Back Pain: నడుము నొప్పి తీవ్రంగా వేధిస్తోందా.. ఈ సింపుల్ చిట్కాలతో వెళ్లగొట్టండి!
స్త్రీలు, పురుషులు ఎవరైనా చాలా మంది నడుము నొప్పితో బాధ పడుతూ ఉంటారు. ఈ నొప్పిని తగ్గించు కోవడం కోసం ఆస్పత్రుల చుట్టూ తిరుగుతూ ఉంటారు. సాధారణంగా ఈ నడుము నొప్పి 25 ఏళ్ల నుంచి 45 ఏళ్ల వారికి ఎక్కువగా వస్తుంది. దీనికి రక రకాల కారణాలు అయి ఉండొచ్చు. కొంత మందికి రిలాక్స్ కాగానే ఈ నొప్పి ఎగిరి పోతుంది. అలా అయితే పర్వా లేదు కానీ.. తరచూ ఈ నొప్పి వేధిస్తూ ఉంటే మాత్రం ఏవో సమస్యలు ఉన్నాయని అర్థం చేసుకోండి. అంతే కాదు డెస్క్ జాబ్ చేస్తున్న వారికి ఇది మరింత ఎక్కువగా ఉంటుంది. ఒక్కోసారి కాల్షియం లోపం వల్ల కూడా నడుము..
స్త్రీలు, పురుషులు ఎవరైనా చాలా మంది నడుము నొప్పితో బాధ పడుతూ ఉంటారు. ఈ నొప్పిని తగ్గించు కోవడం కోసం ఆస్పత్రుల చుట్టూ తిరుగుతూ ఉంటారు. సాధారణంగా ఈ నడుము నొప్పి 25 ఏళ్ల నుంచి 45 ఏళ్ల వారికి ఎక్కువగా వస్తుంది. దీనికి రక రకాల కారణాలు అయి ఉండొచ్చు. కొంత మందికి రిలాక్స్ కాగానే ఈ నొప్పి ఎగిరి పోతుంది. అలా అయితే పర్వా లేదు కానీ.. తరచూ ఈ నొప్పి వేధిస్తూ ఉంటే మాత్రం ఏవో సమస్యలు ఉన్నాయని అర్థం చేసుకోండి.
అంతే కాదు డెస్క్ జాబ్ చేస్తున్న వారికి ఇది మరింత ఎక్కువగా ఉంటుంది. ఒక్కోసారి కాల్షియం లోపం వల్ల కూడా నడుము నొప్పి వస్తుంది. అయితే మన లైఫ్ స్టైల్ లో కొన్ని మార్పులు, వ్యాయామం చేయడం వల్ల ఈ నడుము నొప్పి నుంచి కాస్త ఉపశమనం పొందవచ్చు. దానితో పాటు ఈ టిప్స్ కూడా ఫాలో అయితే దానిని శాశ్వతంగా దూరం చేయవచ్చు. మరి అవేంటో ఇప్పుడు తెలుసుకుందాం.
నడుము నొప్పి వస్తున్న వాళ్లు ఆవనూనెలో మూడు వెల్లుల్లి రెబ్బలు వేసి వేడి చేసు కోవాలి. ఆ నూనె చల్లారాక.. నడుము, వీపు, మెడ వెనుక భాగాల్లో నూనెతో మసాజ్ చేసుకుంటూ ఉండాలి. ఇలా చేస్తే కొద్ది రోజుల్లో ఫలితం కనిపిస్తుంది. మరో చిట్కా ఏంటంటే.. వేడిగా ఉన్న నీటిలో కొద్దిగా ఉప్పు వేయాలి. ఉప్పు బాగా కరిగాక.. ఓ టవల్ లేదా కర్చీఫ్ ని ముంచి.. వెన్నుపై అదుము కోవాలి. ఇలా చేస్తూ ఉంటే నొప్పి తగ్గుతుంది.
కూర్చునేటప్పుడు నిటారుగా కూర్చోండి. వంగి కూర్చోవడం వల్ల భారమంతా వెన్నుపూసపై పడి నొప్పి వస్తూ ఉంటుంది. అలాగే ఒత్తిడిని దూరం చేసుకోవాలి. మీరు ఎక్కువ సేపు కూర్చునే పని చేస్తూ ఉంటే మాత్రం.. మధ్య మధ్యలో తప్పనిసరిగా బ్రేక్ తీసుకోవాలి.
క్రమం తప్పకుండా ప్రతి రోజూ వ్యాయామం చేయడాలి. బ్యాక్ పెయిన్ ఉన్నవారికి సపరేటుగా ఎక్సర్ సైజులు కూడా ఉంటాయి. ఇలాంటి వారు వాటిని ట్రై చేస్తే మంచి ఫలితాలు కనిపిస్తాయి. ఇంకా నడుము నొప్పి తగ్గక పోతే మాత్రం వైద్యుల్ని సంప్రదించాలి.