మాస ఫలాలు (సెప్టెంబర్ 1 నుంచి సెప్టెంబర్ 30, 2024 వరకు): మేష రాశి వారికి ఈ నెల శుభ గ్రహాలన్నీ చాలా అనుకూలంగా ఉన్నాయి. ఫలితంగా ఏ ప్రయత్నం చేపట్టడానికైనా సమయం అనుకూలంగా ఉంది. వృషభ రాశి వారు కొన్ని ఆర్థిక సమస్యల నుంచి బయటపడతారు. ఆర్థిక లావాదేవీలకు దూరంగా ఉండడం మంచిది. మిథున రాశి వారికి ఆదాయంతో పాటు ఖర్చులు పెరిగే అవకాశం ఉంది. మిత్రుల వల్ల ఖర్చు బాగా పెరగడం జరుగుతుంది. మేష రాశి మొదలు మీన రాశి వరకు 12 రాశుల వారికి సెప్టెంబర్ మాస ఫలాలు ఎలా ఉన్నాయంటే..
మేషం (అశ్విని, భరణి, కృత్తిక 1): శుభ గ్రహాలన్నీ చాలా అనుకూలంగా ఉన్నాయి. ఫలితంగా ఏ ప్రయత్నం చేపట్టడానికైనా సమయం అనుకూలంగా ఉంది. ఒకటి రెండు ధన యోగాలు పట్టడానికి అవకాశం ఉంది. ఆర్థిక పరి స్థితి బాగా మెరుగ్గా ఉంటుంది. పట్టిందల్లా బంగారం అవుతుంది. రాదనుకున్న డబ్బు కొద్ది ప్రయ త్నంతో చేతికి అందుతుంది. మొండి బాకీలు వసూలు అవుతాయి. కొన్ని వ్యవహారాల్లో బాగా తక్కువ శ్రమతో అత్యధిక లాభాలు పొందే అవకాశం ఉంది. వృత్తి, వ్యాపారాలు బాగా జోరందు కుంటాయి. కార్యకలాపాలు ఎక్కువై, తీరిక ఉండని పరిస్థితి ఏర్పడుతుంది. ఉద్యోగాల్లో ప్రాధాన్యం పెరుగుతుంది. నిరుద్యోగులకు మంచి ఉద్యోగావకాశాలు అందివస్తాయి. ఆదాయానికి లోటుం డదు. కుటుంబ జీవితం ఆనందంగా సాగిపోతుంది. ఆరోగ్యం బాగానే ఉంటుంది. విద్యార్థులు ఘన విజయాలు సాధిస్తారు. ప్రేమ వ్యవహారాలు సంతృప్తికరంగా ఉంటాయి. ఇష్టదైవాన్ని మరింత శ్రద్దగా ప్రార్థించడం వల్ల అనుకున్న పనులన్నీ నెరవేరుతాయి. శుభవార్తలు ఎక్కువగా వింటారు.
వృషభం (కృత్తిక 2,3,4, రోహిణి, మృగశిర 1,2): ప్రస్తుతం దశమ, లాభ స్థానాలు పటిష్ఠంగా ఉన్నందువల్ల వృత్తి, ఉద్యోగ, వ్యాపారాల్లో శుభ పరిణామాలు చోటు చేసుకునే అవకాశం ఉంది. ఆదాయానికి లోటుండదు. సాధారణంగా ఎటువంటి ప్రయత్నం తలపెట్టినా విజయవంతం అవుతుంది. ఆర్థిక పరిస్థితి బాగా మెరుగ్గా ఉంటుంది. కొద్ది ప్రయత్నంతో ముఖ్యమైన వ్యవహారాలు, పనుల్ని సకాలంలో పూర్తి చేస్తారు. కొన్ని ఆర్థిక సమస్యల నుంచి బయటపడతారు. ఆర్థిక లావాదేవీలకు దూరంగా ఉండడం మంచిది. కొందరు ప్రముఖులతో ఉపయోగకర పరిచయాలు ఏర్పడుతాయి. ఆర్థిక వ్యవహారాల్లో పురోగతి సాధిస్తారు. నిరు ద్యోగులకు మంచి ఉద్యోగం లభించే అవకాశం ఉంది. వృత్తి, వ్యాపారాల్లో మంచి మార్పులు చేపడ తారు. ఉద్యోగ వాతావరణం ఉత్సాహవంతంగా ఉంటుంది. ఆరోగ్యం విషయంలో వీలైనంత జాగ్రత్తగా ఉండాలి. విద్యార్థులు కొద్ది ప్రయత్నంతో మంచి ఫలితాలు సాధిస్తారు. ప్రేమ వ్యవహారాల్లో జాగ్రత్తగా ఉండడం మంచిది. కాలభైరవాష్టకం చదువుకోవడం వల్ల జీవితం సాఫీగా, హ్యాపీగా సాగిపోతుంది.
