Budh Gochar 2023: వృషభ రాశిలోకి మారుతున్న బుధ గ్రహం.. వారికి కుటుంబ సమస్యల నుంచి పూర్తిగా విముక్తి..!
వృషభ రాశిలో బుధ రవి గ్రహాలు కలిసినప్పుడు వివిధ రాశుల వారి వ్యక్తిగత జీవితాలలో తప్పకుండా మార్పులు చోటు చేసుకుంటాయి. ముఖ్యంగా చాలా కాలం నుంచి ఇబ్బంది పెడుతున్న లేదా మనశ్శాంతి లేకుండా చేస్తున్న కొన్ని వ్యక్తిగత, కుటుంబ సమస్యల నుంచి తప్పకుండా విముక్తి లభిస్తుంది. ఈ గ్రహాలు ఏ ఏ రాశుల వారికి ఏ ఏ విధంగా మనశ్శాంతిని ఇచ్చేది ఇక్కడ పరిశీలిద్దాం.
రవి, బుధ గ్రహాలు ఏ రాశిలో అయినా కలుస్తున్నాయి అంటే అది వివిధ రాశుల వారికి ఏదో ఒక విధంగా మంచి ఉపశమనం కలిగిస్తుంది. వ్యక్తిగత, కుటుంబ సమస్యలకు ఏదో ఒక పరిష్కారం లభిస్తుంది. ఈ నెల 7వ తేదీన బుధ గ్రహం వృషభ రాశిలో ఉన్న రవితో కలవడం జరుగుతుంది. వృషభ రాశి బుధ గ్రహానికి మిత్ర స్థానం. ఇక్కడ బుధ గ్రహం ఎంతో బలంగా పనిచేస్తుంది. వృషభ రాశిలో బుధ రవి గ్రహాలు కలిసినప్పుడు వివిధ రాశుల వారి వ్యక్తిగత జీవితాలలో తప్పకుండా మార్పులు చోటు చేసుకుంటాయి. ముఖ్యంగా చాలా కాలం నుంచి ఇబ్బంది పెడుతున్న లేదా మనశ్శాంతి లేకుండా చేస్తున్న కొన్ని వ్యక్తిగత, కుటుంబ సమస్యల నుంచి తప్పకుండా విముక్తి లభిస్తుంది. ఈ గ్రహాలు ఏ ఏ రాశుల వారికి ఏ ఏ విధంగా మనశ్శాంతిని ఇచ్చేది ఇక్కడ పరిశీలిద్దాం.
మేష రాశి: ఈ రాశి వారికి కుటుంబ స్థానంలో ఈ రెండు గ్రహాలు కలుస్తున్నందువల్ల కుటుంబ సమస్య లకు, ఆర్థిక సమస్యలకు పరిష్కార మార్గం అందుబాటులోకి వస్తుంది. కొత్త ఆలోచనలు స్ఫురిస్తాయి. దాంతో కొత్త ప్రయత్నాలు ప్రారంభం అవుతాయి. కుటుంబంలో ఎటువంటి విభేదాలు ఉన్నప్పటికీ అవి పెద్దల జోక్యంతో కానీ మధ్యవర్తుల జోక్యంతో కానీ పరిష్కారం అయ్యే అవకాశం ఉంటుంది. మొత్తం మీద కుటుంబంలో సామరస్య వాతావరణం నెలకొంటుంది. ఆర్థిక సమస్యలు కూడా బాగా తగ్గుముఖం పట్టే సూచనలు కనిపిస్తున్నాయి.
వృషభ రాశి: ఈ రాశిలోనే రవి, బుధ గ్రహాల కలయిక జరుగుతున్నందువల్ల వ్యక్తిగత సమస్యల నుంచి అనివార్యంగా విముక్తి లభించడం జరుగుతుంది. సొంత తెలివితేటలతో సమస్యలను పరిష్క రించుకునేందుకు ప్రయత్నించవచ్చు. ఒకటి రెండు ముఖ్యమైన వ్యక్తిగత సమస్యలను పరిష్కరించుకోవడానికి మార్గం స్ఫురిస్తుంది. ఆలోచనలకు పదును పెట్టడం జరుగుతుంది. ముఖ్యంగా తోబుట్టువులతో వివాదాలు, ఆస్తి సంబంధమైన గొడవలు, హామీలు ఇచ్చి చిక్కులలో పడిన సమస్యలు ఈ నెల రోజుల కాలంలో తప్పకుండా పరిష్కారం కావచ్చు. చాలా కాలంగా ఇబ్బంది పెడుతున్న ఆరోగ్య సమస్య కూడా పరిష్కారం అయ్యే అవకాశం ఉంది.
