నెయ్యి జీర్ణం కావడం కష్టమని చాలా మంది చెబుతుంటారు. అందుకే చాలామంది నెయ్యితో చేసిన ఆహారాన్ని తినడానికి ఇష్టపడరు. రోజూ ఒక చెంచా నెయ్యి తీసుకుంటే జీర్ణవ్యవస్థకు మేలు చేస్తుంది. మలబద్ధకం సమస్య ఉన్నవారు రోజూ నెయ్యి తింటే, కడుపు ఉబ్బరం, గ్యాస్ సమస్యలను దూరం చేసుకోవచ్చు.
Ghee
రోజువారీ జీవితంలో మార్పులు చేసుకుంటే చాలా సమస్యలను దూరం చేసుకోవచ్చు. ప్రాచీన కాలం నుంచి ఆరోగ్యంగా ఉండేందుకు నెయ్యిని ఉపయోగిస్తున్నారు. ఆయుర్వేదంలో కూడా ఈ నెయ్యి వల్ల చాలా ఉపయోగాలున్నాయి. వేడి వేడి అన్నంలో నెయ్యితో వేసుకుని తింటే చాలా రుచిగా ఉంటుంది. నెయ్యి కూడా ఓ రకమైన సూపర్ ఫుడ్. ప్రతిరోజూ నెయ్యి తినడం వల్ల శరీరానికి మేలు జరుగుతుంది. చలికాలంలో కొద్దిగా తింటే జలుబు వస్తుందనే భయం ఉండదు. మార్కెట్లో దొరికే నెయ్యిలో కల్తీలు ఉంటాయి. కాబట్టి ఇంట్లోనే నెయ్యి తయారు చేసుకోవడం ఉత్తమం.
చలికాలంలో ఆస్తమా, శ్వాస తీసుకోవడంలో ఇబ్బంది, జలుబు, గ్యాస్, అజీర్ణం వంటి అనేక ఇతర సమస్యలు తలెత్తుతాయి. ఈ కాలంలో యాంటీబయాటిక్స్ అధికంగా తీసుకోవడం శరీరానికి అంత మంచిది కాదు. అయితే ఈ యాంటీబయాటిక్ తీసుకున్న తర్వాత మీరు ఎక్కువ నీరు త్రాగాలి. శీతాకాలంలో కూడా తక్కువ నీళ్లు తక్కువగా తాగుతాం. కాబట్టి మరింత జాగ్రత్తగా ఉండాలి.
చలికాలంలో చర్మాన్ని సంరక్షించుకోవాలంటే నెయ్యి తప్పనిసరిగా తీసుకోవాలి. జుట్టు సంరక్షణకు కూడా నెయ్యి దోహదపడుతుంది. ముఖ్యంగా పొడి వాతావరణంలో నెయ్యి జుట్టు సంరక్షణకు ఉపయోగపడుతుంది.