Ajith: కోలీవుడ్ కు అనుకోని కష్టాలు.. మొన్న విజయ్.. ఇప్పుడు అజిత్
మూలిగే నక్కపై తాటిపండు పడటం అంటారు కదా..! ఇప్పుడు తమిళ ఇండస్ట్రీని చూస్తుంటే ఇదే అనాలనిపిస్తుంది. వాళ్లకేమైంది బాగానే ఉన్నారుగా.. పైగా ఒక్కో సినిమా వందల కోట్లు వసూలు చేస్తున్నాయి.. ఇంకేం కావాలి అనుకుంటున్నారా..? అసలు కథ మొదలైందిక్కడే. ఆల్రెడీ విజయ్ రిటైర్మెంట్ ఇచ్చారు. తాజాగా మరో స్టార్ హీరో లాంగ్ బ్రేక్ అంటున్నారు. ఇంతకీ ఆయనెవరు..?
మూలిగే నక్కపై తాటిపండు పడటం అంటారు కదా..! ఇప్పుడు తమిళ ఇండస్ట్రీని చూస్తుంటే ఇదే అనాలనిపిస్తుంది. వాళ్లకేమైంది బాగానే ఉన్నారుగా.. పైగా ఒక్కో సినిమా వందల కోట్లు వసూలు చేస్తున్నాయి.. ఇంకేం కావాలి అనుకుంటున్నారా..? అసలు కథ మొదలైందిక్కడే. ఆల్రెడీ విజయ్ రిటైర్మెంట్ ఇచ్చారు. తాజాగా మరో స్టార్ హీరో లాంగ్ బ్రేక్ అంటున్నారు. ఇంతకీ ఆయనెవరు..?
తమిళ ఇండస్ట్రీలో టాప్ హీరోలెవరంటే.. ముందుగా రజినీకాంత్ పేరు వినిపిస్తుంది.. ఆ తర్వాత విజయ్, అజిత్ అంటూ పెద్ద లిస్టే ఉంది. అందులో రజినీ ఏడాదికి ఒక్క సినిమా.. కుదిర్తే రెండేళ్లకో సినిమా చేస్తున్నారు. సూర్య, కమల్ హాసన్, ధనుష్ లాంటి వాళ్లంతా సినిమాలు చేసినా.. వందల కోట్ల రేంజ్‌కు వెళ్లలేదు. దాంతో భారమంతా రజినీ, విజయ్, అజిత్ మోస్తున్నారిప్పుడు.
ఫామ్ పరంగా చూస్తే తమిళనాట విజయ్ ఇప్పుడు నెంబర్ వన్. మొన్నటికి మొన్న గోట్ కూడా 450 కోట్ల వరకు వసూలు చేసింది. అయితే రాజకీయాల కారణంగా ఈయన రిటైర్మెంట్ ప్రకటించారు. ఇంకొక్క సినిమా మాత్రమే చేస్తున్నారు విజయ్. దాంతో కోలీవుడ్‌కు ఇది పెద్ద దెబ్బే.
ఇదిలా ఉంటే తాజాగా అజిత్ సైతం లాంగ్ బ్రేక్ కావాలంటున్నారు. ఇది మరో షాక్ వాళ్లకు.అజిత్ ప్రస్తుతం నటిస్తున్న గుడ్ బ్యాడ్ అగ్లీ, విడాముయార్చి సినిమాలు 3 నెలల గ్యాప్‌లోనే రానున్నాయి. వీటి తర్వాత రెండేళ్ళ బ్రేక్ తీసుకోనున్నారు అజిత్.
దానికి కారణం యురోపియన్ GT4 ఛాంపియన్‌షిప్. రేసింగ్‌పై ఈ హీరోకున్న ఇష్టమేంటో అందరికీ తెలుసు. ఇందులో పాల్గొనడానికే ఒప్పుకున్న సినిమాలు త్వరగా పూర్తి చేస్తున్నారు. మొత్తానికి విజయ్, అజిత్ బ్రేక్ ఒకేసారి ఇస్తే కోలీవుడ్ కోలుకోవడం కష్టమే.