Movie Updates: అందుకే సలార్ కు A సర్టిఫికెట్.. ఈగల్ రన్ టైం అంతేనా.!
ఆహాలో బాలయ్య హోస్టుగా వస్తున్న షో అన్‌స్టాపబుల్. పవన్ కళ్యాణ్, హరీష్ శంకర్ కాంబినేషన్‌లో వస్తున్న ఉస్తాద్ భగత్ సింగ్‌పై అంచనాలు ఎలా ఉన్నాయో ప్రత్యేకంగా చెప్పాల్సిన పనిలేదు. ర‌వితేజ హీరోగా కార్తిక్ ఘట్టమనేని తెరకెక్కిస్తున్న యాక్షన్ ఎంటర్‌టైనర్ ఈగల్. సలార్ సినిమాకు A సర్టిఫికెట్ రావడంపై ప్రభాస్ అభిమానులు కాస్త అసహనంతో ఉన్నారు. కృతి శెట్టికి తెలుగు కంటే తమిళంలో అవకాశాలు ఎక్కువగా వస్తున్నాయి.
సలార్ సినిమాకు A సర్టిఫికెట్ రావడంపై ప్రభాస్ అభిమానులు కాస్త అసహనంతో ఉన్నారు. ఎందుకు అడల్ట్ ఇచ్చారు అంటూ దర్శక నిర్మాతలను అడుగుతున్నారు. దీనిపై స్పందించిన నిర్మాత విజయ్ కిరగందూర్.. తమ సినిమాలో ఎలాంటి బోల్డ్ సన్నివేశాలు లేవని.. కొన్ని సీన్స్‌లో వయోలెన్స్ మరీ ఎక్కువగా ఉండటంతో సెన్సార్ వారు A సర్టిఫికెట్ కేటాయించారని తెలిపారు. U/A ఇవ్వడం కోసం కొన్ని కట్స్ చెప్తే ప్రశాంత్ నీల్ వ్యతిరేకించారన్నారు విజయ్.
ర‌వితేజ హీరోగా కార్తిక్ ఘట్టమనేని తెరకెక్కిస్తున్న యాక్షన్ ఎంటర్‌టైనర్ ఈగల్. ఇందులో షూట‌ర్ పాత్రలో నటిస్తున్నారు మాస్ రాజా. అనుప‌మ ప‌ర‌మేశ్వ‌ర‌న్, కావ్య థాప‌ర్ హీరోయిన్లు. ఈ సినిమా నిడివి కేవలం 2 గంటల 10 నిమిషాలు మాత్రమే ఉంటుందని.. అదే పెద్ద ప్లస్ అంటున్నారు దర్శక నిర్మాతలు. హాలీవుడ్ రేంజ్ యాక్షన్ సీక్వెన్సులు ఇందులో చాలా ఉన్నాయనే సంగతి ఎక్కువగా వినిపిస్తుంది. సంక్రాంతికి సినిమా విడుదల కానుంది.
ఆహాలో బాలయ్య హోస్టుగా వస్తున్న షో అన్‌స్టాపబుల్. ఈ టాక్ షో ఎంతటి విజయం సాధించిందో ప్రత్యేకంగా చెప్పనక్కర్లేదు. తాజాగా మూడో సీజన్ కూడా విజయవంతంగా నడుస్తుంది. ఈ క్రమంలోనే తర్వాతి ఎపిసోడ్‌కు సంబంధించిన ప్రోమోను విడుదల చేసారు నిర్వాహకులు. నిన్నటి తరం హీరోయిన్ సుహాసినితో పాటు శ్రీయ సరన్, దర్శకులు జయంత్ సి పరాన్జీ, హరీష్ శంకర్ ఈ ఎపిసోడ్‌కు ముఖ్య అతిథులుగా వచ్చారు.
పవన్ కళ్యాణ్, హరీష్ శంకర్ కాంబినేషన్‌లో వస్తున్న ఉస్తాద్ భగత్ సింగ్‌పై అంచనాలు ఎలా ఉన్నాయో ప్రత్యేకంగా చెప్పాల్సిన పనిలేదు. అయితే పవన్ ఉన్న బిజీ కారణంగా ఈ చిత్ర షూటింగ్ వాయిదా పడింది. ఇదే విషయంపై హరీష్ మాట్లాడుతూ.. ఈ గ్యాప్ ఒట్టి వెకేషన్ మాత్రమే.. సినిమా రిలీజ్ అయ్యాక సెన్సేషన్ అంటూ తెలిపారు. సినిమాపై ఆయన ఎంత నమ్మకంగా ఉన్నారనేది ఈ వ్యాఖ్యల్ని బట్టి అర్థమైపోతుంది. ఎన్నికల తర్వాత ఉస్తాద్ మళ్లీ మొదలు కానుంది.
కృతి శెట్టికి తెలుగు కంటే తమిళంలో అవకాశాలు ఎక్కువగా వస్తున్నాయి. అక్కడ వరస సినిమాలు చేస్తూనే ఉన్నారు బేబమ్మ. తాజాగా ఈమె మరో సినిమాను మొదలు పెట్టారు. లవ్ టుడే ఫేమ్ ప్రదీప్ రంగనాథన్ హీరోగా విఘ్నేష్ శివన్ దర్శకత్వంలో ఓ సినిమా వస్తుంది. ఇందులో కృతి శెట్టి హీరోయిన్‌గా నటిస్తున్నారు. తాజాగా ఈ సినిమా పూజా కార్యక్రమాలతో మొదలైంది. ఇందులో నయనతార కూడా ప్రత్యేక పాత్రలో నటిస్తారని తెలుస్తుంది.