Oil Massage: తలకు ఆయిల్‌తో మసాజ్ ఇలా చేశారంటే ఒత్తిడి మాయం..
ఈ మధ్య కాలంలో ఒత్తిడి, డిప్రెషన్, నిద్రలేమి సమస్యలు అనేవి సర్వ సాధారణంగా మారిపోయాయి. వీటిని తగ్గించుకోవడానికి ఎన్నో చిట్కాలు ఉన్నాయి. తలకు మర్దనా చేసుకోవడం వల్ల ఈ సమస్యలను తగ్గించుకోవచ్చు. తలకు మసాజ్ చేసుకోవడం వల్ల అనేక లాభాలు ఉన్నాయి..
ఆయిల్ మాసాజ్ అనేది ఎప్పటి నుంచో ప్రాచూర్యంలో ఉంది. పూర్వం పండుగలు వచ్చాయంటే.. ఆయిల్‌తో శరీరానికి మర్దనా చేసేవారు. ఈ మధ్య కాలంలో వీటిపై ఎవరూ పెద్దగా ఆసక్తి చూపించడం లేదు. కానీ ఇలా చేసుకోవడం వల్ల ఉండే లాభాలు అన్నీ ఇన్నీ కావు.
తలకు ఆయిల్‌తో మర్దనా చేయడం వల్ల ముఖ్యంగా ఒత్తిడి, ఆందోళన నుంచి మంచి ఉపశమనం లభిస్తుంది. తలకు కూడా మంచి రిలీఫ్ నెస్‌ దక్కుతుంది. మానసిక ఆరోగ్యం కూడా మెరుగు పడుతుంది. తలపై ఉండే భారం మొత్తం తగ్గుతుంది.
మీకు చికాకుగా ఉన్నప్పుడు, ఇబ్బందిగా ఉన్నప్పుడు కొద్దిగా ఆయిల్ వేడి చేసుకుని చేతి వేళ్లతో తలపై మర్దనా చేసుకుంటే.. మంచి రిలాక్సేషన్ దొరుకుతుంది. ఈ మధ్య కాలంలో అసలు తలకు నూనే రాయడం మానేశారు.
తలపై రక్త ప్రసరణ సరఫరా జరుగుతుంది. దీంతో జుట్టు రాలడం తగ్గుతుంది. జుట్టు పెరిగేందుకు సహాయ పడుతుంది. మెదడు కూడా యాక్టివ్ అవుతుంది. మెదడు పని తీరు కూడా మెరుగు పడుతుంది.
నిద్రలేమి సమస్యలు ఉన్నవారు తలకు నూనెతో మర్దనా చేసుకుంటే హాయిగా నిద్ర పడుతుంది. రాత్రి పూట ఆయిల్‌తో మర్దనా చేసుకుంటే చికాకు అంతా తగ్గుతుంది. టెన్సన్స్ లేకుండా నిద్ర పడుతుంది. పెద్దలు, పిల్లలకు కూడా ఇలా చేస్తే మంచిది.