Car Sales: కొత్త కారు కొనే ప్లాన్‌లో ఉన్నారా.? రూ. 2.5 లక్షల వరకు డిస్కౌంట్.. ఇది మీకోసమే!
ఫిబ్రవరి ఎండింగ్ వచ్చేసింది.. ఈ నెలాఖరును మీ ఇంటికి కొత్త కారు తెచ్చుకునే ప్లాన్‌లో ఉన్నట్లయితే.. ఏ వాహనాలపై బంపర్ డిస్కౌంట్లు ఉన్నాయో.. ముందుగా తెలుసుకోండి.
ఫిబ్రవరి ఎండింగ్ వచ్చేసింది.. ఈ నెలాఖరును మీ ఇంటికి కొత్త కారు తెచ్చుకునే ప్లాన్‌లో ఉన్నట్లయితే.. ఏ వాహనాలపై బంపర్ డిస్కౌంట్లు ఉన్నాయో.. ముందుగా తెలుసుకోండి. టాటా మోటార్స్ నుంచి మహీంద్రా థార్ వరకు పలు కార్లపై రూ. 2.50 లక్షల వరకు భారీ తగ్గింపు పొందొచ్చు. ఈ డిస్కౌంట్లలో ఆయా నగరాలు, డీలర్ల బట్టి మార్పులు ఉండొచ్చు.
స్కోడా కుషాక్ ధర, తగ్గింపు: ఈ కారు ధర రూ. 11 లక్షల 59 వేల నుంచి రూ. 17 లక్షల 79 వేల వరకు ఉంటుంది. ఇక సదరు కంపెనీ ఫిబ్రవరిలో ఈ కారుపై రూ. 1 లక్ష 25 వేలు డిస్కౌంట్ ఇస్తోంది.
టాటా సఫారీ ధర, తగ్గింపు: ఢిల్లీలో టాటా మోటార్స్‌కు చెందిన ఈ SUV కారుపై 1 లక్ష 25 వేలు తగ్గింపు లభిస్తోంది. ఈ కారు ధర రూ. 15 లక్షల 64 వేల 900 నుంచి రూ. 22 లక్షల 71 వేల 500 (ఎక్స్-షోరూమ్, ఢిల్లీ) వరకు ఉంది.
హ్యుందాయ్ అల్కాజార్ ధర, తగ్గింపు: హ్యుందాయ్ అధికారిక సైట్ ప్రకారం, ఈ కారు ధర 16 లక్షల 10 వేల(ఎక్స్-షోరూమ్, ఢిల్లీ) నుంచి 21 లక్షల 10 వేల వరకు ఉంటుంది. ఇక ఫిబ్రవరిలో ఈ కారుపై కంపెనీ 1 లక్ష 20 వేల రూపాయల వరకు తగ్గింపును అందిస్తోంది.
మహీంద్రా థార్ ధర, తగ్గింపు: మహీంద్రా అధికారిక సైట్‌లో, ఈ కారు ధర రూ. 9 లక్షల 99 వేల(ఎక్స్-షోరూమ్) నుంచి మొదలై రూ. 16 లక్షల 49 వేల 300 వరకు ఉంది. ఇక సదరు కంపెనీ ఫిబ్రవరిలో ఈ కారుపై రూ. 1 లక్ష వరకు డిస్కౌంట్ ఇస్తోంది.
జీప్ మెరిడియన్ ధర, తగ్గింపు: ఢిల్లీలోని చాలామంది డీలర్లు ఈ కారుపై రూ. 2.5 లక్షల వరకు తగ్గింపు అందిస్తున్నారు. ఫిబ్రవరి 28 వరకు, ఈ కారు రూ. 27.75 లక్షల(ఎక్స్-షోరూమ్) స్పెషల్ ప్రైస్‌కు అమ్మకానికి ఉంచామని కంపెనీ అధికారిక సైట్ పేర్కొంది. కాగా, ఈ వార్తలోని సమాచారం ఆయా వెబ్‌సైట్ల నుంచి తీసుకుని.. పాఠకుల ఆసక్తి బట్టి ప్రచురించబడింది మాత్రమే