మిథునం (మృగశిర 3,4, ఆర్ద్ర, పునర్వసు 1,2,3): రాశ్యధిపతి బుధుడు, రవి బాగా అనుకూలంగా ఉన్నప్పటికీ, ధన కారకుడు గురువు వ్యయ స్థానంలో ఉండడం వల్ల ఆదాయంతో పాటు ఖర్చులు పెరిగే అవకాశం ఉంది. మిత్రుల వల్ల ఖర్చు బాగా పెరగడం జరుగుతుంది. మొత్తం మీద ఈ రాశివారికి ఈ నెలంతా సాఫీగా, హ్యాపీగా గడిచి పోతుంది. ముఖ్యమైన పనులన్నీ విజయవంతంగా పూర్తవుతాయి. దీనివల్ల ఆర్థిక లాభం కూడా ఉంటుంది. కుటుంబ జీవితం ఉత్సాహంగా సాగిపోతుంది. విద్యార్థులు కొద్దిపాటి శ్రమతో ఉత్తమ ఫలితాలు సాధిస్తారు. వ్యయప్రయాసలున్నప్పటికీ చేపట్టిన వ్యవహారాలను పట్టుదలగా పూర్తి చేయడం జరుగుతుంది. మంచి పరిచయాలు ఏర్పడతాయి. పలుకుబడి పెరుగుతుంది. నిరుద్యో గులకు అవకాశాలు పెరుగుతాయి. ఉద్యోగంలో అధికారుల ప్రోత్సాహం లభిస్తుంది. వృత్తి, వ్యాపా రాలు లాభాలకు లోటుండదు. ఇస్తాయి. ఆరోగ్యం మెరుగుపడుతుంది. తరచూ సుందరకాండ పారాయణం వల్ల కుటుంబంలోనూ, ఉద్యోగంలోనూ టెన్షన్లు, ఒత్తిడి తగ్గే అవకాశం ఉంటుంది.
కర్కాటకం (పునర్వసు 4, పుష్యమి, ఆశ్లేష): ధన స్థానంలో బుధుడు, లాభస్థానంలో గురువు ఉండడం వల్ల అష్టమ శని ప్రభావం బాగా తగ్గి, జీవితం పురోగతి బాటపడుతుంది. వృత్తి, ఉద్యోగాలు బాగా అనుకూలంగా మారుతాయి. పదోన్న తికి అవకాశం ఉంది. అధికారులు మీ పనితీరుతో సంతృప్తి చెందుతారు. వ్యాపారాల్లో శ్రమాధిక్యత ఉన్నప్పటికీ ఆశించిన స్థాయిలో ప్రతిఫలం ఉంటుంది. సామాజికంగా గౌరవ మర్యాదలు వృద్ధి చెందుతాయి. ఆర్థిక లావాదేవీలకు దూరంగా ఉండడం మంచిది. డబ్బు తీసుకున్నా, ఇచ్చినా ఇబ్బందులు తలెత్తుతాయి. కొన్ని మంచి పరిచయాలు ఏర్పడతాయి. కుటుంబ జీవితం హ్యాపీగా సాగిపోతుంది. పిల్లలు ఆశించిన స్థాయిలో వృద్ధిలోకి వస్తారు. వృత్తి జీవితం బిజీ అయిపోతుంది. వ్యాపారాల్లో ఆశించిన లాభాలు ఉంటాయి. ఉద్యోగం మారడానికి చేసే ప్రయత్నాలు ఫలిస్తాయి. ఆర్థిక విషయాల్లో మోసపోయే సూచనలు న్నాయి. విద్యార్థులు బాగా కష్టపడాల్సి ఉంటుంది. ప్రేమ వ్యవహారాలు హ్యాపీగా సాగిపోతాయి. రోజూ ఉదయం స్కంద స్తోత్రం పఠించడం మంచిది.
