ప్రత్యేక అతిధులుగా రాష్ట్రపతి, ఉపరాష్ట్రపతి.. సమతామూర్తి విగ్రహ ప్రతిష్టాపనకు ముహూర్తం ఫిక్స్(ఫొటోస్)…
సమతామూర్తి విగ్రహ ప్రతిష్ఠాపనకు ముహూర్తం ఖరారైంది. వచ్చే ఏడాది జరగనున్న ఈ విగ్రహావిష్కరణకు రావాలంటూ రాష్ట్రపతి రామ్‌నాథ్‌ను ఆహ్వానించారు త్రిదండి చినజీయర్‌ స్వామి. ఢిల్లీలో రాష్ట్రపతికి స్వయంగా చినజీయర్‌ స్వామి ఆహ్వాన పత్రాన్ని అందజేశారు.
200 ఎకరాల్లో వెయ్యికోట్ల ఖర్చుతో 216 అడుగుల రామానుజ పంచలోహ విగ్రహాన్ని నెలకొల్పుతున్నారు. 2022 ఫిబ్రవరి 2 నుంచి 14 వరకు రామానుజ విగ్రహ ప్రతిష్ఠాపన కార్యక్రమాల్ని నిర్వహించనున్నారు.
'స్టాట్యూ ఆఫ్‌ ఈక్వాలిటీ'కి నిలువెత్తు నిదర్శనమైన సమతామూర్తి విగ్రహ ప్రతిష్టాపన ఉత్సవాలు 2022 ఫిబ్రవరి 2 నుంచి 14వరకు కార్యక్రమాలు జరుగుతాయి. 1 వెయ్యి 35 హోమ గుండాలతో ప్రత్యేక యాగం నిర్వహించనున్నారు. సమతా మూర్తి విగ్రహ ప్రతిష్టాపన కార్యక్రమానికి సంబంధించి మరిన్ని వివరాల కోసం మీరు సంప్రదించాల్సిన ఫోన్ నెం.+91 790 14 2 2022, వెబ్‌సైట్ Statueofequality.org, ఈ-మెయిల్ Srs.samaroham@statueofequality.org
దేవుడు ఒక్కడే. మనుషులంతా ఒక్కటే. భగవద్రామానుజుల ఆదేశమే శిరోధార్యంగా సమభావం, సౌభ్రాతృత్వమే నినాదంగా ఈ బృహత్కార్యం చేపట్టారు త్రిదండి చిన జీయర్‌ స్వామి. స్టాట్యూ ఆఫ్‌ ఈక్వాలిటీ అన్న ఈ నినాదం విశ్వమానవాళికి ఆధ్మాత్మిక సందేశం.
అటు ఉప రాష్ర్టపతి వెంకయ్యనాయుడు దంపతులను కలిసి చినజీయర్‌ స్వామి... విగ్రహ ఏర్పాటు కార్యక్రమానికి హాజరు కావాలని ఆహ్వానించారు.
రాష్ట్రపతి రామ్‌నాథ్‌కోవింద్‌కు ఆహ్వాన పత్రం..ఆయన వెంట శ్రీనివాస రామానుజం, మైహోం గ్రూపు ఛైర్మన్‌ డాక్టర్‌ జూపల్లి రామేశ్వర్‌రావు.
స్వయంగా ఆహ్వానించిన చినజీయర్‌ స్వామి..