ఈ రోజుల్లో స్టార్ హీరోలు రోజుకు ఒక షిఫ్ట్ చేయడమే కష్టం.. అలాంటిది 3 షిఫ్టులు పని చేసే హీరోలున్నారా..? అదంతా ఒకప్పుడే అయిపోయింది కదా అనుకుంటున్నారు కదా..? కానీ ఉన్నారు.. ఓ హీరో రోజుకు 20 గంటలు సెట్ లోనే ఉంటున్నాడు. అలా చేయడానికి కారణం కూడా లేకపోలేదు. అసలు ఎవరా స్టార్ హీరో..? ఎందుకంత కష్టపడుతున్నాడో చూద్దామా..?
ఒకేసారి రెండు సినిమాలు సెట్స్పై ఉన్నపుడు హీరోలు పడే టెన్షన్ మామూలుగా ఉండదు. డేట్స్ అడ్జస్ట్ చేయడానికి తంటాలు పడుతుంటారు. పగలిక్కడ.. రాత్రక్కడ అంటూ షిఫ్ట్లు చేస్తుంటారు. అజిత్ కూడా చేస్తున్నదిదే ఇప్పుడు.
ఇటు విడాముయార్చి.. అటు గుడ్ బ్యాడ్ అగ్లీ షూటింగ్స్తో బిజీగా ఉన్నారు అజిత్. ఈ రెండింటి షూట్ హైదరాబాద్లోనే జరుగుతుంది.అక్టోబర్లో విడాముయార్చి.. జనవరిలో గుడ్ బ్యాడ్ అగ్లీ విడుదల కానున్నాయి.
ఈ మధ్య కాలంలో అజిత్ ఇంత వేగంగా సినిమాలు చేయడం ఇదే తొలిసారి. దీని వెనక కారణం కూడా లేకపోలేదు. నిజానికి తునివు తర్వాత భారీ బ్రేక్ ప్లాన్ చేసారు అజిత్. కానీ కుదర్లేదు.. దాంతో ఒప్పుకున్న రెండు సినిమాలు పూర్తి చేసాక.. 6 నెలలు బైక్ ట్రిప్ ప్లాన్ చేస్తున్నారు అజిత్.
కొత్త ప్రాజెక్ట్స్ ఏవీ అధికారికంగా ప్రకటించలేదు అజిత్. ఆ మధ్య ప్రశాంత్ నీల్ సినిమాపై న్యూస్ వచ్చినా.. దానిపై క్లారిటీ లేదు. ఏదేమైనా ఒక్కటి మాత్రం పక్కా.. మూడు నెలల గ్యాప్లో 2 సినిమాలతో వచ్చి.. ఆ తర్వాత పెద్ద బ్రేక్ తీసుకోవాలని చూస్తున్నారు అజిత్. కుదిరినంత వరకు బైక్పై ప్రపంచాన్ని చుట్టేయాలని చూస్తున్నారు అజిత్.