After Pongal Movies: పండగ చుట్టూ సినిమా సందడి ఒకే.! ఆఫ్టర్‌ పొంగల్‌ పరిస్థితి ఏంటి.?
సంక్రాంతికి వచ్చే సినిమాలు, వాటిలో నటించే నాయికలు.. అంటూ పండగ చుట్టూ అల్లుకున్న సినిమా సందడి గురించి చూశాం కదా... ఇప్పుడు ఆఫ్టర్‌ పొంగల్‌ పరిస్థితి ఏంటి? పెద్ద సినిమాలు క్యూలో ఉంటాయా? లేవా? ఏయే జోనర్‌ మూవీలు ఆఫ్టర్‌ పొంగల్‌ సందడి చేస్తాయి? ఒక లుక్‌ వేసేద్దాం రండి.. ఫ్యామిలీ స్టార్‌ యుఎస్‌ షెడ్యూల్‌ అనుకున్న ప్రకారమే జరిగి ఉంటే, పర్ఫెక్ట్ గా సంక్రాంతికి రిలీజ్‌ కావాల్సింది.
సంక్రాంతికి వచ్చే సినిమాలు, వాటిలో నటించే నాయికలు... అంటూ పండగ చుట్టూ అల్లుకున్న సినిమా సందడి గురించి చూశాం కదా... ఇప్పుడు ఆఫ్టర్‌ పొంగల్‌ పరిస్థితి ఏంటి? పెద్ద సినిమాలు క్యూలో ఉంటాయా? లేవా? ఏయే జోనర్‌ మూవీలు ఆఫ్టర్‌ పొంగల్‌ సందడి చేస్తాయి? ఒక లుక్‌ వేసేద్దాం రండి...
ఫ్యామిలీ స్టార్‌ యుఎస్‌ షెడ్యూల్‌ అనుకున్న ప్రకారమే జరిగి ఉంటే, పర్ఫెక్ట్ గా సంక్రాంతికి రిలీజ్‌ కావాల్సింది. విజయ్‌ దేవరకొండను ప్రేక్షకులు ఇష్టపడి చూసే జోనర్‌లో ఈ సినిమా ఉంటుంది. దిల్‌రాజు కాంపౌండ్‌ నుంచి వస్తున్న మూవీ కావడంతో ఎక్స్ పెక్టేషన్స్ కూడా బాగానే ఉన్నాయి.
సంక్రాంతి రేసు నుంచి తప్పుకున్న ఈ సినిమా ఆఫ్టర్‌ పొంగల్‌ మూవీస్‌ రేసులో ఉంది. రీసెంట్‌గా పొన్నియిన్‌ సెల్వన్‌ మూవీస్‌తో హిట్‌ అందుకున్నారు విక్రమ్‌. ఆయన నుంచి వస్తున్న సినిమా తంగలాన్‌. పీరియాడిక్‌ యాక్షన్‌ డ్రామాగా తెరకెక్కుతోంది. దాదాపు 150 కోట్ల బడ్జెట్‌తో రూపొందుతోంది తంగలాన్‌. ఈ సినిమాను జనవరి 26న విడుదల చేయడానికి రెడీ అవుతున్నారు మేకర్స్.
ఫిబ్రవరిలో యాత్ర2 రిలీజ్‌కి రెడీ అవుతోంది. యాత్రలో నటించిన మమ్ముట్టి సీక్వెల్‌లోనూ వై.యస్‌.రాజశేఖర్‌రెడ్డి పాత్రలో కనిపిస్తారు. ఇందులో జగన్‌ కేరక్టర్‌లో జీవా నటిస్తున్నారు. రీసెంట్‌గా నటీనటుల కాన్సెప్ట్ పోస్టర్లను రిలీజ్‌ చేస్తున్నారు కెప్టెన్‌ మహి.వి.రాఘవ్‌. ఆంధ్రప్రదేశ్‌ ఎన్నికలకు ముందే ఈ సినిమాను విడుదల చేయాలని చిత్రీకరణను శరవేగంగా పూర్తి చేస్తోంది యూనిట్‌.
డీజే టిల్లు సినిమాకు స్పెషల్‌ ఆడియన్స్ ఉన్నారు. టిల్లు స్క్వ యర్‌ నుంచి చిన్న అప్‌డేట్‌ వచ్చినా వెంటనే వైరల్‌ అవుతుండటాన్ని గమనించిన వారికి అందరికీ ఇది అర్థమవుతుంది. ఫిబ్రవరి 9న విడుదల కానున్న ఈ సినిమా మీద మామూలు ఎక్స్ పెక్టేషన్స్ లేవు. వాటిని రీచ్‌ అయ్యే కళ ప్రమోషనల్‌ కంటెంట్‌లో స్పష్టంగా కనిపిస్తోంది.
రిలీజ్‌ డేట్‌ చెప్పి డబుల్‌ ఇస్మార్ట్ మూవీని స్టార్ట్ చేశారు పూరి జగన్నాథ్‌. మార్చిలో రిలీజ్‌ కాబోయే ఈ సినిమా మీద కూడా బజ్‌ గట్టిగానే ఉంది. స్కంథతో ఫ్లాప్‌ చూసిన రామ్‌కి, ఇప్పుడు డబుల్‌ ఇస్మార్ట్ సక్సెస్‌ చాలా ఇంపార్టెంట్‌. అలాగే లైగర్‌ పరాజయాన్ని మర్చిపోవాలంటే పూరి జగన్నాథ్‌కి కూడా డబుల్‌ ఇస్మార్ట్ చాలా ఇంపార్టెంట్‌ సినిమా.