సింహం (మఖ, పుబ్బ, ఉత్తర 1): ఇంటా బయటా పనులు, వ్యవహారాలు పెరిగి ఒత్తిడికి గురవుతారు. వృత్తి, ఉద్యోగాల్లో శ్రమాధిక్యత తప్పకపోవచ్చు. విశ్రాంతికి అవకాశం ఉండదు. వ్యాపారాలు సాదా సీదాగా సాగిపోతాయి. కొద్ది జాగ్రత్తలతో వ్యక్తిగత సమస్యలు పరిష్కరించుకుంటారు. అదనపు ఆదాయం కోసం ప్రయత్నాలు సాగిస్తారు. ముఖ్యమైన పనులు నిదానంగా పూర్తవుతాయి. మీ నుంచి సహాయం పొందినవారు ముఖం చాటేస్తారు. రావలసిన సొమ్మును జాగ్రత్తగా వసూలు చేసుకోవడం జరుగుతుంది. ధన పరంగా ఎవరికీ హామీలు ఉండడం, వాగ్దానాలు చేయడం వంటివి చేయవద్దు. ఆదాయం ఆశించిన స్థాయిలో పెరగకపోవచ్చు. ఆరోగ్యం పరవాలేదనిపిస్తుంది. విద్యార్థులు బాగా కష్టపడాల్సిఉంటుంది. ప్రేమ వ్యవహారాలు సంతృప్తికరంగా సాగిపోతాయి. దూరపు బంధువులతో పెళ్లి సంబంధం నిశ్చ యం అవుతుంది. నిరుద్యోగులకు సొంత ఊర్లోనే ఉద్యోగం లభించే అవకాశం ఉంది. ఆస్తి వివా దంలో రాజీమార్గం అనుసరిస్తారు. తరచూ శివార్చన చేయించడం వల్ల మంచి ఫలితం ఉంటుంది.
కన్య (ఉత్తర 2,3,4, హస్త, చిత్త 1,2): గురు, శుక్ర గ్రహాల బలం కారణంగా నెలంతా సుఖ సంతోషాలతో సాగిపోతుంది. అనుకున్న పనులు అనుకున్నట్టు పూర్తవుతాయి. అదనపు ఆదాయ ప్రయత్నాలు చాలావరకు సఫలం అవుతాయి. ఒకరిద్దరు బంధుమిత్రులకు ఆర్థికంగా సహాయం చేస్తారు. ఆర్థిక వ్యవహారాలు విజ యవంతం అవుతాయి. ఆర్థిక పరిస్థితి బాగా మెరుగ్గా ఉంటుంది. ఆర్థిక సమస్యల ఒత్తిడి బాగా తగ్గుతుంది. కొత్త ప్రయత్నాలు చేపట్టడానికి సమయం అనుకూలంగా ఉంది. ఇప్పుడు తీసుకునే నిర్ణయాల వల్ల మున్ముందు మంచి ఫలితాలు ఉంటాయి. ఆరోగ్యానికి, ఆదాయానికి ఇబ్బందేమీ ఉండదు. కుటుంబ సభ్యుల సహకారంతో ముఖ్యమైన పనులు పూర్తి చేస్తారు. వృత్తి, ఉద్యోగాలు అనుకూలంగా సాగిపోతాయి. వ్యాపారాలలో లాభాలు అంచనాలను మించుతాయి. కుటుంబ సమే తంగా ఇష్టమైన ఆలయాలు సందర్శిస్తారు. విద్యార్థులు తేలికగా పురోగతి సాధిస్తారు. ప్రేమ వ్యవ హారాలు అనుకూలంగా సాగిపోతాయి. ప్రతి రోజూ లలితా సహస్ర నామం పఠించడం చాలా మంచిది.
