Pushpa 3: పుష్ప-3.. సెట్స్ మీదకు వెళ్ళేది అప్పుడేనా!
పుష్ప మేనియా ఇప్పట్లో తగ్గేది కాదు. అంతకు మించిన సినిమా వచ్చేవరకు అసలు తగ్గేదేలే మేనరిజాన్ని గుర్తుచేసుకుంటూనే ఉంటారు జనాలు. లేటెస్ట్ గా పుష్ప త్రీక్వెల్ గురించి వార్తలు వైరల్ అవుతున్నాయి. ఈ సినిమా ఎప్పుడు స్క్రీన్ మీదకు వచ్చే అవకాశం ఉందోననే చర్చలు జరుగుతున్నాయి. ఫిల్మ్ నగర్లో ఇప్పుడు ఇదో ఇంట్రస్టింగ్ డిస్కషన్.
మొన్నటికి మొన్న ఇంటర్నేషన్ డయాస్ మీద పుష్ప సాంగ్కి పెర్ఫార్మ్ చేశారు ఔత్సాహికులు. ఆ విషయాన్ని షేర్ చేస్తను్న ఆడియన్స్ అంతకు మించి ఓ ఇంట్రస్టింగ్ విషయాన్ని కూడా మాట్లాడుకుంటున్నారు. అది పుష్ప త్రీక్వెల్ రిలీజ్ డేట్ గురించి.
డిసెంబర్ దగ్గర పడుతుందంటే పుష్ప వైబ్స్ మొదలైనట్టే. ఫస్ట్ పార్ట్ రిలీజ్ అయిన 2021నీ, సెకండ్ పార్ట్ ప్రేక్షకుల ముందుకు వచ్చిన లాస్ట్ ఇయర్నీ గుర్తుచేసుకుంటున్నారు ఆడియన్స్. నెక్స్ట్ పార్ట్ ఎప్పుడు రావచ్చనేదాని మీద డిస్కషన్ షురూ అయింది. 2028లో పుష్ప3 ఉంటుందని ఆ మధ్య చెప్పుకొచ్చారు మేకర్స్.
అయితే ఐకాన్స్టార్ ఇప్పుడు అట్లీ సినిమాతో బిజీ బిజీగా ఉన్నారు. ఇంటర్నేషనల్ లెవల్లో తెరకెక్కే ఈ సినిమా ఎప్పుడు పూర్తవుతుంది.. ఆ తర్వాత బన్నీ ఎప్పుడు ఫ్రీ అవుతున్నారన్న విషయం మీద క్లారిటీ రావాల్సి ఉంది.
మరోవైపు సుకుమార్ కూడా బిజీగా ఉన్నారు. ప్రస్తుతం పెద్ది మూవీ చేస్తున్న రామ్ చరణ్, అది పూర్తయ్యాక సుకుమార్ సెట్స్ కి రావాలి. ఈ సినిమా పూర్తయ్యాక సుకుమార్ ఇమీడియేట్గా పుష్ప త్రీక్వెల్కి హాజరవుతారా? లేక ఇంకేమైనా ప్లాన్స్ ఉన్నాయా? అన్నది ప్రస్తుతానికి సస్పెన్స్.
ఇప్పుడు చేస్తున్న ప్రాజెక్టులు పూర్తయ్యాక బన్నీ అండ్ సుకు ఇద్దరూ ఈ ప్రాజెక్టుకు వస్తేనే 2028లో పుష్ప3 వీలవుతుంది.. లేకుంటే మాత్రం ఇంకొన్నాళ్లు ఆగక తప్పదన్నది డిస్కషన్స్ లో తేలుతున్న విషయం.