మిథున రాశి: ఈ రాశి వారికి ఆర్థిక పరంగా ఉన్న సమస్యలు పరిష్కారం కావడానికి మార్గం దొరుకుతుంది. కొద్దిపాటి ప్రయత్నంతో ఈ రకమైన సమస్యలు తగ్గుముఖం పట్టే అవకాశం ఉంది. సాధారణంగా బంధువులు కానీ స్నేహితులు గాని సహాయ సహకారాలు అందించడం జరుగుతుంది. ఒక ముఖ్యమైన కుటుంబ సమస్య దానంతటదే అనుకోకుండా పరిష్కారం అవుతుంది. అనారోగ్యానికి సంబంధించిన సమస్య ఒకటి కొద్దిపాటి ఖర్చుతో వైద్యుల సహకారంతో అదృశ్యం అయ్యే అవకాశం ఉంది. అయితే, ప్రస్తుత పరిస్థితుల్లో వాగ్దానాలు చేయడం, హామీలు ఉండటం మంచిది కాదు.
కర్కాటక రాశి: ఈ రాశి వారికి రవి బుధుల కలయిక అన్ని విధాలుగాను అనుకూలంగా ఉంది. కొద్దిపాటి ప్రయత్నంతో వ్యక్తిగత, కుటుంబ సమస్యలతో పాటు వృత్తి ఉద్యోగ సమస్యలు కూడా చాలావరకు పరిష్కారం అయ్యే సూచనలు ఉన్నాయి. సమయస్ఫూర్తి, వివేకం, పాజిటివ్ ఆలోచనా ధోరణి వంటివి ఆదుకుంటాయి. ఉద్యోగంలో అధికారులతో ఉన్న ఒకటి రెండు అభిప్రాయ భేదాలు సమసి పోవటంతో పాటు అధికారాన్ని చేపట్టే అవకాశం కూడా ఉంది. ఆర్థిక సమస్యలు పరిష్కారమై ఆదాయం పెరిగే అవకాశం కూడా ఉంది.
సింహ రాశి: వ్యక్తిగతంగా, ఉద్యోగ పరంగా ఉన్న కొన్ని చిక్కుముడులు విడిపోయే అవకాశం ఉంది. సొంత తెలివితేటలతోనే ఈ సమస్యలను పరిష్కరించుకోవడం జరుగుతుంది. బంధువులు, స్నేహితులతో ఉన్న విభేదాలు, ఉద్యోగంలో సహచరులతో తలెత్తిన అపార్ధాలు చాలావరకు తగ్గుముఖం పట్టే సూచనలు కనిపిస్తున్నాయి. ఎంత పాజిటివ్ గా వ్యవహరిస్తే అంత ఉపశమనం లభిస్తుంది. తొందరపాటు నిర్ణయాలు తీసుకోవద్దు. కొద్దిగా సానుకూలంగా వ్యవహరిస్తే ఉద్యోగ సమస్య తప్పకుండా పరిష్కారం అవుతుంది.
కన్యా రాశి: వ్యక్తిగత, కుటుంబ సమస్యలను పరిష్కరించు కోవడానికి ఇది చాలావరకు అనుకూలమైన సమయం. సమస్యల పరిష్కారం మీద దృష్టి పెడితే అవి తప్పకుండా పరిష్కారం కావచ్చు. కాలయాపన చేయడం, వాయిదా వేయటం వంటివి మంచివి కావు. సమస్యల పరిష్కారం మీద శ్రద్ధ పెట్టడం, పరిష్కారం ఆలోచించడం చాలా మంచిది. మొత్తం మీద నెలరోజుల కాలంలో కొన్ని ప్రధాన సమస్యల నుంచి బయటపడే అవకాశం ఉంది. ఎంత ప్రయత్నిస్తే అంత మంచిది. ఒక ముఖ్యమైన కోర్టు కేసు సైతం సానుకూలంగా తేలిపోయే అవకాశం ఉంది.
తులా రాశి: రవి, బుధ గ్రహాలు కలవటం ఈ రాశి వారికి ఒక విధంగా శుభయోగం కలిగిస్తుంది. వ్యక్తిగత సమస్యలను తేలికగా పరిష్కరించుకోవడానికి మార్గం దొరుకుతుంది. సొంత ఆలోచనలు సొంత ప్రయత్నాలతో వ్యక్తిగత సమస్యలతో పాటు కుటుంబ సమస్యలను కూడా చక్కదిద్దుకోవటా నికి వీలుంది. కుటుంబ పెద్దల సహకారంతో ఆస్తి వివాదం ఒకటి సానుకూలంగా పరిష్కారం అవుతుంది. ఉద్యోగంలో చాలా కాలంగా ఇబ్బంది పెడుతున్న ఒక ముఖ్యమైన సమస్య కూడా దానంతటదే తొలగిపోయే అవకాశం ఉంది. నిరుద్యోగ సమస్య కూడా సంతృప్తికరంగా పరిష్కారం అవుతుంది.