తుల (చిత్త 3,4, స్వాతి, విశాఖ 1,2,3): శని, బుధ గ్రహాల బలం వల్ల ఉద్యోగంలో స్థిరత్వం లభిస్తుంది. వృత్తి, వ్యాపారాల్లో లాభాలపరంగా, అంచనాల పరంగా ఘన విజయాలు సాధిస్తారు. ఆదాయ ప్రయత్నాలు లాభసాటిగా సాగిపోతాయి. లాభ స్థానంలో బుధుడి సంచారం కారణంగా కొన్ని సమస్యలు, కష్టనష్టాల నుంచి చాలా వరకు బయటపడతారు. అనవసర పరిచయాలకు దూరంగా ఉండడం మంచిది. ఇంటా బయటా ఖర్చులు పెరుగుతాయి. కుటుంబ సభ్యులతో సరదాగా గడుపుతారు. ముఖ్యమైన వ్యవహారాలు, పనులన్నీ సకాలంలో పూర్తవుతాయి. నిరుద్యోగులకు దూర ప్రాంతం నుంచి ఆఫర్ అందుతుంది. కొందరు మిత్రుల విషయంలో జాగ్రత్తగా ఉండడం మంచిది. ఆరోగ్యం విషయంలో జాగ్రత్త అవసరం. పెళ్లి ప్రయత్నాలకు ఆశించిన సానుకూల స్పందన లభిస్తుంది. విద్యార్థులు ఉత్తమ ఫలితాలు సాధిస్తారు. ప్రేమ వ్యవహారాలు బాగా ఉత్సాహం కలిగిస్తాయి. నరసింహ స్వామికి నిత్యం ప్రార్థన చేయడం వల్ల దాదాపు ప్రతి ప్రయత్నమూ విజయవంతం అవుతుంది. పిల్లలు వృద్ధిలోకి వస్తారు.
వృశ్చికం (విశాఖ 4, అనూరాధ, జ్యేష్ట): దశమ స్థానంలో బుధ, రవుల యుతి, సప్తమ స్థానంలో గురు బలం కారణంగా జీవితంలో కలలో కూడా ఊహించని శుభ పరిణామాలు చోటు చేసుకుంటాయి. రాశ్యధిపతి కుజుడు అష్టమ స్థానంలో ఉండడం వల్ల ప్రస్తుతానికి కొత్త ప్రయత్నాలు చేపట్టకపోవడం మంచిది. ఆర్థిక వ్యవహా రాల్లో జాగ్రత్తగా ఉండవలసిన అవసరం కూడా ఉంది. వృత్తి, ఉద్యోగాల్లో ఆశించిన గుర్తింపు లభి స్తుంది. ఉద్యోగుల మీద అధికారులకు నమ్మకం బాగా పెరుగుతుంది. వ్యాపారాలు లాభ సాటిగా సాగిపోతాయి. కొత్త ఉద్యోగ ప్రయత్నాలు ఒక కొలిక్కి వస్తాయి. వ్యాపారాల్లో సొంత ఆలోచనల వల్ల ప్రయోజనం ఉంటుంది. ముఖ్యమైన పనులు, వ్యవహారాలు సకాలంలో, సంతృప్తికరంగా పూర్త వుతాయి. ఆర్థిక పరిస్థితి సామాన్యంగా ఉంటుంది. ఆరోగ్యం పరవాలేదనిపిస్తుంది. వ్యక్తిగత సమ స్యలు తగ్గుముఖం పడతాయి. విద్యార్థులు కొద్ది శ్రమతో మంచి ఫలితాలు సాధిస్తారు. ప్రేమ వ్యవ హారాలు సాఫీగా సాగిపోతాయి. రోజూ గణపతి స్తోత్రం చదవడం వల్ల ప్రతి ప్రయత్నమూ నెరవేరుతుంది.
