Tiger 3: చాలా కాలంగా హిట్ లేని సల్మాన్.. టైగర్ 3 తో హిట్ కొట్టేనా ??
షారుక్ ఒకే ఏడాది రెండుసార్లు 1000 కోట్లు కొట్టారు.. అలాగే ఆడియన్స్ మరిచిపోయిన సన్నీ డియోల్ వచ్చి సంచలనాలు సృష్టించారు.. మరి సల్మాన్ వంతు ఎప్పుడు..? ఒకప్పుడు వరస 100 కోట్లతో బాక్సాఫీస్కు చెమటలు పట్టించిన భాయ్ కమ్ బ్యాక్ ఎప్పుడు.. టైగర్ 3 అయినా ఆయన అంచనాలు నిలబెడుతుందా..? తాజాగా ట్రైలర్ విడుదలైంది.. మరి దాని రివ్యూ చూసేద్దామా..? బాలీవుడ్ సినిమాలకు హిందీలోనే కాదు తెలుగులోనూ టైమ్ నడుస్తుందిప్పుడు. షారుక్ పుణ్యమా అని పఠాన్, జవాన్ కుమ్మేసాయి.. ఈ రెండు సినిమాలు తెలుగులోనూ 50 కోట్ల గ్రాస్ అందుకున్నాయి.
షారుక్ ఒకే ఏడాది రెండుసార్లు 1000 కోట్లు కొట్టారు.. అలాగే ఆడియన్స్ మరిచిపోయిన సన్నీ డియోల్ వచ్చి సంచలనాలు సృష్టించారు.. మరి సల్మాన్ వంతు ఎప్పుడు..? ఒకప్పుడు వరస 100 కోట్లతో బాక్సాఫీస్కు చెమటలు పట్టించిన భాయ్ కమ్ బ్యాక్ ఎప్పుడు.. టైగర్ 3 అయినా ఆయన అంచనాలు నిలబెడుతుందా..? తాజాగా ట్రైలర్ విడుదలైంది.. మరి దాని రివ్యూ చూసేద్దామా..?
బాలీవుడ్ సినిమాలకు హిందీలోనే కాదు తెలుగులోనూ టైమ్ నడుస్తుందిప్పుడు. షారుక్ పుణ్యమా అని పఠాన్, జవాన్ కుమ్మేసాయి.. ఈ రెండు సినిమాలు తెలుగులోనూ 50 కోట్ల గ్రాస్ అందుకున్నాయి. అలాగే అంచనాల్లేకుండా వచ్చిన గదర్ 2 హిందీ వర్షన్ కూడా తెలుగు రాష్ట్రాల్లో మంచి వసూళ్లు సాధించింది. ఇప్పుడిక సల్మాన్ ఖాన్ వంతు. ఈయన టైగర్ 3తో దివాళికి నవంబర్ 12న వచ్చేస్తున్నారు.
సల్మాన్ ఖాన్కు సరైన హిట్ లేక నాలుగేళ్లైంది. మొన్న సమ్మర్లో వచ్చిన కిసీ కా భాయ్ కిసీ కా జాన్ డిజాస్టర్ అయింది. అందుకే తాజాగా బ్లాక్బస్టర్ స్పై యూనివర్స్తో రంగంలోకి దిగుతున్నారు సల్మాన్. అదే టైగర్ 3.. యష్ రాజ్ ఫిలింస్ నిర్మిస్తున్న ఈ చిత్రాన్ని మనీష్ శర్మ తెరకెక్కిస్తున్నారు. పఠాన్, వార్, టైగర్ జిందా హై యూనివర్స్లోనే టైగర్ 3 వస్తుంది.
అనూహ్య పరిస్థితుల్లో దేశద్రోహిగా ముద్ర పడిన టైగర్.. ఎలా బయటికొచ్చాడనేది కథ. విజువల్స్ ఊహించినట్టుగానే పవర్ ఫుల్గా ఉన్నాయి. ట్రైలర్ చూస్తుంటే మరోసారి పఠాన్, వార్ ఛాయలు కనిపిస్తున్నాయి.
పఠాన్కు ముందు షారుక్.. వార్కు ముందు హృతిక్ ఫ్లాపుల్లోనే ఉన్నారు.. వాళ్ళను ఈ స్పై సినిమాలే గట్టెక్కించాయి. మరి టైగర్ 3తో సల్మాన్ కూడా ఇదే మ్యాజిక్ చేస్తారేమో చూడాలి.