Deol Family: డియోల్ ఫ్యామిలీకి మెమొరబుల్‌గా నిలిచింది 2023..
అదంతే.. ఒక్కోసారి అలా కలిసొస్తుంది.. ఇదిగో బాలీవుడ్‌లో ఈ కుటంబ హీరోలకు కలిసొచ్చినట్లుగా..! పాతికేళ్లుగా వాళ్లున్నారనే సంగతి కూడా ఆడియన్స్ మరిచిపోయారు.. తండ్రీ కొడుకుల గురించి ఆలోచించే టైమ్ కూడా లేదు. కానీ ఉన్నట్లుండి 2023లో ఒకేసారి ముగ్గురూ గర్జించారు.. మేమున్నాంటూ గుర్తు చేసారు. మరింతకీ ఎవరా ఫ్యామిలీ హీరోస్.. వాళ్లు చేసిన సినిమాలేంటి..?
అదంతే.. ఒక్కోసారి అలా కలిసొస్తుంది.. ఇదిగో బాలీవుడ్‌లో ఈ కుటంబ హీరోలకు కలిసొచ్చినట్లుగా..! పాతికేళ్లుగా వాళ్లున్నారనే సంగతి కూడా ఆడియన్స్ మరిచిపోయారు.. తండ్రీ కొడుకుల గురించి ఆలోచించే టైమ్ కూడా లేదు. కానీ ఉన్నట్లుండి 2023లో ఒకేసారి ముగ్గురూ గర్జించారు.. మేమున్నాంటూ గుర్తు చేసారు. మరింతకీ ఎవరా ఫ్యామిలీ హీరోస్.. వాళ్లు చేసిన సినిమాలేంటి..?
ఒకప్పుడు వెలుగు వెలిగిన చాలా మంది సీనియర్ హీరోలకు ఇప్పుడు కనీస మార్కెట్ కూడా లేదు. సౌత్‌లో 60 ప్లస్ హీరోలకు ఇప్పటికీ బ్రహ్మరథం పడుతున్నారు కానీ నార్త్‌లో మాత్రం అందరికీ ఇప్పటికే దండం పెట్టేసారు ప్రేక్షకులు. ఇలాంటి సమయంలో ఇద్దరు హీరోలు 2023లో సత్తా చూపించారు. దాదాపు 20 ఏళ్ళ తర్వాత మేమున్నామని గుర్తు చేసారు.. వాళ్లే సన్నీ డియోల్, బాబీ డియోల్.
2023 డియోల్ బ్రదర్స్‌కు బాగా కలిసొచ్చింది. 20 ఏళ్లుగా సరైన విజయం లేని సన్నీ డియోల్.. గదర్ 2తో సంచలనం సృష్టించారు. అది కూడా మాటల్లో చెప్పలేని విధ్వంసం. 600 కోట్లు వసూలు చేసిన ఒకే ఒక్క 60 ప్లస్ హీరోగా బాలీవుడ్‌లో చరిత్రను తిరగరాసారు సన్నీ. గదర్ 2 ఇచ్చిన బూస్టప్‌తో బోర్డర్ సీక్వెల్ రెడీ చేస్తున్నారు సన్నీ. మరో అరడజన్ సినిమాలు సైన్ చేసారీయన.
సన్నీ డియోల్ తమ్ముడు బాబీ డియోల్ సైతం యానిమల్‌తో రప్ఫాడించారు. మాటల్లేకుండా కేవలం హావభావాలతో ఇందులో నటించారు బాబీ. కనిపించేది కాసేపే అయినా బాబీ నటనకు ఫిదా అయిపోయారు ఆడియన్స్.
.ఇక సన్నీ, బాబీ తండ్రి ధర్మేంద్ర సైతం ఈ ఏడాది రాఖీ ఔర్ రాణికి ప్రేమ్ కహానిలో భగ్న ప్రేమికుడిగా మెప్పించారు. మొత్తానికి డియోల్ కుటుంబానికి 2023 మెమొరబుల్‌గా నిలిచిపోయింది.