వృశ్చిక రాశి: ఈ రాశి వారికి కుటుంబ సమస్యతో పాటు ఒక ముఖ్యమైన దాంపత్య సమస్య కూడా పరిష్కారం కావచ్చు. కొద్దిగా ప్రయత్నించడం శ్రద్ధ పెట్టడం వంటి వాటి వల్ల ఈ సమస్యలు తొలగిపోయే సూచనలు కనిపిస్తున్నాయి. సమస్యలను తలచుకొని దిగులు పడటం కంటే కొద్దిగా ప్రయత్నించడం చాలా మంచిదని గ్రహించండి. కుటుంబ, దాంపత్య సమస్యల పరిష్కారానికి జూన్ నెల పూర్తిగా అనుకూలంగా ఉంది. అనవసర పరిచయాల వల్ల తలెత్తిన సమస్యలు సైతం తొలగిపోయే సూచనలు కనిపిస్తున్నాయి. పాజిటివ్ గా వ్యవహరించి, కొద్దిగా ప్రయత్నిస్తే పూర్తిగా మనశ్శాంతి లభిస్తుంది.
ధను రాశి: వ్యక్తిగత సమస్యలు, బంధుమిత్రుల వల్ల తలెత్తిన సమస్యల నుంచి విముక్తి లభిస్తుంది. సమయస్ఫూర్తితో, సొంత తెలివితేటలతో శత్రు, రోగ, రుణ సమస్యల నుంచి చాలావరకు ఉపశమనం కలుగుతుంది. ఒక పథకం ప్రకారం లేదా ఒక వ్యూహం ప్రకారం కొన్ని ముఖ్యమైన ఇబ్బందులు, కష్టాలకు తెరదించడం జరుగు తుంది. చాలాకాలంగా పీడిస్తున్న ఈ సమస్య లను దూరం పెట్టడానికి ధృఢ సంకల్పంతో వ్యవహరించడం జరుగుతుంది. వృత్తి ఉద్యోగాల పరంగా అధికారులు లేదా యజమానుల నుంచి కొంతకాలంగా ఎదురవుతున్న వేధింపులు కూడా తొలగిపోవచ్చు.
మకర రాశి: సమస్యల పరిష్కారంలో.. అనుకున్నవి సాధించడంలో ఈ రాశి వారికి బుద్ధి చాలా చురుకుగా పనిచేయడం ప్రారంభిస్తుంది. పట్టుదలతో వ్యక్తిగత సమస్యల పరిష్కారానికి ప్రయత్నాలు సాగిస్తారు. కొందరు సన్నిహితులు, మిత్రుల సహాయం కూడా తీసుకోవడం జరుగుతుంది. ఉద్యోగపరంగా అప్పుడప్పుడు ఎదురయ్యే ఒత్తిడికి, మితిమీరిన శ్రమకు కూడా పరిష్కారాన్ని వెతుక్కోవడం జరుగుతుంది. కుటుంబంలో ప్రశాంత వాతావరణం ఏర్పడటానికి రాజీ మార్గాలు ప్రయత్నిస్తారు. ఆర్థిక సమస్యలు చేయిదాటి పోకుండా కొన్ని ప్రయత్నాలు మొదలు పెడతారు.
కుంభ రాశి: ఈ రాశి వారికి కొద్దిపాటి ప్రయత్నంతో కుటుంబ సమస్యలు చాలా వరకు పరిష్కారం అవుతాయి. వ్యక్తిగత సమస్యల పరిష్కారం విషయంలో కొందరు మిత్రుల సలహాలు, సూచనలు ఉపయో గపడతాయి. కుటుంబ సభ్యుల సహాయ సహ కారాలతో ఆర్థిక సమస్యలు, ఒకటి రెండు వ్యక్తి గత సమస్యలు కూడా వెనక పట్టు పడతాయి. సొంత ఇంటికి సంబంధించిన వివాదాలు సంబంధం అయిన కోర్టు కేసులను స్వప్రయ త్నంతో పరిష్కరించుకునే అవకాశం ఉంది. కుటుంబ వాతావరణం చాలావరకు ప్రశాంతంగా ఉంటుంది.
మీన రాశి: ప్రస్తుతానికి ఈ రాశి వారికి వ్యక్తిగత సమస్యలు బాగా డామినేట్ చేసే అవకాశం ఉంది. ఒక వ్యూహం ప్రకారం ఇందులో ముఖ్యమైన సమస్యలను తొలగించుకోవడానికి ప్రయత్నం జరుగుతుంది. ముఖ్యమైన ఆర్థిక సమస్య ఒకటి అనుకోకుండా దానంతట అదే పరిష్కారం కావచ్చు. అనారోగ్య సంబంధమైన ఇబ్బందుల నుంచి కూడా కొద్ది ప్రయత్నంతో బయటపడటం జరుగుతుంది. అయితే, కొందరు స్నేహితులు నమ్మించి మోసగించే అవకాశం ఉంది. ఉద్యోగపరంగా ప్రస్తుతానికి తీవ్రస్థాయి సమస్యలు తలెత్తే అవకాశం లేదు. కుటుంబపరంగా మనశ్శాంతి ఏర్పడుతుంది.