ఎంతైనా కుర్రాళ్లు కుర్రాళ్లే.. వాళ్ల ఆలోచనలు కొత్తగా ఉంటాయి.. అందుకే ఈ జనరేషన్ మేకర్స్తో పని చేయడానికి సీనియర్ హీరోలు ఆసక్తి చూపిస్తున్నారు. దాని వల్ల మార్కెట్ కూడా మూడింతలు పెరుగుతుంది. 30, 40 ఏళ్ళ నుంచి ఉన్న సీనియర్ హీరోల మార్కెట్ను సింగిల్ సినిమాతో మార్చేస్తున్నారు నేటి తరం దర్శకులు. ఏంటి నమ్మరా.. ఓ సారి ఈ స్టోరీ చూసేయండి మీరే నమ్మేస్తారు.
ఈ జనరేషన్ దర్శకులంతా ఇన్నోవేటివ్ ఐడియాస్తో వస్తున్నారు. మేకింగ్ నెక్ట్స్ లెవల్లో ఉంటుంది... ప్రజెంటేషన్ అదిరిపోతుంది. ఆ మేకింగ్కు ఫిదా అయిపోతున్నారు సీనియర్స్ హీరోలు. సైంధవ్ దీనికి బెస్ట్ ఎగ్జాంపుల్. మామూలుగా వెంకటేష్ సినిమాపై ఉండే అంచనాల కంటే సైంధవ్పై డబుల్ ఎక్స్పెక్టేషన్స్ ఉన్నాయి.. దీనికి కారణం డైరెక్టర్ శైలేష్ కొలను.
ఇప్పటి వరకు వెంకటేష్ను ఏ దర్శకుడు చూపించని విధంగా ప్రజెంట్ చేసారు శైలేష్ కొలను. అందుకే అంచనాలు అలా ఉన్నాయి. బాలయ్య మార్కెట్ పెరగడానికి కారణం అదే.
అనిల్ రావిపూడి కారణంగా భగవంత్ కేసరి రేంజ్ పెరిగింది. దానికి ముందు వీరసింహారెడ్డిలో బాలయ్యను పవర్ ఫుల్గా చూపించారు గోపీచంద్ మలినేని. ఈ జనరేషన్ దర్శకులతో పని చేసి హ్యాట్రిక్ 100 కోట్లు కొట్టారు బాలయ్య.
చిరంజీవి సైతం ఒక్క సినిమా అనుభవం ఉన్న వశిష్టతో సోషియో ఫాంటసీ చేస్తున్నారు. దీని బడ్జెట్ 200 కోట్లు. తమిళంలోనూ లోకేష్ కనరాజ్, నెల్సన్, అట్లీ లాంటి కుర్ర దర్శకుల హవా ఎక్కువగా కనిపిస్తుంది. వాళ్ల మేకింగ్తోనే విక్రమ్, జైలర్ అన్ని వందల కోట్లు వసూలు చేసాయి. మొత్తానికి నాటి హీరోలతో.. నేటి దర్శకుల మాయ కొనసాగుతుంది.