Directors: శంకర్ రూట్లో ఆ దర్శకులు.. ఎవరు ఆ కెప్టెన్స్.? ఎం చేయనున్నారు.?
సమయం లేదు మిత్రమా అని అప్పుడెప్పుడో బాలయ్య అన్న మాటను సీరియస్‌గా తీసుకున్నట్టున్నారు స్టార్‌ డైరక్టర్లు. శంకర్ చూపించిన దారిలో నడవడానికి రెడీ అవుతున్నారు. ఆల్రెడీ ప్రశాంత్‌ నీల్‌ అడుగు ముందుకేశారు... సందీప్‌ రెడ్డి వంగా రెడీ అవుతున్నారు... నాగ్‌ అశ్విన్‌ ఏమంటారు? చూసేద్దాం రండి....
ప్రాజెక్ట్ కె గురించి మాకు తెలుసు.... ప్రాజెక్ట్ ఎస్‌ సంగతేంటి? అని ఇష్టంగా ఆరా తీస్తున్నారు అభిమానులు. నాగ్‌ అశ్విన్‌, ఏవీఎం ప్రొడక్షన్స్ కొలాబరేషన్‌లో రాబోయే సినిమా గురించి మాట్లాడుకుంటున్నారు.
ఇంతకీ కల్కి సీక్వెల్‌ తీస్తూనే నాగీ... ఏవీయం సినిమా చేస్తారా? ఈ సినిమాకు జస్ట్ సలహాదారుగానో, నిర్మాతగానో వ్యవహరిస్తారా? ఇంకీ ప్రాజెక్ట్ ఎస్‌ అంటే ఏంటన్నది నయా డిస్కషన్‌ పాయింట్‌. మీ సంగతేమోగానీ నేను మాత్రం బ్యాక్‌ టు బ్యాక్‌ రెండు ప్రాజెక్టులతో బిజీ అని అంటున్నారు సలార్‌ కెప్టెన్‌.
ప్రభాస్‌ హీరోగా నటించిన సలార్‌ సినిమా సూపర్‌ క్లిక్‌ అయింది. ఇప్పుడు ఈ మూవీ సీక్వెల్‌కి స్క్రిప్ట్ రెడీ అవుతోంది. మరోవైపు తారక్‌తో సినిమా షురూ చేసేశారు ప్రశాంత్‌ నీల్‌. జోడు గుర్రాల స్వారీ చేయడానికి సిద్ధమవుతున్నారు నీల్‌. యాక్చువల్‌గా రీసెంట్‌ టైమ్స్ లో ఇలాంటి డబుల్‌ ధమాకాని ఆస్వాదించిన కెప్టెన్‌ శంకర్.
ఓ వైపు ఇండియన్‌2 పనులు చేస్తూనే, ఇంకో వైపు గేమ్‌ చేంజర్‌ని కూడా కంప్లీట్‌ చేసే ప్రయత్నం చేశారు శంకర్. త్వరలోనే హనుమాన్‌ డైరక్టర్‌ కూడా ఈ రూట్లోనే ట్రావెల్‌ చేయడానికి రెడీ అవుతున్నారు. ఓ వైపు హనుమాన్‌కి సీక్వెల్‌, మరోవైపు బాలయ్య - మోక్షజ్ఞ సినిమాలను సైమల్‌టైనియస్‌గా డీల్‌ చేయాలి ప్రశాంత్‌ వర్మ.
అనుకున్న ప్రకారం ప్రభాస్‌ టైమ్‌ కేటాయిస్తే ఓకేగానీ, లేకపోతే మాత్రం స్పిరిట్‌ని, యానిమల్‌2ని ఏక సమయంలో తెరకెక్కించాలేమో సందీప్‌ రెడ్డి వంగా. అదే జరిగితే ఒకేసారి రెండు వెయ్యి కోట్ల ప్రాజెక్టుల బరువు బాధ్యతలు తీసుకోవడానికి మన కెప్టెన్లు గ్రీన్‌ సిగ్నల్స్ ఇస్తున్నట్టే మరి...