ధనుస్సు (మూల, పూర్వాషాఢ, ఉత్తరాషాఢ 1): శనీశ్వరుడితో సహా ముఖ్యమైన గ్రహాలు అనుకూలంగా ఉన్నప్పటికీ, రాశ్యధిపతి గురువు శత్రు స్థానంలో ఉన్నందువల్ల ఎంత సంపాదించినా డబ్బు చేతిలో నిలవని పరిస్థితి ఏర్పడుతుంది. ఎంత కష్టపడ్డా ఫలితం కూడా తక్కువగా ఉంటుంది. రాజకీయ ప్రముఖులతో పరిచయాలు పెరుగుతాయి. ప్రభుత్వమూలక ధన లాభం, గుర్తింపు ఉంటాయి. వృత్తి, ఉద్యోగాల్లో ప్రాధాన్యం కొనసాగుతుంది. వ్యాపారాలలో నష్టాలు బాగా తగ్గే సూచనలున్నాయి. చిన్నా చితకా ఆర్థిక సమస్యల నుంచి బయటపడడం జరుగుతుంది. కుటుంబంలో సుఖ సంతోషాలు నెలకొంటాయి. ఆధ్యాత్మిక విషయాలపై దృష్టి పెడతారు. తలపెట్టిన పనులు నిదానంగా పూర్తవుతాయి. పిల్లలు చదువుల్లో పురోగతి సాధిస్తారు. స్వల్ప అనారోగ్యానికి అవకాశం ఉంది. నిరుద్యోగుల కలలు సాకారమయ్యే అవకాశం ఉంది. ప్రయాణాలు బాగా లాభిస్తాయి. ఇప్పుడు తీసుకునే నిర్ణయాలు మంచి ఫలితాలనిస్తాయి. ప్రేమ వ్యవహారాలు హ్యాపీగా సాగిపోతాయి. ఇష్టదైవ ప్రార్థన మంచిది.
మకరం (ఉత్తరాషాఢ 2,3,4, శ్రవణం, ధనిష్ట 1,2): శుక్రుడు, గురువు, శని గ్రహాలు బాగా అనుకూలంగా ఉన్నందువల్ల శత్రు, రోగ, రుణ బాధల నుంచి చాలావరకు విముక్తి లభిస్తుంది. వ్యక్తిగత సమస్యల ఒత్తిడి బాగా తగ్గుతుంది. కుటుంబ సమస్యలు చాలావరకు తగ్గుముఖం పడతాయి. కుటుంబ సభ్యుల మీద ఖర్చులు బాగా పెరుగు తాయి. ముఖ్యమైన వ్యవహారాల్లో జీవిత భాగస్వామిని సంప్రదించడం మంచిది. వృత్తి, ఉద్యోగాలు సానుకూలంగా సాగిపోతాయి. మీ పనితీరుతో అధికారులకు సంతృప్తి కలిగిస్తుంది. నిరుద్యోగులకు దూర ప్రాంతంలో ఉద్యోగం లభించే అవకాశం ఉంది. పెళ్లి ప్రయత్నాలు సానుకూలపడతాయి. ఇత రులకు మేలు జరిగే పనులు చేస్తారు. ఆర్థిక వ్యవహారాల్లో ఎవరినీ గుడ్డిగా నమ్మకపోవడం మంచిది. చేపట్టిన పనులలో ఆటంకాలు ఉంటాయి. ఆర్థిక పరిస్థితి ఉత్సాహవంతంగా ఉంటుంది. విద్యార్థులు కొద్దిగా శ్రమపడాల్సి ఉంటుంది. ప్రేమ వ్యవహారాల్లో ఆటంకాలుంటాయి. పిల్లలు శుభ వార్తలు చెబుతారు. సంతాన యోగానికి అవకాశం ఉంది. తరచూ శివార్చన చేయడం మంచిది.
