Vijay Devarakonda: వరస మార్చిన రౌడీ బాయ్.. వరుస సినిమాలతో ఫుల్ జోష్
ఫటాఫట్ ధనాధన్ అంటున్నారు విజయ్ దేవరకొండ. ఒప్పుకున్న సినిమాలను అలా దడదడలాడించేస్తున్నారు రౌడీ బాయ్. ఒకేసారి మూడు నాలుగు సినిమాలకు సైన్ చేసినా కూడా పక్కా ప్లానింగ్‌తో ముందుకు వెళ్తున్నారు విజయ్. అందుకే ఏ కంగారు లేకుండా అందరికీ సామాజిక న్యాయం చేస్తున్నారు. మరి విజయ్ ఫాలో అవుతున్న ఆ రూట్ ఏంటి..? హిట్స్‌తోనే క్రేజ్ వస్తుందనుకుంటే పొరపాటే.. అసలు సినిమాలు చేసినా చేయకపోయినా.. హిట్స్ వచ్చినా రాకపోయినా ఎప్పుడూ ట్రెండింగ్‌లో ఉండే హీరోలు అరుదుగా ఉంటారు.
ఫటాఫట్ ధనాధన్ అంటున్నారు విజయ్ దేవరకొండ. ఒప్పుకున్న సినిమాలను అలా దడదడలాడించేస్తున్నారు రౌడీ బాయ్. ఒకేసారి మూడు నాలుగు సినిమాలకు సైన్ చేసినా కూడా పక్కా ప్లానింగ్‌తో ముందుకు వెళ్తున్నారు విజయ్. అందుకే ఏ కంగారు లేకుండా అందరికీ సామాజిక న్యాయం చేస్తున్నారు. మరి విజయ్ ఫాలో అవుతున్న ఆ రూట్ ఏంటి..?
హిట్స్‌తోనే క్రేజ్ వస్తుందనుకుంటే పొరపాటే.. అసలు సినిమాలు చేసినా చేయకపోయినా.. హిట్స్ వచ్చినా రాకపోయినా ఎప్పుడూ ట్రెండింగ్‌లో ఉండే హీరోలు అరుదుగా ఉంటారు. అందులో పవన్ కళ్యాణ్ గురించి ముందు చెప్పుకోవాలి. ఈ మధ్య అలాంటి క్రేజ్ విజయ్ దేవరకొండకే సాధ్యమైంది. మూడు డిజాస్టర్స్ తర్వాత కూడా రౌడీ బాయ్ రేంజ్ ఏ మాత్రం తగ్గలేదు.. ఖుషీ కూడా రౌడీ కోరుకున్న హిట్టేం కాదు.
డియర్ కామ్రేడ్, వరల్డ్ ఫేమస్ లవర్ అంత ఎఫెక్ట్ ఇవ్వలేదు కానీ లైగర్ ఫ్లాప్ కచ్చితంగా విజయ్ కెరీర్‌పై దారుణంగా పడుతుందనుకున్నారంతా. అయితే ఆ ఫలితం రౌడీ కెరీర్‌పై ఏమాత్రం ప్రభావం చూపించినట్లు లేదు. ఎందుకంటే లైగర్ తర్వాతే మూన్నాలుగు పెద్ద యాడ్స్ సైన్ చేసారు విజయ్. మరోవైపు సినిమాల పరంగానూ దూసుకుపోతున్నారు. ప్రస్తుతం ఫ్యామిలీ స్టార్‌తో బిజీగా ఉన్నారీయన.
ఓ వైపు సినిమాలు.. మరోవైపు యాడ్స్.. ఇంకోవైపు బిజినెస్‌తో రప్ఫాడిస్తున్నారు రౌడీ బాయ్. ఆ మధ్య వాలీబాల్ టీం కూడా కొన్నారు విజయ్. అలాగే నాలుగైదు కార్పోరేట్ సంస్థలకు ఎండోర్స్ చేస్తున్నారు. ఇక సినిమాల విషయానికి వస్తే ఫ్యామిలీ స్టార్‌తో పాటు గౌతమ్ తిన్ననూరి సినిమాలతో బిజీగా ఉన్నారు. వీటిలో ఫ్యామిలీ స్టార్ షూటింగ్ ప్రస్తుతం అమెరికాలో జరుగుతుంది.
అమెరికా షెడ్యూల్ పూర్తైన తర్వాత.. జనవరిలో హైదరాబాద్‌లోనే మరో భారీ షెడ్యూల్ ప్లాన్ చేస్తున్నారు మేకర్స్. దీని తర్వాత ఫిబ్రవరి నుంచి గౌతమ్ సినిమాకు షిఫ్ట్ కానున్నారు విజయ్ దేవరకొండ. అది పూర్తైన తర్వాతే కొత్త ప్రాజెక్ట్స్ ఒప్పుకోవాలని చూస్తున్నారు. సితార ఎంటర్‌టైన్మెంట్స్‌లో 100 కోట్ల బడ్జెట్‌తో గౌతమ్ తిన్ననూరి సినిమా రెడీ అవుతుంది.