Rashmika Mandanna: అచ్చం రష్మికలా రెడీ అయిన తెలుగు హీరోయిన్.. జయమ్మను దించేసిందిగా.. ఎవరో గుర్తు పట్టారా?
ఆ మధ్యన రణబాలి సినిమా నుంచి విజయ్ దేవరకొండ, రష్మిక మందన్నాల ఫస్ట్ లుక్ ను రిలీజ్ చేశారు మేకర్స్. . బ్రిటిష్ కాలం నాటి కథతో తెరకెక్కుతోన్న ఈ సినిమాలో రష్మిక జయమ్మ అనే పవర్ ఫుల్ రోల్ లో కనిపించనుంది.
పెళ్లి తర్వాత టాలీవుడ్ రౌడీ బాయ్ విజయ్ దేవరకొండ, రష్మిక మందన్నా జంటగా నటిస్తోన్న చిత్రం రణబాలి. 1854 నుంచి 1878 మధ్యకాలంలో జరిగిన యథార్థ సంఘటనల ఆధారంగా ఈ సినిమాను తెరకెక్కిస్తున్నారు.
ట్యాక్సీవాలా, శ్యామ్ సింగరాయ వంటి సూపర్ హిట్ సినిమాలను తెరకెక్కించిన రాహుల్ సాంకృత్యాన్ ఈ సినిమాకు దర్శకత్వం వహిస్తున్నారు. మైత్రీ మూవీ మేకర్స్ పతాకంపై నవీన్ ఎర్నేని, రవిశంకర్ సంయుక్తంగా నిర్మిస్తున్నారు.
ప్రస్తుతం షూటింగ్ దశలో ఉన్న ఈ మూవీలో రష్మిక జయమ్మ అనే పవర్ ఫుల్ రోల్ లో కనిపించనుంది. ఆ మధ్యన రిలీజ్ చేసిన ఆమె ఫస్ట్ లుక్ కు మంచి స్పందన వచ్చింది. బ్రిటిష్ కాలం నాటి పరిస్థితులకు తగ్గట్టుగా రష్మిక కనిపించిన విధానం అందరినీ ఆకట్టుకుంది.
ఈ క్రమంలో రణబాలి సినిమాలో రష్మిక లాగే ముస్తాబైంది టాలీవుడ్ హీరోయిన్ శ్రావణి రెడ్డి. ఇటీవలే లవ్ రెడ్డి సినిమాతో ఆడియెన్స్ ను పలకరించిన ఈ ముద్దుగుమ్మ అచ్చం రష్మిక జయమ్మ పాత్రలో రెడీ అయ్యి ఫొటోలకు పోజులిచ్చింది.
ప్రస్తుతం శ్రావణి రెడ్డి షేర్ చేసిన ఫొటోలు సామాజిక మాధ్యమాల్లో బాగా వైరలవుతున్నాయి. వీటిని చూసిన నెటిజన్లు క్రేజీ కామెంట్స్ చేస్తున్నారు. అరె.. ఈ హీరోయిన్ అచ్చం రష్మికలా భలే ముస్తాబయ్యిందే అంటూ కాంప్లిమెంట్స్ ఇస్తున్నారు.