Chaitanya-Sobhita: చైతన్య శోభితం… ఆత్మీయంగా జరిగిన నిశ్చితార్థం
నిన్నటివరకు వినిపించిన గుసగుసలు ఇప్పుడు అఫిషియల్‌ అయ్యాయి. మంగళవాద్యాల నడుమ అక్కినేని నాగచైతన్య నిశ్చితార్థవేడుక ఘనంగా జరిగింది. నాగచైతన్య, శోభిత ధూళిపాళ బంధాన్ని కన్‌ఫర్మ్ చేశారు కింగ్‌ అక్కినేని నాగార్జున. సన్నిహితుల మధ్య ఆత్మీయంగా జరిగిన వేడుకకు సంబంధించి ఫొటోలు పంచుకున్నారు. వరుసగా సినిమాలు చేసుకుంటూ బిజీగా ఉన్న నాగచైతన్య రిలేషన్‌షిప్‌లో నిజంగానే ఉన్నారా?
నిన్నటివరకు వినిపించిన గుసగుసలు ఇప్పుడు అఫిషియల్‌ అయ్యాయి. మంగళవాద్యాల నడుమ అక్కినేని నాగచైతన్య నిశ్చితార్థవేడుక ఘనంగా జరిగింది. నాగచైతన్య, శోభిత ధూళిపాళ బంధాన్ని కన్‌ఫర్మ్ చేశారు కింగ్‌ అక్కినేని నాగార్జున. సన్నిహితుల మధ్య ఆత్మీయంగా జరిగిన వేడుకకు సంబంధించి ఫొటోలు పంచుకున్నారు.
వరుసగా సినిమాలు చేసుకుంటూ బిజీగా ఉన్న నాగచైతన్య రిలేషన్‌షిప్‌లో నిజంగానే ఉన్నారా? అందరూ అనుకుంటున్నట్టు ఎస్‌ అంటే శోభిత ధూళిపాళేనా అంటూ రకరకాల వార్తలు నిన్న మొన్నటిదాకా చర్చల్లో నిలిచాయి.
ఇప్పుడు వాటన్నిటికీ పట్టా దొరికేసింది. యస్‌.. ఫర్‌ శోభిత అంటూ క్లారిటీ వచ్చేసింది.మా అబ్బాయి నిశ్చితార్థ వేడుక ఉదయం 9.42కి జరిగింది. శోభితను ఇంటి కోడలిగా ఆహ్వానిస్తున్నాం.
వారిద్దరి మధ్య జీవితకాలపు ప్రేమ, ఆనందాలు వర్ధిల్లాలి అంటూ ఆశీర్వదించారు కింగ్‌ నాగార్జున. చైతూ, శోభితతో ఉన్న ఫొటోలు షేర్‌ చేశారు. చైతూ భుజం మీద తలవాల్చిన శోభిత పిక్‌ ఇన్‌స్టంట్‌గా వైరల్‌ అయింది.
సమంతతో విడిపోయాక... గత రెండేళ్లుగా చైతూ మరో అమ్మాయితో రిలేషన్‌షిప్‌లో ఉన్నారనే వార్తలు గుప్పుమన్నాయి. ఫారిన్‌లో షెఫ్‌తో చైతూ తీసుకున్న పిక్‌లో శోభిత కనిపించడంతో గాసిప్స్ స్పీడందుకున్నాయి. వాటి గురించి ఎప్పుడూ నేరుగా స్పందించలేదు ఇద్దరూ. పెద్దల అంగీకారంతో సన్నిహితుల సమక్షంలో నిశ్చితార్థం చేసుకున్నారు. త్వరలో మూడుముళ్ల బంధంతో ఒక్కటవుతున్నారు.