Blood pressure: ఈ అలవాట్లే రక్తపోటుకు కారణమవుతాయి.. అలక్ష్యం చేస్తే అంతే..
Blood pressure: అనారోగ్యకరమైన జీవనశైలి కారణంగా చాలామందిలో రక్తపోటు సమస్యలు తలెత్తుతున్నాయి. అందుకే ఎప్పటికప్పుడు రక్తపోటు తీవ్రతను చెక్ చేసుకుంటూ ఉండాలి.
అధిక ఒత్తిడి రక్తపోటును పెంచుతుంది. కాబట్టి ఒత్తిడికి దూరంగా ఉండేందుకు ప్రయత్నించండి. వీలైనంత వరకు ప్రశాంతంగా ఆలోచించండి. తీవ్రమైన ఒత్తిడి వల్ల రక్తనాళాల పనితీరు దెబ్బతింటుంది.
మద్యం సేవించడం ఆరోగ్యానికి హానికరం. ఆల్కహాల్ ఎక్కువగా తీసుకోవడం వల్ల ఆరోగ్యంపై దుష్ప్రభావం చూపుతుంది. దీని వల్ల అధిక రక్తపోటు వస్తుంది.గుండెపోటుతో పాటు కార్డియాక్‌ అరెస్ట్‌ అయ్యే ప్రమాదం కూడా ఉంది.
శరీరంలో అధిక సోడియం స్థాయులు రక్తపోటు అవకాశాలను పెంచుతాయి. అందుకే భోజనంలో ఉప్పు మోతాదును తగ్గించుకోవాలని నిపుణులు సూచిస్తున్నారు. అదేవిధంగా ప్యాకేజ్ ఫుడ్స్‌కు దూరంగా ఉండాలంటున్నారు..
పొటాషియం శరీరంలో సోడియం పరిమాణాన్ని తగ్గించడంలో సహాయపడుతుంది. శరీరంలో పొటాషియం స్థాయులు ఎక్కువగా ఉండేలా చూసుకోవాలంటున్నారు నిపుణులు. ఇందుకోసం పోషకాలతో నిండి ఉండే ఆహారం తీసుకోవాలని సూచిస్తున్నారు.
వీటితో పాటు చిప్స్‌, ఇన్‌స్టంట్‌ ఫుడ్స్‌, ఆయిల్‌ ఫుడ్స్‌, మాంసాహార పదార్థాలను దూరంగా ఉంచాలి.
నిద్రలేమి కూడా అధిక రక్తపోటుకు దారితీస్తుంది. అందువల్ల, మంచి ఆరోగ్యానికి ప్రశాంత నిద్ర అవసరం.