రవితో రాహువు యుతి.. ఆ రాశుల వారికి కొత్త జీవితం..అంతిమ విజయం!
ప్రస్తుతం రవి, రాహు గ్రహాలు కుంభరాశిలో యుతి చెంది ఉన్నాయి. ఈ నెల (మార్చి) 14 వరకు కుంభ రాశిలో సంచారం చేసే రవి ఈ రాశిలో రాహువుతో సంచారం చేయడం వల్ల కొన్ని రాశుల వారు పోటీల్లో విజయాలు సాధించడం, వివాదాల నుంచి బయటపడడం, ప్రతీకారాలు తీర్చుకోవడం, లాటరీలు, బెట్టింగులో గెలవడం, బంధుమిత్రులతో పోటాపోటీగా ఆదాయం, ఉద్యోగాలు సంపా దించడం వంటివి జరుగుతాయి. ముఖ్యంగా మేషం, వృషభం, సింహం, తుల, ధనుస్సు, మకర రాశులకు ఈ కొద్దిరోజుల కాలం సిరులు, విజయాలు, సాఫల్యాలను పండిస్తుంది.
మేషం: పంచమాధిపతి రవి లాభ స్థానంలో రాహువుతో కలిసి ఉండడం వల్ల పోటీ పరీక్షలు, ఇంటర్వ్యూలలో తప్పకుండా ఘన విజయాలు సాధిస్తారు. వృత్తి, వ్యాపారాల్లో పోటీదార్ల మీద పైచేయిగా ఉంటారు. ఆస్తి వివాదాలు పూర్తిగా పరిష్కారమవుతాయి. సహోద్యోగులు, సీనియర్లను కాదని పదోన్నతులు లభించే అవకాశం ఉంది. ఆదాయ వృద్ధిలో బంధుమిత్రుల కంటే ఒక మెట్టు పైన ఉంటారు. కోర్టు కేసులు తేలికగా పరిష్కారమవుతాయి. పెళ్లి ప్రయత్నాలు సఫలమవుతాయి.
వృషభం: ఈ రాశికి దశమ స్థానంలో రవి, రాహువుల యుతి జరగడం వల్ల ఈ రాశివారికి పట్టిందల్లా బంగారం అవుతుంది. ఆస్తి వివాదాలు, కోర్టు కేసులు అనుకూలంగా పరిష్కారం కావడం వల్ల విలువైన ఆస్తిపాస్తులు చేతికి వస్తాయి. ఎక్కడ ఎటువంటి పోటీ ఉన్నా అంతిమ విజయం మీదే అవుతుంది. మిత్రులు, బంధువుల వివాదాలను మధ్యవర్తిగా వ్యవహరించి పరిష్కరిస్తారు. ప్రభుత్వ ఉన్నతోద్యోగాలకు సంబంధించిన పోటీ పరీక్షల్లో ఉత్తీర్ణులవుతారు. ఆదాయం వృద్ది చెందుతుంది.
సింహం: ఈ రాశికి సప్తమ స్థానంలో రవి, రాహువుల సంచారం వల్ల ప్రేమ ప్రయత్నాల్లో సక్సెస్ అవుతారు. ఆదాయ వృద్ధి ప్రయత్నాల్లో విజయం సాధిస్తారు. ఆస్తి వివాదాలు అనుకూలంగా పరిష్కారం అవుతాయి. ఉన్నత స్థాయి కుటుంబంతో పెళ్లి సంబంధం కుదురుతుంది. ఉద్యోగులు, నిరుద్యోగులకు విదేశీ అవకాశాలు లభిస్తాయి. వృత్తి, వ్యాపారాల్లో పోటీదార్లను మించిపోతారు. ప్రతి పనినీ, ప్రతి ప్రయత్నాన్నీ పట్టుదలగా సాధించే అవకాశం ఉంది. రావలసిన డబ్బును వసూలు చేసుకుంటారు.
తుల: ఈ రాశికి పంచమ స్థానంలో రవి, రాహువుల సంచారం వల్ల ఏ ప్రయత్నం తలపెట్టినా విజయం వరిస్తుంది. మనసులోని కోరికలు చాలావరకు నెరవేరుతాయి. గృహ, వాహన యోగాలు కలుగు తాయి. ఆస్తి లాభం, భూలాభం కూడా కలుగుతుంది. వివాదాలు పరిష్కారమవుతాయి. ప్రేమ ప్రయత్నాల్లో విజయం సాధిస్తారు. ఉద్యోగ, పెళ్లి ప్రయత్నాలు సఫలం అవుతాయి. ఈ రవి, రాహువులను గురువు వీక్షిస్తున్నందువల్ల షేర్లు, స్పెక్యులేషన్ల వంటివి కూడా బాగా లాభిస్తాయి.
ధనుస్సు: ఈ రాశికి తృతీయ స్థానంలో రవి, రాహువులు కలవడం వల్ల పట్టిందల్లా బంగారం అవుతుంది. ఆత్మ విశ్వాసం బాగా పెరుగుతుంది. ఆదాయ వృద్ది, ఉద్యోగ ప్రయత్నాల్లో సాహసాలకు ఒడిగడతారు. ఏ రంగంలో ఉన్నా ఊహించని పురోగతి ఉంటుంది. ఉద్యోగంలో పదోన్నతులు కలుగుతాయి. వృత్తి, వ్యాపారాల్లో డిమాండ్ పెరుగుతుంది. సంతాన ప్రాప్తికి అవకాశం ఉంది. సంపన్న కుటుంబానికి చెందిన వ్యక్తితో పెళ్లి కుదురుతుంది. ఉద్యోగులకు మంచి ఆఫర్లు అందే అవకాశం ఉంది.
మకరం: ఈ రాశికి ధన స్థానంలో రవి, రాహువుల సంచారం వల్ల ఆకస్మిక ధన ప్రాప్తికి అవకాశం ఉంది. ఒకటికి రెండుసార్లు ధన యోగాలు కలుగుతాయి. విదేశీ సొమ్ము అనుభవించే యోగం పడుతుంది. ఉద్యోగులు, నిరుద్యోగులకు విదేశీ ఆఫర్లు అందుతాయి. శత్రువులు, పోటీదార్లు, ప్రత్యర్థులు బాగా తగ్గి ఉంటారు. వారసత్వపు సంపద లభిస్తుంది. ఆస్తిపాస్తులు సమకూరుతాయి. గృహ, వాహన యోగాలు కలుగుతాయి. సంతాన ప్రాప్తికి అవకాశం ఉంది. పిల్లలు వృద్ధిలోకి వస్తారు.