కుంభం (ధనిష్ట 3,4, శతభిషం, పూర్వాభాద్ర 1,2,3): ఏలిన్నాటి ప్రభావం వల్ల మానసిక ఒత్తిడి, స్వల్ప అనారోగ్యాలు, డబ్బు నష్టం వంటి వాటికి అవకాశం ఉన్నప్పటికీ, గురు, బుధుల అనుకూలత వృత్తి, ఉద్యోగాలు సానుకూలంగా, ఉత్సా హంగా సాగిపోతాయి. సాధారణంగా ఎటువంటి ప్రయత్నం తలపెట్టినా సఫలమయ్యే అవకాశం ఉంది. ఆదాయ ప్రయత్నాలు సంతృప్తికరంగా సాగిపోతాయి. కుటుంబ సభ్యుల నుంచి సహకారం లభిస్తుంది. కొద్ది ప్రయత్నంతో ఆదాయం పెరగడానికి అవకాశం ఉంది. నిరుద్యోగులకు విదేశాల నుంచి కూడా ఆఫర్లు అందుతాయి. పెండింగ్ పనులు త్వరితగతిన పూర్తయి ఊరట లభిస్తుంది. కుటుంబ సభ్యులతో సరదాగా కాలక్షేపం చేస్తారు. వృత్తి, వ్యాపారాల్లో అంచనాలకు మించిన లాభా లందుకుంటారు. ఉద్యోగంలో ఉత్సాహకర వాతావరణం ఉంటుంది. ఉద్యోగం మారడానికి అవకాశం ఉంది. వ్యక్తిగత సమస్య ఒకటి పరిష్కారమవుతుంది. విద్యార్థులకు శ్రమ తప్పకపోవచ్చు. ప్రేమ వ్యవహారాలు సాదా సీదాగా సాగిపోతాయి. స్కంద స్తోత్రం వల్ల ధన స్థానం పటిష్టమవుతుంది.
మీనం (పూర్వాభాద్ర 4, ఉత్తరాభాద్ర, రేవతి): బుధ, శుక్రుల అనుకూలత వల్ల నెలంతా ప్రశాంతంగా సాగిపోతుంది. వ్యయ ప్రయాసలతో కొన్ని ముఖ్యమైన వ్యవహారాలు, పెండింగ్ పనులు పూర్తి అవుతాయి. ఇంటా బయటా శ్రమ, తిప్పట ఎక్కువగానే ఉంటాయి. స్వల్ప అనారోగ్యానికి అవకాశం ఉంది. ఇంటా బయటా బాధ్యతలు పెరు గుతాయి. ఆర్థిక వ్యవహారాల్లో తొందరపాటు నిర్ణయాలు తీసుకోవద్దు. బంధుమిత్రులతో ఓర్పు, సహనాలతో వ్యవహరించడం మంచిది. అధికారుల నుంచి ఒత్తిడి ఎక్కువగా ఉంటుంది. అలవి కాని లక్ష్యాలు, బాధ్యతలు మీద పడే అవకాశం ఉంది. వృత్తి, వ్యాపారాలు బాగా బిజీగా సాగిపో తాయి. ఆదాయం ఆశించినంతగా పెరగకపోవచ్చు. ఖర్చులు తగ్గించుకోవడం మంచిది. కుటుంబ సభ్యులతో కలిసి ఆలయాలు సందర్శించే సూచనలున్నాయి. వ్యాపారం ఉత్సాహంగా, ప్రోత్సాహ కరంగా సాగిపోతుంది. ధనపరంగా ఎవరికీ వాగ్దానాలు చేయవద్దు. విద్యార్థులకు శ్రమ తప్పకపోవచ్చు. ప్రేమ వ్యవహారాలలో అపార్థాలు తలెత్తుతాయి. సుబ్రహ్మణ్యాష్టకం పఠించడం మంచిది.