Directors: ఓ పెద్ద సినిమా చేస్తూనే సెట్స్ పైకి మరో చిన్న సినిమా.. ట్రెండ్ సెట్ చేస్తున్న దర్శకులు..
ఓ భారీ సినిమా చేస్తున్నపుడు దర్శకుల ఫోకస్ అంతా దానిమీదే ఉంటుంది.. మరో సినిమా గురించి ఆలోచించే టైమ్ వాళ్లకుండదు. కానీ ఇక్కడ కొందరు దర్శకులు మాత్రం.. ఓ పెద్ద సినిమా చేస్తూనే మధ్యలో మరో చిన్న సినిమా తెరకెక్కిస్తున్నారు. ఒక్కరో ఇద్దరో కాదు.. ఇప్పుడందరూ అదే దారిలో వెళ్తున్నారు. టాలీవుడ్‌లో ఇదే ట్రెండ్ అయిపోయిందిప్పుడు.
ఓ భారీ సినిమా చేస్తున్నపుడు దర్శకుల ఫోకస్ అంతా దానిమీదే ఉంటుంది.. మరో సినిమా గురించి ఆలోచించే టైమ్ వాళ్లకుండదు. కానీ ఇక్కడ కొందరు దర్శకులు మాత్రం.. ఓ పెద్ద సినిమా చేస్తూనే మధ్యలో మరో చిన్న సినిమా తెరకెక్కిస్తున్నారు. ఒక్కరో ఇద్దరో కాదు.. ఇప్పుడందరూ అదే దారిలో వెళ్తున్నారు. టాలీవుడ్‌లో ఇదే ట్రెండ్ అయిపోయిందిప్పుడు.
ఈ రోజుల్లో పెద్ద సినిమా అంటే మినిమమ్ 100 కోట్లు ఖర్చు పెట్టాల్సిందే. అంత బడ్జెట్ పెడుతున్నపుడు ఫోకస్ కూడా దానిపైనే పెడతారు. కానీ ఆ ప్రాజెక్ట్ ఆలస్యమైతే మరో ఆప్షన్ చూసుకోక తప్పదు. కొందరు దర్శకులు ఇదే చేస్తున్నారిప్పుడు. ఈ క్రమంలోనే ఓ సినిమా సెట్స్‌పై ఉండగానే మరో సినిమా చేస్తున్నారు. తాజాగా గౌతమ్ తిన్ననూరితో పాటు క్రిష్ లాంటి దర్శకులు ఇదే చేస్తున్నారు.
పొన్నియన్ సెల్వన్‌లో చిన్నప్పటి ఐశ్వర్యా రాయ్ పాత్రలో నటించిన సారా అర్జున్ కీలక పాత్రలో ఓటిటి కోసం ఓ హై స్కూల్ రొమాన్స్ డ్రామా తెరకెక్కిస్తున్నారు గౌతమ్. ఫ్యామిలీ స్టార్‌కి బల్క్ డేట్స్ ఇవ్వడంతో.. ఈ గ్యాప్‌లో గౌతమ్ మరో సినిమాకే షిఫ్ట్ అయిపోయారు. ప్రశాంత్ వర్మ సైతం హనుమాన్‌తో పాటు ఈ మధ్యే మరో చిన్న సినిమాను సైలెంట్‌గా పూర్తి చేసినట్లు తెలుస్తుంది.
క్రిష్ కూడా ఇదే ఫార్ములా అప్లై చేసారు. హరిహర వీరమల్లుకు పవన్ డేట్స్ ఇవ్వనపుడు.. కేవలం 40 రోజుల్లోనే వైష్ణవ్ తేజ్ హీరోగా కొండపొలం తెరకెక్కించారు. ఇప్పుడు కూడా మరో సినిమా చేయాలనుకుంటున్నారు.
ఇక పవన్ ఉస్తాద్ భగత్ సింగ్ ఆలస్యం కారణంగా.. రవితేజతో మాస్ ఎంటర్‌టైనర్ ప్లాన్ చేస్తున్నారు హరీష్ శంకర్. ఇలా పెద్ద సినిమా చేస్తూనే.. మధ్యలో గ్యాప్ దొరికినపుడు మరో సినిమా చేస్తున్నారు మన దర్శకులు.