డెడ్లైన్ దగ్గరపడుతున్న కొద్దీ అదో రకమైన టెన్షన్ రన్ అవుతూ ఉంటుంది. దాన్ని దాటి టార్గెట్లు రీచ్ అయినప్పుడే మజా. రష్మిక, మృణాల్, శ్రుతి హాసన్ ముందు ఉన్నది ఒక్కో టార్గెట్టే. కానీ నాది డబుల్ ధమాకా అంటున్నారు శ్రీలీల. ఇంతమంది అందగత్తెలు ఏ విషయంలో పోటీ పడుతున్నారు?
వరుసగా సినిమాలు చేస్తున్నా, స్టార్ లీగ్లో ముందున్నా ఏమాత్రం సక్సెస్ని నెత్తికెక్కించుకోలేదు శ్రీలీల. స్టార్లతో జోడీ కడుతున్నా, ఇంకా న్యూ కమర్లాగా, అప్కమింగ్ హీరోయిన్లాగానే ప్రవర్తిస్తున్నారు. గోల్డెన్ లెగ్ అని పేరు తెచ్చుకున్న ఈ బ్యూటీకి ఈ ఏడాది ఆదికేశవ, ఎక్స్ ట్రా ఆర్డినరీ మేన్ రిలీజులకు రెడీ అవుతున్నాయి. ఆ సినిమాల ఫలితం ఎలా ఉన్నా శ్రీలీల కెరీర్ మాత్రం బేఫికర్. ఎందుకంటే మోస్ట్ వాంటెడ్ హీరోయిన్ల లిస్టులో ఫస్ట్ పేరు ఈమెదే కాబట్టి.
నార్త్ లో తన లక్ని ఎన్నాళ్లుగానో టెస్ట్ చేసుకుంటున్న రష్మికకు ఈ డిసెంబర్ ఒకటో తేదీ చాలా కీలకం. యానిమల్ సినిమా రిలీజ్ అయ్యేది అప్పుడే మరి. ఆల్రెడీ రిలీజ్ అయిన ప్రమోషనల్ కంటెంట్ ప్రామిసింగ్గా ఉన్నప్పటికీ, సినిమా సక్సెస్ ఇంపాక్ట్ మాత్రం రష్మిక కెరీర్ మీద బాగానే ఉంటుందన్నది క్రిటిక్స్ మాట.
సీతారామమ్తో సౌత్ జనాల గుండె చప్పుడుగా మారిపోయిన మృణాల్ ఇప్పుడు హాయ్ నాన్న అంటున్నారు. డిసెంబర్లో తన లక్ని టెస్ట్ చేసుకోవడానికి రెడీ అయ్యారు. నార్త్, సౌత్ అనే తేడా లేకుండా చేతినిండా ప్రాజెక్టులతో బిజీగా ఉన్న ఈ భామకు హాయ్ నాన్న సక్సెస్ ఇంపార్టెంటే.
ఈ ఏడాది ఆల్రెడీ సక్సెస్ మీదున్నారు శ్రుతిహాసన్. త్వరలోనే డార్లింగ్ ప్రభాస్ సలార్తో జనాలను పలకరించడానికి రెడీ అవుతున్నారు. సలార్2లోనూ శ్రుతి ఉంటారా? అనేది జనాలను ఊరిస్తున్న మరో ప్రశ్న. హాయ్ నాన్నలోనూ కీ రోల్ చేస్తున్న శ్రుతికి, సలార్ సక్సెస్ చాలా ఇంపార్టెంట్.