోగ్యానికి లోటుండని పరిస్థితి ఏర్పడుతుంది. లాభదాయక పరిచయాలు కలుగుతాయి. ఆకస్మిక ధన లాభానికి అవకాశం ఉంది. షేర్లు, స్పెక్యులేషన్లు బాగా లాభిస్తాయి. రావలసిన సొమ్ము చేతికి అందుతుంది. వృత్తి, ఉద్యోగాల్లో పదోన్నతులు కలుగుతాయి. నిరుద్యోగులు శుభవార్తలు వింటారు. ఆర్థికంగా ఎటు వంటి ప్రయత్నమైనా సఫలమవుతుంది. ఆస్తి వివాదాలు సానుకూలంగా పరిష్కారం అవుతాయి.