గురు మంగళ యోగంతో వీరికి కనక వర్షం! ఆర్థిక సమస్యల నుంచి విముక్తి
Guru Mangal Yoga: అక్టోబర్ 31 వరకు గురు, కుజులు ఆశ్లేషా నక్షత్రంలో కలిసి సంచారం చేయడం జరుగుతోంది. దీన్ని జ్యోతిష పరిభాషలో గురు మంగళ యోగంగా వ్యవహరిస్తారు. బుధుడికి చెందిన ఆశ్లేషా నక్షత్రంలో ఈ మిత్ర గ్రహాలు సంచారం చేయడం వల్ల కొన్ని రాశులవారికి ఊహించని శుభ ఫలితాలు అనుభవానికి వస్తాయి. మేషం, కర్కాటకం, తుల, వృశ్చికం, మకరం, మీన రాశుల వారి జీవితాల్లో శుభ పరిణామాలు చోటు చేసుకుంటాయి. గురు మంగళ యోగం ధన సంబంధమైన యోగం అయినందువల్ల ఈ రాశులవారికి ఆదాయం వృద్ధి చెందడం, ఆర్థిక సమస్యలు, వివాదాలు పరిష్కారం కావడం వంటివి జరుగుతాయి.
Guru Mangal Yoga
- మేషం: ఈ రాశికి చతుర్థ స్థానంలో గురు మంగళ యోగం ఏర్పడడం వల్ల కుటుంబంలో ఊహించని శుభ పరిణామాలు చోటు చేసుకుంటాయి. శుభ కార్యాలకు మార్గం సుగమమవుతుంది. గృహ, వాహన యోగాలు కలిగే అవకాశం ఎక్కువగా ఉంది. ఆస్తి వివాదాలు, ఆర్థిక సమస్యలు పూర్తిగా, సంతృప్తి కరంగా పరిష్కారమవుతాయి. భూలాభం, ఆస్తి లాభం కలుగుతాయి. ఉద్యోగంలో స్థిరత్వానికి లేదా పదోన్నతికి బాగా అవకాశం ఉంది. వృత్తి, వ్యాపారాలు లాభాలపరంగా పురోగతి చెందుతాయి.
- కర్కాటకం: ఈ రాశిలో గురు మంగళ యోగం ఏర్పడుతున్నందువల్ల రాజయోగాలు, రాజపూజ్యాలు కలుగుతాయి. రాజకీయ ప్రాబల్యం పెరుగుతుంది. ఉద్యోగంలో ఉన్నత పదవులు లభిస్తాయి. ఆరో గ్యం బాగా మెరుగ్గా ఉంటుంది. ఒకటికి రెండుసార్లు ధన యోగాలు కలుగుతాయి. రావాల్సిన సొమ్ము చేతికి అందడంతో పాటు, షేర్లు, స్పెక్యులేషన్లు అపారంగా లాభిస్తాయి. ఆర్థిక, వ్యక్తిగత సమస్యల నుంచి పూర్తిగా బయటపడతారు. ఇతరులకు ఆర్థికంగా సహాయం చేయగల స్థితికి చేరుకుంటారు.
- తుల: ఈ రాశికి దశమ స్థానంలో అత్యంత శుభప్రదమైన గురు మంగళ యోగం ఏర్పడినందువల్ల ఉద్యోగ జీవితం వైభవంగా సాగిపోతుంది. ఉద్యోగులు, నిరుద్యోగులకు విదేశీ ఆఫర్లు అందుతాయి. ఉద్యోగులకు డిమాండ్ బాగా పెరుగుతుంది. వృత్తి, ఉద్యోగ, వ్యాపారాలరీత్యా విదేశాలకు తరచూ వెళ్లే అవకాశం కలుగుతుంది. పేరు ప్రఖ్యాతులు పెరుగుతాయి. ప్రముఖులతో మంచి పరిచ యాలు ఏర్పడతాయి. అనేక విధాలుగా ఆదాయం వృద్ధి చెందుతుంది. ఆర్థిక సమస్యలు తగ్గిపో తాయి.
- వృశ్చికం: ఈ రాశికి భాగ్య స్థానంలో రాశ్యధిపతి కుజుడు, ధనాధిపతి గురువు ఆశ్లేషా నక్షత్రంలో కలవడం వల్ల ఈ రాశివారికి అనేక మార్గాల్లో ఆదాయం వృద్ధి చెందుతుంది. ఆర్థిక పరిస్థితి గతం కంటే బాగా మెరుగ్గా ఉంటుంది. ఇతరులకు సహాయం చేసే స్థితిలో ఉంటారు. పిత్రార్జితం లభిస్తుంది. ఉద్యో గులు, నిరుద్యోగులకు విదేశీ సంపాదన యోగం కలుగుతుంది. ఆస్తి వివాదాలు, కోర్టు కేసులు అనుకూలంగా పరిష్కారమవుతాయి. సొంత ఇల్లు, వాహన ప్రయత్నాలు సక్సెస్ అవుతాయి.
- మకరం: ఈ రాశికి సప్తమ స్థానంలో గురు మంగళ యోగం ఏర్పడడం వల్ల సంపన్న కుటుంబానికి చెందిన వ్యక్తితో ప్రేమలో పడడం లేదా పెళ్లి నిశ్చయం కావడం జరుగుతుంది. వృత్తి, వ్యాపారాల్లో కార్యకలా పాలు బాగా విస్తరిస్తాయి. ఉద్యోగంలో పదోన్నతికి, జీతభత్యాల పెరుగుదలకు అవకాశం ఉంది. కొద్ది ప్రయత్నంతో విదేశీ ఉద్యోగాలు లభించే అవకాశం ఉంది. షేర్లు, స్పెక్యులేషన్లు, ఆర్థిక లావా దేవీలు అపారంగా లాభిస్తాయి. రావలసిన సొమ్ము, బాకీలు, బకాయిలు పూర్తిగా చేతికి అందుతాయి.
- మీనం: రాశ్యధిపతి గురువు పంచమ స్థానంలో ఉచ్ఛ స్థితిలో ఉండడంతో పాటు కుజుడితో కలవడం, ఆశ్లేషా నక్షత్రంలో సంచారం వల్ల ఈ రాశివారు పట్టిందల్లా బంగారమవుతుంది. ఒకటికి రెండుసార్లు ధన యోగాలు కలుగుతాయి. నైపుణ్యాలు వృద్ధి చెందుతాయి. ప్రతిభా పాటవాలకు గుర్తింపు లభి స్తుంది. షేర్లు, స్పెక్యులేషన్లు బాగా లాభిస్తాయి. సొంత ఇంటి కల నెరవేరుతుంది. ఉన్నత కుటుం బంతో పెళ్లి సంబంధం కుదురుతుంది. ఉద్యోగులు, నిరుద్యోగులకు విదేశీ అవకాశాలు లభిస్తాయి.
Loading...
Unable to load recommendations.
Follow Us