Devara: తారక్‌కి అండగా ప్రభాస్‌, షారుఖ్‌.. ఏంటని ఆలోచిస్తున్నారా..
తమ ఫేవరేట్‌ స్టార్స్ ఎక్కడున్నారు? ఏం చేస్తున్నారు? స్క్రీన్‌ మీదకు ఎప్పుడొస్తారు? కొలీగ్స్ ఆడియో ఫంక్షన్స్ కి ఎప్పుడు అటెండ్‌ అవుతారు? ఇలాంటి విషయాలు క్షణాల్లో ఫ్యాన్స్ చెవుల్లో పడుతూనే ఉంటాయి. అలా లేటెస్ట్ గా తారక్‌ కోసం ప్రభాస్‌ అండ్‌ షారుఖ్‌ కలిసి స్టార్ట్ చేసిన ఓ మిషన్‌ గురించి ఇంట్రస్టింగ్‌గా చెప్పుకుంటున్నారు నందమూరి అభిమానులు. ఇంతకీ విషయం ఏంటో గెస్‌ చేశారా దేవరా?..
ఎంటర్‌టైన్‌మెంట్‌ ఇండస్ట్రీలో ట్రెండింగ్‌ విషయాలు ఎన్నెన్నో ఉన్నప్పటికీ, దేవర సినిమా మాత్రం నాన్‌స్టాప్‌గా ట్విట్టర్‌లో ట్రెండ్‌ అవుతూనే ఉంది. ఈ నెల మూడో వారంలో దేవర టీజర్‌ వస్తుందంటూ ఫ్యాన్స్ తెగ సంబరపడిపోతున్నారు.
కొరటాల శివ దర్శకత్వంలో తారక్‌ నటించిన జనతా గ్యారేజ్‌ ఆల్రెడీ సూపర్‌డూపర్‌ హిట్‌ అయింది. ఆ సినిమా క్లాస్‌గా ఉంటూనే, మాస్‌ ప్రేక్షకులను ఆకట్టుకుంది. అలాంటిది ఇప్పుడు దేవరను... ఊరమాస్‌గా ఉంటుందని చెప్పే చేస్తున్నారు.
అసలే కొరటాల కైండ్‌ మాస్‌ యాక్షన్‌తో పరిచయం ఉన్న ప్రేక్షకులు ఆ ఫ్రేముల్లో తారక్‌ని ఊహించుకుంటున్నారు... మాస్‌ అవతార్‌లో మా దేవర అద్దరగొట్టాలి అని అనుకుంటున్నారు.
దేవర సినిమా టీజర్‌ని డిసెంబర్‌ థర్డ్ వీక్‌లో రిలీజ్‌ చేయాలని ప్లాన్‌ చేస్తున్నారట మేకర్స్. ముఖ్యంగా సలార్‌, డంకీ సినిమాలతో పాటు దేవర ట్రైలర్‌ ని అటాచ్‌ చేయాలన్న ఆలోచనలో ఉన్నారట. ఆల్రెడీ శంషాబాద్‌లో నాన్‌స్టాప్‌గా షూటింగ్‌ చేస్తున్నారు టీమ్‌.
ఆ మధ్య చేసిన గోవా ఎపిసోడ్‌ సినిమాలో హైలైట్‌ అవుతుందన్నది యూనిట్‌ నుంచి అందుతున్న మాట. త్వరలోనే గోకర్ణలోనూ ఓ షార్ట్ షెడ్యూల్‌ చేస్తారనే ప్రచారం ఉంది. నెట్‌ఫ్లిక్స్ సీఈఓ టెడ్‌ని తారక్‌ కలిసిన ఫొటోలు వైరల్‌ అవుతుండటంతో తెగ హ్యాపీగా ఉన్నారు ఫ్యాన్స్.