Health Tips: ఈ సీజన్లో ఆరోగ్యంగా ఉండడానికి వీటిని తినే ఆహారంలో చేర్చుకోండి..
వాతావరణానికి అనుగుణంగా ఆహారాన్ని తీసుకోవాలి. లేదంటే అనారోగ్య బారిన పడాల్సి వస్తుంది. అప్పుడే ఎండలు మొదలయ్యాయి. ఈ సీజన్లో ఉప్పు, నూనె, మసాలాలతో కూడిన ఆహారం అస్సలు పని చేయదు. అందుకు బదులుగా శరీరాన్ని హైడ్రేట్ గా ఉంచే పండ్లు లేదా కూరగాయలను తినండి. నీటి శాతం ఎక్కువగా ఉండే పండ్లు, కూరగాయలను ఎక్కువగా తినండి. పుచ్చకాయ, దోసకాయ, జామకాయ, రొయ్యలు వంటి వాటిని ఈ సమయంలో ఎక్కువగా తినాలి.
ఈ వేడిలో చల్లగా ఉండాలంటే తరచూ స్నానం చేస్తే సరిపోదు. చల్లదనం కోసం కుండలోని నీటిని తాగాలి. దానికి ఐస్ క్యూబ్స్ జోడించండి. నీటిలో పాదాలను పెట్టుకోవాలి. అందులో ఈ నీటిలో కొన్ని చుక్కల పిప్పరమెంటు నూనెను జోడించవచ్చు. స్నానం చేసే సమయంలో మృదువైన సంగీతాన్ని వినండి
శరీరాన్ని చల్లగా, రీహైడ్రేట్ గా ఉంచుకోవడానికి ఎక్కువ నీటిని తాగాలి. కొబ్బరి నీటిని కూడా ఎక్కువగా తాగాలి. ఇందులో ఉండే విటమిన్లు, మినరల్స్, ఎలక్ట్రోలైట్స్ తగిన శక్తిని ఇస్తాయి. ఒత్తిడిని కూడా తగ్గిస్తుంది. శరీరం మళ్లీ తాజాగా అనిపిస్తుంది. అంతేకాదు ఎక్కువగా పుదీనాని క్రమం తప్పకుండా తీసుకోవాలి. పుదీనాలోని కూలింగ్ ఏజెంట్ శరీరాన్ని చల్లగా ఉంచడంలో గ్రేట్ గా సహాయపడుతుంది.
ఈ వేడిని ఎదుర్కోవడానికి విటమిన్ సి ని ఎక్కువగా తీసుకోండి. నిమ్మ రసం, నిమ్మకాయ ముక్కలు, మామిడి ముక్కలను తినే ఆహార జాబితాలో ఉంచండి
ఒక గ్లాసు చల్లటి పాలలో ఒక టేబుల్ స్పూన్ తేనె కలిపి తీసుకోవడం వలన శరీరం చల్లగా ఉంటుంది. అంతేకాదు ఎండుద్రాక్ష రసం కూడా శరీరానికి మేలు చేస్తుంది.
రోజూ పుల్లని పెరుగును తాగండి. ఈ పెరుగు చాలా ఆరోగ్యకరమైనది. శరీరాన్ని చల్లగా ఉంచుతుంది. పెరుగు తో షర్బత్ నుండి పెరుగు అన్నం, పెరుగు రైతా ఎలా తీసుకున్నా ఆరోగ్యానికి మేలు జరుగుతుంది. వేసవిలో చెరుకు రసం శరీరాన్ని చల్లగా ఉంచుతుంది. చెరకు రసం తీసుకుంటే రుచిగా ఉండడమే కాదు శరీరానికి మేలు చేస్తుంది
శరీరాన్ని కూడా చల్లగా ఉంచుకోవాలి. చర్మాన్ని చల్లగా ఉంచడానికి మీరు ఐస్ క్యూబ్లను ఆశ్రయించండి. ఇలా చేయడం వలన చర్మం సౌకర్యవంతంగా ఉంటుంది. అంతేకాదు చర్మం మీద ఉండే దద్దుర్లు, చికాకు, మొటిమల నుండి ఉపశమనం పొందుతారు. కనురెప్పల మీద దోసకాయ ముక్కలను అప్లై చేసి విశ్రాంతి తీసుకోవడం వలన కళ్లు హాయిగా ఉంటాయి