Entertainment: సలార్ నో ట్రైలర్ ఈవెంట్..!| సూపర్ రెస్పాన్స్.. లియో హాలీవుడ్ వర్షన్.
యానిమల్ గ్రాండ్ రిలీజ్: రణబీర్ కపూర్, సందీప్ రెడ్డి వంగా కాంబినేషన్‌లో వస్తున్న సినిమా యానిమల్. రష్మిక మందన్న ఇందులో హీరోయిన్. డిసెంబర్ 1న ఈ సినిమా ప్రపంచ వ్యాప్తంగా విడుదలైంది. దీనికి అన్నిచోట్లా అదిరిపోయే రెస్పాన్స్ వస్తుంది. తెలుగులోనూ డబ్బింగ్ సినిమాలా కాకుండా.. స్ట్రెయిట్ మూవీలాగే భారీగా విడుదలైంది యానిమల్. ఇక్కడ కూడా ఈ సినిమాకు ఓపెనింగ్స్ అదిరిపోతున్నాయి.
యానిమల్ గ్రాండ్ రిలీజ్: రణబీర్ కపూర్, సందీప్ రెడ్డి వంగా కాంబినేషన్‌లో వస్తున్న సినిమా యానిమల్. రష్మిక మందన్న ఇందులో హీరోయిన్. డిసెంబర్ 1న ఈ సినిమా ప్రపంచ వ్యాప్తంగా విడుదలైంది. దీనికి అన్నిచోట్లా అదిరిపోయే రెస్పాన్స్ వస్తుంది. తెలుగులోనూ డబ్బింగ్ సినిమాలా కాకుండా.. స్ట్రెయిట్ మూవీలాగే భారీగా విడుదలైంది యానిమల్. ఇక్కడ కూడా ఈ సినిమాకు ఓపెనింగ్స్ అదిరిపోతున్నాయి.
రజినీ హుకుం..: రజినీకాంత్ హీరోగా నెల్సన్ దిలీప్ కుమార్ తెరకెక్కించిన బ్లాక్‌బస్టర్ జైలర్. ఈ చిత్రం తమిళనాట రికార్డులు తిరగరాసింది. కేవలం సినిమా మాత్రమే కాదు.. ఆడియోకు కూడా అదిరిపోయే రెస్పాన్స్ వచ్చింది. ముఖ్యంగా హుకుం పాట అయితే దుమ్ము దులిపేస్తుంది. ఈ పాటకు 100 మిలియన్ల వ్యూస్ వచ్చాయి. ఇదే విషయాన్ని అధికారికంగా కన్ఫర్మ్ చేసారు దర్శక నిర్మాతలు.
లియో హాలీవుడ్ వర్షన్.: విజయ్ హీరోగా లోకేష్ కనకరాజ్ తెరకెక్కించిన కమర్షియల్ బ్లాక్‌బస్టర్ లియో. ఈ సినిమా దాదాపు 550 కోట్లకు పైగా వసూలు చేసింది. ఈ చిత్ర ఓటిటి వర్షన్ ఇప్పటికే విడుదలైంది. అయితే దీనికి ఇంగ్లీష్ వర్షన్ కూడా సిద్ధం చేస్తున్నారు దర్శక నిర్మాతలు. ప్రముఖ ఓటిటిలో డిసెంబర్ 26 నుంచి ఈ ఇంగ్లీష్ వర్షన్ అందుబాటులోకి రానుంది.
నో ట్రైలర్ ఈవెంట్..: ప్రభాస్ హీరోగా ప్రశాంత్ నీల్ తెరకెక్కిస్తున్న మాస్ ఎంటర్‌టైనర్ సలార్. ఈ చిత్రం ట్రైలర్ డిసెంబర్ 1 సాయంత్రం 7.19 గంటలకు విడుదల చేయబోతున్నారు మేకర్స్. అయితే దీనికి ఎలాంటి ట్రైలర్ లాంఛ్ ఈవెంట్ లేదు. చిన్న సినిమాలకు కూడా ట్రైలర్ లాంఛ్ వేడుకలు చేస్తుంటే.. సలార్ ట్రైలర్ మాత్రం నేరుగా యూ ట్యూబ్‌లో విడుదల చేయబోతున్నారు దర్శక నిర్మాతలు.
నా సామిరంగా..!: నాగార్జున హీరోగా కొరియోగ్రఫర్ విజయ్ బిన్ని దర్శకుడిగా పరిచయం అవుతున్న సినిమా నా సామిరంగా. ఈ చిత్ర షూటింగ్ ఊహించిన దానికంటే వేగంగా జరుగుతుంది. ఎట్టి పరిస్థితుల్లోనూ సినిమాను సంక్రాంతికి విడుదల చేయాల్సిందే అని ఫిక్స్ అయిపోయారు నాగార్జున. డిసెంబర్ 7 నాటికి టాకీ పార్ట్ పూర్తి కానుందని తెలుస్తుంది.