Surender Reddy: పాన్ ఇండియన్ డిజాస్టర్ తర్వాత పక్కాగా ప్లాన్ చేస్తున్న డైరెక్టర్..!
ఈరోజుల్లో మామూలు ఫ్లాప్ సినిమా ఇస్తేనే ఆ దర్శకుడి వైపు చూడడానికి హీరోలు ఒకటికి రెండుసార్లు ఆలోచిస్తున్నారు. అదే పాన్ ఇండియా డిజాస్టర్ ఇస్తే.. దానికి దాదాపు 40 కోట్లకు పైగా నష్టాలు వస్తే.. ఇక ఆ దర్శకుడి వైపు చూడడానికి మన హీరోలు ఇష్టపడతారా..? కానీ అవేమీ తన కెరీర్ పై ప్రభావం చూపించకుండా ఒక దర్శకుడు మాత్రం బాగానే మ్యాజిక్ చేస్తున్నాడు. అతడే సురేందర్ రెడ్డి. ఏజెంట్ సినిమా ఊహించిన దాని కంటే పెద్ద డిజాస్టర్ అయింది.
ఈరోజుల్లో మామూలు ఫ్లాప్ సినిమా ఇస్తేనే ఆ దర్శకుడి వైపు చూడడానికి హీరోలు ఒకటికి రెండుసార్లు ఆలోచిస్తున్నారు. అదే పాన్ ఇండియా డిజాస్టర్ ఇస్తే.. దానికి దాదాపు 40 కోట్లకు పైగా నష్టాలు వస్తే.. ఇక ఆ దర్శకుడి వైపు చూడడానికి మన హీరోలు ఇష్టపడతారా..? కానీ అవేమీ తన కెరీర్ పై ప్రభావం చూపించకుండా ఒక దర్శకుడు మాత్రం బాగానే మ్యాజిక్ చేస్తున్నాడు. అతడే సురేందర్ రెడ్డి. ఏజెంట్ సినిమా ఊహించిన దాని కంటే పెద్ద డిజాస్టర్ అయింది.
అఖిల్ హీరోగా వచ్చిన ఈ సినిమాకు దాదాపు 80 కోట్లకు పైగా బడ్జెట్ పెడితే.. 20 కోట్ల కలెక్షన్స్ కూడా రాలేదు. నికరంగా 40 కోట్లకు పైగా నష్టాలు తీసుకువచ్చింది ఏజెంట్. మలయాళ మెగాస్టార్ మమ్ముట్టి ఇందులో నటించినా కూడా ప్రయోజనం లేకుండా పోయింది.
ఏజెంట్ ఫలితం చూసిన తర్వాత సురేందర్ రెడ్డి వైపు చూడడానికి హీరోలు ఒకటికి పది సార్లు ఆలోచిస్తారని అందరూ అనుకున్నారు. కానీ నెక్స్ట్ ఇద్దరు స్టార్ హీరోలకు కథ చెప్పి సిద్ధంగా ఉన్నాడు ఈ డైరెక్టర్. పవన్ కళ్యాణ్ హీరోగా సురేందర్ రెడ్డి ఒక సినిమా చేయబోతున్నాడు.ఎన్నికల తర్వాత ఈ సినిమా మొదలయ్యే అవకాశాలున్నాయి. పవన్ స్నేహితుడు రామ్ తాళ్లూరి దీనికి నిర్మాత. పవన్ కళ్యాణ్ సినిమా కాబట్టి ఎప్పుడు మొదలవుతుందో చెప్పడం కష్టం.
అందుకే వెంకటేష్ హీరోగా ఒక సినిమా చేయడానికి ఈయన ప్లాన్ చేస్తున్నాడు. ఇప్పటికే సురేష్ ప్రొడక్షన్స్ లో కథ కూడా చెప్పినట్టు తెలుస్తోంది. ఇందులో నాగచైతన్య కూడా హీరోగా నటించే అవకాశాలు కనిపిస్తున్నాయి.
మరోవైపు బాలీవుడ్ హీరోకు కూడా సురేందర్ రెడ్డి స్టోరీ సిద్ధం చేశాడు. ప్రస్తుతం ఈయన ముందు మూడు ఆప్షన్స్ ఉన్నాయి. అందులో పవన్ సినిమా ఇప్పట్లో పట్టాలెక్కడం కష్టమే.. కాబట్టి వెంకటేష్ తో ఈయన నెక్స్ట్ సినిమా దాదాపు ఖరారు అయిపోయినట్టే అంటున్నాయి ఇండస్ట్రీ వర్గాలు. ఏదేమైనా అంత పెద్ద డిజాస్టర్ వచ్చిన తర్వాత కూడా వరుస సినిమాలు ప్లాన్ చేసుకుంటున్నాడు ఈయన.