ఆ జానర్ పై టాలీవుడ్ హీరోల ఫోకస్.. సినిమా చేస్తే హిట్ పక్కా
ఎన్ని జోనర్స్ ఉన్నా.. ఎవర్ గ్రీన్ జోనర్ మాత్రం ఫ్యామిలీ బ్యాక్డ్రాపే. కథ రొటీన్గానే ఉంటుంది కానీ కుటుంబ నేపథ్యంలో వచ్చిన సినిమాలు క్లిక్ అయితే రికార్డులు సాలిడ్గా ఉంటాయి.. కలెక్షన్లు నెక్ట్స్ లెవల్లో ఉంటాయి. అందుకే మరోసారి కుటుంబ కథలపై కాన్సట్రేట్ చేస్తున్నారు మన హీరోలు. రాబోయే పెద్ద సినిమాల్లో చాలా వరకు ఉన్నది ఈ జోనరే..!
ఐదేళ్ళ కింద వచ్చిన అల వైకుంఠపురములో.. ఆర్నెల్ల కింద వచ్చిన సంక్రాంతికి వస్తున్నాం సినిమాలతో ఫ్యామిలీ సినిమాల పవర్ ఏంటి అనేది మరోసారి రుజువైంది. కథ తెలిసిందే అయినా కూడా.. ఎమోషన్స్ వర్కవుట్ అయితే రెగ్యులర్ ఫ్యామిలీ సినిమాలతో రికార్డులు తిరగరాయొచ్చనేది ఇవి నిరూపించాయి.
అప్పట్లో అత్తారింటికి దారేది చేసింది కూడా ఇదే. కాస్త కాన్సట్రేట్ చేస్తే ఫ్యామిలీ జోనర్ను మించిన కాసులు కురిపించే సినిమా మరోటి లేదు. అందుకే స్టార్ హీరోల చూపు దీనిపైనే ఉందిప్పుడు. సంక్రాంతికి వస్తున్నాం తర్వాత అనిల్ రావిపూడి మరోసారి అదే చేస్తున్నారు.
చిరుతో కుటుంబం అంతా కూర్చుని చూసే ఫ్యామిలీ ఎంటర్టైనర్ తెరకెక్కిస్తున్నారు. సంక్రాంతి 2026కి విడుదల కానుంది.వెంకటేష్ సైతం పూర్తిగా ఫ్యామిలీస్పైనే ఫోకస్ చేస్తున్నారు. త్రివిక్రమ్తో త్వరలోనే అదిరిపోయే ఫ్యామిలీ ఎంటర్టైనర్ చేయబోతున్నారు వెంకీ.
దీని తర్వాత కూడా దృశ్యం 3, అనిల్ రావిపూడి సినిమాలు చేయబోతున్నారు వెంకటేష్. మరో మూడేళ్ల వరకు వెంకటేష్ నుంచి కేవలం కుటుంబ కథా చిత్రాలే రానున్నాయని అర్థమవుతుంది. మాస్కు కేరాఫ్ అడ్రస్గా ఉండే రవితేజ సైతం కిషోర్ తిరుమల సినిమాతో చాలా కాలం తర్వాత ఫ్యామిలీ జోనర్లోకి వస్తున్నారు.
సూర్య, వెంకీ అట్లూరి సినిమా సైతం ప్యూర్ ఫ్యామిలీ సినిమానే.. దీనికి విశ్వనాథన్ అండ్ సన్స్ అనే టైటిల్ పరిశీలిస్తున్నారు. మొత్తానికి కుటుంబం అంతా కూర్చుని చూసే సినిమాలనే ప్లాన్ చేస్తున్నారు మన హీరోలు.