కార్తీక పౌర్ణమి ఎప్పుడు? దాని గురించి తెలుసుకుందాం!
కార్తీక పౌర్ణమి వచ్చేస్తోంది. అన్ని ప్రత్యేకతల్లోకి వెళ్లా కార్తీక పౌర్ణమికి చాలా ప్రాముఖ్యత, ప్రత్యేకత ఉంటుంది. ఈ సమయంలో ప్రతి ఒక్కరూ శివుడిని ఆరాధిస్తుంటారు. నిత్యం శివ నామస్మరణ చేస్తుంటారు. దీపావళి అమావాస్య నుంచి కార్తీక మాసం ప్రారంభం అవుతుంది. కాగా, ఇప్పుడు 2026లో కార్తీక పౌర్ణమి ఎప్పుడు, పూజ విధానం గురించి తెలుసుకుందాం.
దీపావళి పండుగ, కార్తీక పౌర్ణమి వచ్చేస్తోంది. అన్ని మాసాల్లో కెళ్లా కార్తీక మాసం చాలా పవిత్రమైన మాసం అంటారు. ఈ సంవత్సరం నవంబర్ 7 తేదీన అమావాస్య తిథి ప్రారంభం అయ్యి, నవంబర్ 8 వరకు ఉంటుంది. పాడ్యమి తిథి నవంబర్ 10న రావడంతో ఈ రోజు నుంచే కార్తీక మాసం ప్రారంభం అవుతుంది.
ఇక ఈ మాసంలో శివ పూజకు చాలా ప్రాముఖ్యత ఉంటుంది. ముఖ్యంగా చాలా మంది కార్తీక పౌర్ణమి రోజు శివాలయాలను దర్శించడం, ఉసిరి చెట్టు కింద దీపారాధన చేయడం చేస్తుంటారు. అంతే కాకుండా చాలా మంది ఈ రోజు నది స్నానం చేయడం ఇష్టదైవాన్ని ప్రార్థించడం, శివాలయానికి వెళ్లి అభిషేకాలు, ప్రత్యేక పూజలు చేయడం చేస్తుంటారు. ఈరోజు ఇంటి వద్ద దీపాలను వెలిగించి, ఇంటిని అందంగా అలంకరించి, శివుడిని ఆరాధిస్తూ ఉపవాసం ఉంటారు.
2026 సంవత్సరంలో కార్తీక పౌర్ణమి నవంబర్ 24, మంగళ వారం వస్తుంది. దీనిని కార్తీక శుక్ల పూర్ణిమ అని కూడా అంటారు. ఈ పవిత్రమైన రోజున చంద్రుడిని పూజించడం, శివుడిని ఆరాధించడం వలన సకల శుభాలు కలుగుతాయని చెబుతుంటారు పండితులు. ముఖ్యంగా ఈరోజున చంద్రుడికి అర్ఘ్యం సమర్పించడం చాలా పుణ్యాన్ని ప్రసాదిస్తుంది.
ఈ పౌర్ణమి రోజు దాన ధర్మాలు చేయడం వలన కూడా అద్భుతంగా కలిసి వస్తుంది. ఈ రోజున నది స్నానం చేయడం, దీపారాధన చేయడం, పూజలు చేయడం వలన పాపాలు అన్నీ తొలిగిపోతాయి. అంతే కాకుండా ఈ రోజు చాలా మంది వ్రతాలు చేసుకుంటారు. దీని వలన కూడా అద్భుతంగా కలిసి వస్తుంది. ఈరోజు విష్ణు మూర్తిని, చంద్రుడిని, శివుడిని పూజించడం వలన వారి నుంచి అనుగ్రహం కలుగుతుంది. వ్యాపార పరంగా ఆర్థకపరంగా కలిసి వస్తుంది.
మరీ ముఖ్యంగా పౌర్ణమి రోజు సత్యనారాయణ వ్రతం చేయడం చాలా శ్రేష్టమైనది. ఈరోజున వ్రతం ఆచరించడం వలన అద్భుతమైన ప్రయోజనాలు కలుగుతాయి. కేవలం వ్రతం ఆచరించడమే కాకుండా, కథ వినడం వలన కూడా విశేషమై ఫలితాలు కలుగుతాయంట. నోట్ : పై సమాచారం కేవలం ఇంటర్నెట్ ఆధారంగా ఇవ్వడం జరిగింది. టీవీ9 తెలుగు దీనిని ధృవీకరించలేదు.