Telugu Indian Idol Season 4: గల్లీ టు గ్లోబల్.. అట్టహాసంగా తెలుగు ఇండియన్ ఐడల్ సీజన్ 4 గ్రాండ్ లాంచ్ ఈవెంట్
యువ గాయనీ, గాయకుల కోసం ఆహా ఓటీటీ నిర్వహిస్తోన్న తెలుగు ఇండియన్ ఐడల్ సీజన్ 4 వచ్చేస్తోంది. ఇప్పటికే సక్సెస్ ఫుల్ గా మూడు సీజన్లు పూర్తి చేసుకున్న ఈ సింగింగ్ రియాలిటీ షో కొత్త సీజన్ ఆగస్టు 29 నుంచి ప్రారంభం కానుంది.
తీయనైన గొంతు ఉండి సింగర్ గా ఎదగాలనుకున్న ఎంతో మంది ప్రతిభావంతులకు అద్భుతమైన అవకాశాలను కల్పిస్తోంది ఆహా ఓటీటీ. ఇందులో భాగంగా తెలుగు ఇండియన్ ఐడల్ రియాలిటీ షోను సక్సెస్ ఫుల్ గా నిర్వహిస్తోంది.
ఇప్పటికే ఈ సింగింగ్ రియాలిటీ షో మూడు సీజన్లు విజయవంతంగా పూర్తయ్యాయి. ఎంతో మంది సింగర్లు తమ ట్యాలెంట్ ను ప్రపంచానికి చాట చెప్పారు. ఇప్పుడు ఆగస్టు 29 నుంచి నాలుగో సీజన్ ప్రారంభం కానుంది
ఈ నేపథ్యంలో తెలుగు ఇండియన్ ఐడల్ సీజన్ 4 గ్రాండ్ లాంఛ్ ఈవెంట్ అట్టహాసంగా జరిగింది. షో న్యాయనిర్ణేతలు థమన్, కార్తీక్, గీతా మాధురి అలాగే హోస్ట్లు సమీరా భరద్వాజ్, శ్రీరామ చంద్ర తదితరుల ఈ కార్యక్రమంలో పాల్గొన్నారు.
ఈ సందర్భంగా తమ ఎనర్జిటిక పెర్ఫామెన్స్ తో ఆహూతులను అలరించారు తమన్, కార్తీక్, గీతా మాధురి. అలాగే సమీరా, శ్రీరామ చంద్రలు కూడా తమదైన పంచులతో ఈ ఈవెంట్ ను రక్తి కట్టించారు.
'గల్లీ టు గ్లోబల్', 'మనమే రా ఐడల్' అనే థీమ్ కాన్సెప్టుతో ఈ సారి ఇండియన్ ఐడల్ సీజన్ ను నిర్వహిస్తున్నట్లు నిర్వాహకులు తెలిపారు
కాగా ఇటీవలే తెలుగు ఇండియన్ ఐడల్ సీజన్ 4 ప్రోమో విడుదలైంది. ఇందులో మిరాయ్ హీరో తేజ సజ్జా కూడా సందడి చేశాడు. ఆగస్టు 29 నుంచి ఈ షో ప్రారంభం కానుంది.